Ka Elele, Volume 8, Number 22, 28 Kekemapa 1853 — Untitled [ARTICLE]

Keoneula , Honnlulu, Dche. 17, 1853. E ka Elele Hawaii e, e aloha anei oe. Ua loaa mai ia’u ka Pepa 21 i keia la, a maloko oia Pepa, ua loaa kahi kumu hana e kamakamailio ai kaua. O ke kumu o ko’u manao e pane aku, aia no ma ka aoao mua o ua Pepa la, No ke mele kanikau a me ka Leo mele i hakuia e na haumana o kulaaui Hilo. Ke hai aku nei au ia oe a me ua poe haumana la, ua hemahema ka olelo i kauia, ua oi aku mamua o ka kumu leo mele, a ua kau hewaia na heluna helu maluna, 5—6; Penei ka pono a ina aole he pono ke 6—5, alaila ua kau hewaia na huamele ma ke kumu I-eo mele. Nana kakou ma ka haku ana i na olelo ma na pauku, ua nui loa na huaolelo komo hewa ma ia mau pauku. Ma ka pauku

mua, he 16 hua komo wale o na olelo i hakuia. Ika nana ana i ke kumu leo mele, he 44 huaolelo mele ke hoi hou kc mele ana, pela no ka hemahema mai ka mua a i ka hope o na pauku mele i hakuia. Ina ua hakuia keia mau olelo mamuli o keia leo mele e kau nei, ke hai aku nei au,ua hemahema, e pono i keia poe haumana o ke kulanui ke haku hou i na olelo a like me ka piha ana oke kumu leo mele. A ina he pono keia i hakuia, ke hai aku nei au i ka lehulehu, aole he pono, he hemahema loa a hiki ole ke olioli. Na na haumana oke kulanui o Hilo e hooponopono hou i ke mele a maikai, alaila, e pai houia. Aloha kakou, John L. Nailiili.