Ka Elele, Volume 8, Number 17, 29 ʻOkakopa 1853 — KE KANAWAI. [ARTICLE]

KE KANAWAI.

E hoonohonoho ana i mau Komisiona no ke kukulu anu i mau llale Paahao ma ka Mokupuni, Oahu. APONOIA. MEI 26, 1853. E hooholoia e ke Alii me na ’Lii a me ka Poeikohoia o ko Hawaii Pae Aina i akoakoa iloko o ka Ahaolelo kau Kanawai; Pauku I. Na ke Kuhina Kalaiaina, me ka ae o ka Moi me ka Ahakukakuka Malu, e hoonoho i mau Komisiona ekolu no ke kukulu ana i na Hale Paahao ma ka Mokupuni Oahu, a e noho lakou me ka nku ole. Pauku 2. Ina i make kekahi o na Komisiona, a i haalele paha i ka hana, a no kekahi kumu e ae paha, alaila na ke Kuhina Kalaiaina, me ka ae o ka Moi me ka Ahakukakuka Malu, c hoonoho i pane hakahaka. Pauku 3. Na na Komisiona e wae, a e imi

a loaa i kahi kupono no ke kukulu ana i mau Hale Paahao elua, hookahi no na lawehala kane, a hookahi no na lawehala wahine ; a e kukuluia ma ka Mokupuni Oahu. Aole hoi e imi iho malalo o ka mile hookahi ko laua kaawale ; a e kukulu koke lakou malaila me ka hoolohi ole i mau Hale a me na pa, ke manao lakou he mea kuponoia no ka paa ana me ka ao ana a me ka hoohana anai na lawehala. Pauku 4. E hiki i na Komisiona ke manao lakou he pono, ke kukulu ma ke kauw-ahi iwaena o ke Kulauakauhale o Honolulu i wahi hoopaa no ka poe mahuka o na Moku, a me ka poe i hoopaaia e hookolokolo imua 0 na Ahahookolokolo. Pauku 5. No ka hana i oleloia ma na Pauku 2, ke 3 a me ka 4, o keia Kanawai, e hiki no i na Komisiona a i kekahi mau mea elua paha o lakou, ke kuai ma ka inoa o ke Kuhina Kalaiaina a no ke Aupuni Hawaii, i ka aina no kahi e kukuluia’i na Hale Paahao ; e hoolaha ma ka Nupepa i na mea hoike mai no ke kukulu ana ; me ka hoolimali na ana no na mea, a me ke hana i paa pono ai, a e paa pono ai paha ia hana. Pauku 6. E hiki no i na Komisiona a i kekahi mau mea elua paha o lakou ke kikooaku 1 ke Kuhina Kalaiaina i dala, i mea e pono ai ka hana i haawiia malunaolakou ma keia Kanawai ; aka aole e oi aku keia mau dala maluna o na dala i hookaawaleia e ka Ahaolelo no ke kukulu ana i na Hale Paahao ma ka Mokupuni Oahu. Pauku 7. Ma ka la 31 o Dekemaba o kela makahiki keia makahiki a mamua mai paha, e hoike aku na Komisiona i ke Kuhina Kalaiaina no ka lakou mau hana, me na palapala hookaa, a me na mea i hooliloia. Pauku 8. O ke kauwahi o ke Pauku 1 a me 2 o ke “ Kanawai Hooinalu a hoo jonopono i na Hale Paahao” i hooholoia i ka la 4 o Augate ,1851, i pili i ke kukulu anaina Hale Paahao ma ka Mokupuni Oahu, ua hoopauia. Pauku 9. E lilo keia i Kanawai i kona la i hooholoia’i.