Ka Elele, Volume 9, Number 1, 1 March 1854 — LUNA ALANUI PONO OLE. [ARTICLE]

LUNA ALANUI PONO OLE.

Aloha oe e ka Elele Hawaii. Ua kupu mai kuu manao kamailio pu kaua no ka manao hope o Ikemaka, e hai ana ma ka Elele pepa 23 aoao 90 “Ua hana ke ia Lunaauhau ma ka mahalo ia e na kanaka i mea nona e paai” ma ka oihana Lunaauhau a me ka Lunaalanui (oia hoi o ke Kino.) Ke hooia aku nei au ia manao o īkemaka ! ma ko’u ike maka ana a me ko’u lohe pono i ana mai i na kanaka o Ewa a me Waianae. Ma Ewa a ma Waianae au i na la hope o 1 Dekemaba a me na la mua o lanuan nei, ia ; manawa, ike au ma ka limao kekahi poe i ka i barota e koho ana ia Kekino i Lunamakaoinana, a i Luna Hana Alanui no ka makahiki I 1854, ninau aku au ia poe i ke kumu o ko lakou manao i koho ai ia Kekino i Lunama- ; kaainana a i Luna Alanui, no ka mea, ua ike au i kekahi mau barota e hoolahaia ana malaila i Lunamakaainar a ai Luna Hana Alanui e, aole o Kekino, a oia poe kai pipili aku ko’u naau, ua kupono lakou ke lilo i Lunamakaai1 nana a i Luna Alanui, hai aku la au i ko’u manao, aole kupono o Kekino i L. M., aka, pane mai la keia poe a pau ma keia manao ' hookahi, “makemake loa makou ia Kekino i ka hana oluolu ia makou, he ola makou ia ia, aole hookaumaha, a he mahalo makou ia Kekino” ninau aku la au, Heaha kana hana oluolu a oukou i mahalo ai? Olelo mai lakou, “O ; na kanaka o makou e noho nei, he poe ikaika maoli no, a he auhau ia no e ka Lunaauhau ; mua ia Kekino, ua pau ka auhau Kula, | auhau Kino, a me ka auhau alanui he palaui alelo wale no ka hana ana, i ke kakahiaka wa- ! le no pau ka hana, {t O!elo aku la au aia e j walu hora hana i ka la mai ka hora 8 Kakahii aka ai ka hora 4 ahiahi alaila, pau, hookahi ; ia la hana, Olelo mai lakou, aole hana o Ke kino ia makou, nolaila mahalo makou ia ia. Hooia loa au i ka olelo a ke ia poe, i ko’u ike maoli ana i ke ino o ke alanui mai Ewa a i Waianae, aole maikai o ia alanui i ke ia M. 1853 o ka maikai no i ka manawa ia Opunui M. 1852. Ua ikehoi au i ka Kekino palapala hoike i ka nui o kona mau la i hana’i me na kanaka i ke aianui 144 la hana, aole nae he wahi maikai o ke alauui mai Ewa Waianae ma ke ia mau la hana 144 Ualohe hoi au he aie ke Aupuni i na Kumuao ma Ewa a me Wai- ; anae no ke dala ole oia apana no ka hookuu ana o ke Kino i na kanaka kupono i na auhau i mea nona e mahalo ia’i e na kanaka, Nolaila ko’u ike maoli ana i ke ino o ke Alanui a a me ko’u lohe maoli ana i ka olelo a kekahi poe o Ewa a me Waianae, ke hooia aku nei au i ka manao hope o Ikemaka, ua imi io o Kekino i mea e mahalo ia'i. Ua hua mai

keia hana i waena o ka poe naaupo, a me ka poe makau ole i ke Akua, no ka mea, no kona nanupo aole oia i ike, o ka maikai o ke alanui ka mea e waiwai ai ka aina a e pomaikai ai na kanaka, no kona makau ole i ke Akua, lioo kekee oia i na kanawai o ka Aina* J. W. Kokua.