Ka Elele, Volume 8, Number 22, 28 Kekemapa 1853 — Untitled [ARTICLE]

Uarana, Oka. 19, 1853. Aloha oe, e L. Kamika. No ka hiki ole ia’u ke palapala liilii aku i kela hoahanau keia hoahanau, nolaila ke hai aku nei au i ko’u aloha nui ia lakou; a nau ia e hoakaka ma ko oukou hale halawai. He aloha ia oukou, e na hoahanau a pau, ma Kaumakapili; no oukou ke aloha, a me ka malu, mai ke Akua mai, a me ka Haku, Iesu Kristo, ko kakou ola. No ka oi nui ana aku o ke aloha ia oukou e noho nei, ma keia aina makamaka ole, hookahi makamaka o ke Akua, o ka mea a kakou e malama nei; nolaila, e pule ikaika oukou i ke Akua no makou. Pela wau e pule nei i ke Akua no oukou. E pule hoi oukou i ke Akua no keia lahuikanaka, no ka mea, ke noho nei no lakou iloko o ka pouli, a me ka poeleele; aole lakou i huli mai i ka pono. Nolaila ua manao wau, ua hoopoina paha oukou i ka pule i ke Akua no lakou. Pehea la e mau ai ke aloha i waena o kakou, ke hoopoina oukou i ka pule i ke Akua, e ko’u poe kaikuaana. kaikunane, kaikaina, a me ko’u poe i hanauia i ka la hookahi? E pule nui i ke Akua, i hiki ia ia ke hoohiolo i ka mana o Satana, Oia ka’u kauoha ia oukou, i mau ai ko kakou aloha kekahi no kekahi. Eia ka mea hai aku ia oukou me ke aloha nui loa. Ua make o D. Opunui ma ka la 4 o Augate 1853. O ka mai o kona make ana he wela ma ke poO, he hui ma ka puhaka O ka lōihi o kona mai ana, hookahi hebedo ma\ oia ehiku mau la. I ka la 3 o Augate kakahiaka hora 8, hai mai oia i kona alola nui ia oukou a me ko Lahainaluna poe. Ha mai no ia i ka lana o kona manao no kont make ana. Aole ona kaumaha, aole kanalua o kona manao. Olelo mai oia ia’u, aole o’i hopohopo i ka make; ina e hiki i ke Akua k( lawe aku i ko’u ola i keia manawa, «ia pon(' no. Pela ka hai mai ia’u, i na la a pau o ko na mai ana; ua lana maikai no kona manao nolaila, ua pomaikai paha ia ma kela ao. Pelt! ka manao i lana nui mai, nolaila aole no h< kaumaha nui o ka manao e noho nei. Uw< waimaka mai oia ia oukou, a me kona poi hoahanau ma lahainaluna. Oia ka manao i me ke aloha e hai aku nei ia oukou. E pule ikaika i ke Akua i ke ao, a me k? po, i ka hele ana, a me ka noho ana, i ke al; ana iluna, a me ka moe ana ilalo; pela ka k<

Akua olelo, o ka pule ikaika a ke kanaka pono, a me ka wahine pono, e lanakila nui ia. E noho pu ko’u aloha me oukou a pau, o ke aloha o ke Akua ka makua, a me ka Haku Jesu Kristo me oukou a pau. Na D. Kamolua.