Ka Elele Hawaii, Volume IV, Number 3, 22 June 1848 — Page 12
12 KA ELELE HAWAII, UNE 22, 1848.
--------
Kahi Mele.
--------
HE KANIKAU ALOHA IA W. RICHARDS.
Aloha nui oe, e W. Richards,
Ka mea i hele aku la;
I ke ala uliuli i anapu mai ka lani.
Uhi nalowale i ke awa.
Po i ka iwahi nalowale ka moku,
Moku ka pikio holu ka manawa.
Welo kihei a Keaeloa,
He u! he aloha ia oe ---la---e!
Haki kaikoo ka manawa,
Loku nakolo ka pili oaa i ka haupo.
Lele ka hauli mokumoku ka manao,
Helelei hiolo ka pua o ka waimaka;
E uwe aku ana ia oe,
Ma ka hikiku ka hiki moe,
Loa ke alelo o ka manu o Waahila,
Haki ka lala pali o Kaihalulu,
Lululu aku la oe iluna o Waialoha;
Aloha Kepohoni ma Dariena,
Ka moana Pakifika me Atelanika,
Ka mauna Anete me Kalifonia,
E alo ana i na ino olaila,
Me ka luhi, inea, kaumaha,
Aka, ua hoomanwanui ia no,
E imi ana i ka ua lanipili,
Pililoa olua i Malelewaa,
A loaa iho la ia olua ka ua awa,
Pomaikai iho la keia kula panoa,
Aka hele e aku la ka ua noe,
Ka ua nenee i ke pili o Lele,
Lele ke aho pau ka pili ana,
Koe iho no hoi oe,
E hooponopono i ka luhi o olua,
Aka, kii ia mai la oe e Kapenahuila-ka-lani,
Lawe koa waa i koa kanaka,
Ahu iho la makou i Kapua,
O kuu iho la ka palu ai ole,
He u! he aloha ia oe---la---e!
Loaa aku la ia olua ka hoopiha like o na aoao o ke kuea;
A me ka makolukolu o na aoao o ke kupa,
Kipa ka mani inu i ka wai o Waipahia;
Ke puhi nei makou i kou aloha aole e pau;
Kau no ke ano, ke alina a ke aloha,
Waiho kilohana kau mea hana maikai,
Konohiki lua ia ia Honolulu,
Me he papa konane la i ke kula o ka Hua,
Hua ka maka i ke kula a ka waimaka,
O ke kulu wale no ia a hiki i Leihala,
Hala aku la oe i ke one lauana a Kane,
E inu ana i ka wai o Kulanihakoi,
Hakoi makou e ukali aku ia oe,
O oe no ka hiki mua o makou na ukali,
A huina like kakou i o ia nei,
A noho pu ma ka nahele o Opuola,
Ola aku la oe? ka wahele o Hiilawe,
E lawe ana i Manua;
Manua kepa ke aloha e hana ia oe,
E ke kini hanauna aloha oe,
E kau wahine me na keiki,
Iniki wela i ka ili o ka ipo ahi,
Ahi loko huwila i ke aloha,
Aloha ana oe---la---e!
Welo lehua ka la i kou hiki ana mai,
Hiki mai ana oe wehe ke alaula,
O ke kukuna o ka la i Pihae,
Puoho lele opeapea ka hanuna ino,
Lohe iho la ia oe he puuhonia no ke aloha,
Ola ka manu muki i ka pua o ka lehua.
Kini lehu mano a miliona,
Na kanaka i luli mai ma kou aoao,
He u! he aloha ana i oe---la---e!
Aloha oe, e ka uhane aneane i ke kula o ka Maomao,
Waiea aku la oe i ka wai a Kaunu,
Aloha ke pili holu i ka makani,
Holu nape i ka pali o Kalalau,
Lalau aku makou ia oe, aole e loaa,
Ua lilo i ka polikaua a Kane,
Paa ka puka kaipukau ono a ka moe;
Moe lolii i ke kai o Kristo Iesu. S. W. K. NAHALE.
---------
No ka Naauao.
--------
OLEO HOOIKAIKA NO NA KUMU AO.
Kula Alii, Iune 16, 1848.
E na Kumuao, e, aloha oukou. Ua paipaiia mai au e palapala aku ia oukou i kekahi mai mea e pono ai ka oukou oihana. (Ma ka Elele Hawaii wale no e hiki aku ai ko'u manao ia oukou. Pomaikai kakou i keia Elele mama.)
O ka hoonaauao ana i ka hanauna hou oia no ka oukou hana, a he hana nui no ia . Mai poho na hana e ae o ke Aupuni, ke holo pono ole keia hana nui a oukou e hana nei. Ma na Aupuni o Europa, o Perusia o Geremania, o Ferabi, o Enelani, a me na Aupuni e ae ua manao nei ia ka hoonaauao anan i ka hanauna hou, Oea no hou ma Amerikahuipuia.
Mamua aku nei aole i manao nui ia ka ke kumuao oihana maloko o keia mau Aupuni. O na oihana e ae o ke Aupuni na manao nui ia no ia. Aka, o keia oihana e ae o ke aole nae pela i neia manawa. Ua @@@@@@@@@@@@@@ o kela Aupuni keia Aupuni ho@@@@@@ keia oihana ma na wahi a pau. E nana hou @@@ oukou i ka olelo hoike a Mr. @@keke, ke Kuhina no ke Aopalapala o keia Aupuni, imua o na 'Lii, Aperila, 1847. E pono ia oukou ke heluhelu hou aku i ua palapala hope la, a ka mea i manao nui i ka hoonaauao ana i ka hanauna hou o Hawaii nei. Na KUKE.
--------
HE OLELO PAIPAI NA KA POE PAKE.
Ua maa na makua Pake ke nawaliwali na keiki a lakou i ka imi naauao e kau aku i ka mooolelo no kekahi Pake naauao loa. He kanaka haahaa ia , a ilihune hoi i kona wa opiopio, aka, ma ka hoomanawanui ana i ka ike, ua lilo ia mahope i alii kiekie loa maloko o ke aupuni. I kona wa opiopio ua nane aia a hele aku i ke kulanakauhale e makaikai wale. I kona hele ana ike aku la ia i kekahi luahine e anai ana i ke koropa ka mea eli pohaku; a ninau ia ia ia, "Heaha kau e anai ai i ua koropa nei." I mai la ua luahine la, "ke hoolilo nei au i keia i kuikele, no kuupilikia i ke kuikele ole." Kahaha ua keiki la a hoi aku i kona hale, a hooikaika mau i ka imi naauao ana a lanakila loa; mai ia hope mai lilo ia i kekahi alii nui o ua aupuni la.
Hai hoi na Pake, no kekahi kanaka imi ikaika i ka naauao, a no ka nele a me ka pilikia i ka hana, kau oia i kona palapala mawaena o na kiwikiwi o ka bufalo, i kona wa e oopalau ai, i poho ole kona manwa i ka wa e hana'i.
Hai no hoi lakou i ka mooolelo o kekahi mea nele i ka aila ole e aa ai ke kukui i ka po; a no ka waiwai ole e kuai ai ka aila, wili oia i puka poepoe ma ka paia o kona keena i komo kekahi mau kukuna o ka malamalama mai loko mai o ke keena o kona makamaka e malamalama ai kona palapala.
Ma ia mau olelo paipai lakou i na keiki e imi nui a e imi mau i ka naauao.
--------
Ua haawi manawalea ia aku e ka Moi @ @@ @@@@@@@@@@@ no kekahi poe@@@@@@@@ hooholo aku i mau Misionari i @@@@@@@ ke @@@@@@@@@ ae keia kokua @@@@@@@@@@@@@@@@@Misionari e hoike aku ana ia lakou i @@@@@ Moi makemake a me kona @@@@@@@@@@@@@@@@ e kokua ia lakou ma @@@@@@@@@@@@@@@ mea kela e hoomanao ai kakou i ka @@@@@ ke Kaula a Isaia penei, "A e lilo @@@@@@@@@@@@@@ kuakane hanai nou."
----------
HE OLELO NANE KA HAAHEO.
I kekahi kakahiaka, e lele ana keahi lepelepeohina mai kekahi pua a i kekahi, halawai mai la kekahi Kolea, a mahalo iho la i ka maikai o kona kino a me ka nani o kona mau eheu. Hai koke aku la i kona makemake e hoolauna mau aku me ia . "Aole loa e hiki, wahi a ka lepelepeohina, "no ka m@@, ua wahawaha hoi-no mai oe ia'u, mamua aku nei, e kapa mai ana ia'u, he mea lapuwale kokolo." "Aole loa pela," hea mai la ke Kolea, "ua mahalo mau aku la au i na mea nani e like me oe." "Pela paha kou manao, i keia manawa," wahi a kela, "aka i ka wa i hoino mai oe ia'u, he enuhe no au. Nolaila e ao aku au ia oe; Mai hoino hou aku i ka mea haahaa, malia paha o kiekie auanei oia maluna ou." A.
-----------
O KA HOOMANAWANUI.
O Hoomanawanui, oia ke keiki a Ahonui laua o Oluolu, ka i noho i ke kulanakauhale o Kamau aku. I kona wa uuku hoomaka oia e hoike aku i kona ano maikai, ka mea i kapaia, ma ia hope iho, ma kona inoa ponoi. He wahi keiki kupanaha keia; ua olelo mau ia mai nona, ua hiki na mea a pau ia ia. He wahi makuwahine hanai kona, o Poino kona inoa, nana ia i hoao nui mai: aka, i ka wa i kokoke mai kona makuakane hanai o Kuonoono, aole i hiki ia ia ke hoike aku i kona maikai. He kupunawahine kona, o Akahai ka inoa, ua komo wale iloko ona na ano o keia wahine maikai. He kupunakane no hoi kona, o Maikai kona inoa, a ua kahe nui kona @@@ @@@ o na aa o ka moopuna. Pau loa kona poe hoapili i ka olelo iho. " oia nei ke kaikamahine maikai a pakela aku." I ka wa hoi i mahele nui ia mai oia, aole ona Hookiekie iki, ua kaena nae o Haaheo kekahi elemakule ma ia wahi, me ka olelo iho, he hoalauna oia nona. Ua nui kona pilikia i na kaikamahine o ua elemakule nei, ia Hookano laua o Lapuwale, aole nae ia i pakele aku ia laua. Hoao pinepine laua e hoehaeha aku ia ia, aka aole ona huhu iki mai. Aole i hiki ia Inaina ke noho ma kona wahi, aole hoi ia i hanai iki aku ia Huhu laua, o Lokoino. Mahuahua wale kona mau hana maikai. Kuhikuhi na makuwahine i ka lakou mau kaikamahine ia ia, i kumu hoohalikelike; o na makuakane hoi, i ka wa i ao aku'ai lakou i ka lakou mau keikikane, aole o lakou hoopoina aku la ia. Mahuahua wale kona alohaia mai, aole i hiki i kekahi ke nana ia ia me ka mahalo ole. Ua huiia iloko ona na mea a pau e nani @ @ wahine, aole hoi i kawiliia kekahi mea @@@@@ ia. Hoopalau oia me Pauolekeaho, he wahi kanaka opio maikai, a mare hoi la laua. Eia na inoa o na keiki pookela a laua @@@@@@@@@@@@@@@@, Manaolana a me Aloha.
---------
Palapala Kuai.
KA HELE MALIHINI @@@@@@@ KELA AO.
aku @ @@@@@@@@@@@@@@@@nane i hooholo keia me he @@@@@@@@@@. Na IOANE @@@@@@@@@@@@ Na BIHOPA, paipalapala @@@@@@@@@@. 1842. Na aoao @@@@@@@@@@, 418.
@@@@@@@@@@ kahunapule nana i kakau i keia
@@@@@@@@@@, a me na palapala e ae
@@@@@@@@@@@ Eleseto, e kokoke ana me Be @@@@@@
@@@@@@ i ka makahiki 1628.
@@ WEHEWEHEHALA, oia hoi ka Hulikanaka.
KA @@@ HAWAII: he manu Leo Mele no na Eka@@@ o Hawaii nei.
KA NONANONA, Buke 4.
KA ELELE, Buke 1, 2, a me ke 3. Ua kapiliia, a ua paa. Aia no ia DAIMANA.
-------
KA ELELE HAWAII.
I ka la 8 o Iune e hoomaka'i, a elua Pepa i ka malama hookahi, a pau na Pepa he 24.
Penei hoi ka uku ana :- --O na 'lii a me na haole, pakahi $1.00. O ka poe koikoi e ae, hapalua . O na makaainana, hapaha .
Eia kekahi, iloko o na mahina eono e uku ai.
Hale Paipalapala, Kawaiahao, Iune 15, 1848.