Ka Elele, Volume 8, Number 12, 29 June 1853 — KE KANAWAI. [ARTICLE]

KE KANAWAI.

E hoomahuahua ai i ke Dute maluna o kekahi Waiwai. HOAPONOIA MEI 24, 1853. E hooholoia e ke Alii me na ’Lii a me ka Poeikohoia o ko Hawaii Pae Aina i akoakoa iloko o ka Ahaolelo kau Kanawai, Pauku 1. E kauia i umikumamalima hapa haneii e like me ke kumukuai i dute maluna o na Waiwai a pau mai Kina, a me na Mokupuni Pilipina mai; aka aole e kauia ka dute e oi aku mamua o ua hapa hanei elima maluna o ka raiki aole hoi c manaoia ua kue keia i ke kauwahi o ke ‘ Kanawai e kau ana i na dute maluna o ke ko, molakeke a me kc kofe” i hooholoia i ka la 6 o lune 1852. Pauku 2. Aole pili ka hoomahuahua ana o ke dute i oleloia ma ka Pauku mua i ka waiwai i hoouluia a i nanaia paha ma kekahi Aina e, e noho kuikahi ana me keia Aupuni. Pauku 3. No ka hooiaio o ka ulu ana ma kekahi aina e ae i loaa ke kuikahi me keia aupuni o kekahi Waiwai i laweia mai iloko o keia aupuni mai kekalii awa o Kina a me na Mokupuni Pilipina, e hoike ka mea nana i hoike aku ia waiwai ma ka Hale Dute i ka Luna dute i palapala hooiaio, mai kekahi Kanikele Hawaii e noho ana malaila, a i ole ia mai kekahi Kanikele, a Luna Kalepa paha o

ia aupuni e noho ana ma ke awa o Kina a na Mokupuni Pilipina paha i laweia mai ia waiwai iloko o keia aupuni, a e hoohiki ka mea nana i hoike ia waiwai ma ka Hale Dute no ka ulu ole a me ka hana ole ia o ia waiwai ma Kina a na Mokupuni Pilipina paha, oia kona ike a me kona manaoio. Pauku 4. E lilo keia i Kanawai i ka pau ana o na malama eono mahope o kona paiia ana maloko o ka Nupepa Polunesia.