Ka Elele, Volume 3, Number 16, 25 November 1847 — HE KANIKAU NO WILIAMA RICHARDS, KE KUHINA AOPALAPALA I MAKE. [ARTICLE]

HE KANIKAU NO WILIAMA RICHARDS, KE KUHINA AOPALAKE KUHINA AOPALA-PALA I MAKE.

Kapalama, Oahu, Nov. 2 1847. Auwe! ua nalo ae nei ka Hokuloa, Ua manuahiia'ku la ia e ke Akua. Ua paniia'ku la ia e na ao lewa o ka lani, Aia paha iluna i ka poe pae opua kiikii, Iluna i ke ao eleele la, o loko lilo aku. Ahu iho la kupanaha i Mana, Ma Kohala i ahu iho ai ka hoka i kapakai, Lilo e aku la no kela he dala, haule iho nei kakou he haopiula. Haule iho nei kakou i ka hope moku, Lilo e aku la no kela, ka manu i houia ka nuku,

Hapapa wale iho la no ka manu huluole, He uhane aneane aloha e maalo nei, I waiho lua i ka lai o Lele Lele makawalu a’u hono i ke kai, E apo aku ana e alu i ka maa, Eia no au me kuu kane Kauaula, Ke nu mai la i Kanahae, aloha. Pilikua waha ka opeope, Ke auhee a ka lanakila, ua make. Ua lele hoolahalaha aku la, me na eheu lani, Aia paha i luna i ke Opuhiwa a Kane. E lono auanei oe i ka makou uwe ana, A me ko makou kanikau ana'ku ia oe, Aloha oe, e Wiliama Rikeke, ka makou Kumu, Ke lehua aki popohe i ke one laulii, A me ka ohelo nenee i ka papa o Puna. E aoao ana paha e moe i ka lani, Moe e no i ke one lauana a kane, Kainoa ua hala aku nei oe, e Kaulelewaihui, Ka nalo ana’ku nei hoi liuliu, Eia no ka oe i ka la welawela o Makahuna. I huna aku hoi au i kou aloha, Aole e nalo, ua ikea ae nei, Aloha wale ka wailohi o ke kanaka, I kakaia e ka makani kaiaulu o Waianae, I alo aku i na Lae ino o Kape Horn, Iluna aku la i ka Puali o Dariena, I lele opu i ka wailele o Niagara, E auau ana i na loko wai hui o Amerika, Hele aku la no oe ko makou pohina nui, Ike e aku la no oe i ka Hapauea o ka lani, Ke nonoho nei no makou i Muliwaa, I na hope wai a ka uanoe o ka mauna, He aloha ia oe, me ka mahalo, No ka meu, pau kou ike ana i na kini lehulehu, A me na hanauna aloha ou. He aloha i ko kino me ko noho mai, Aloha wale ka aina hanau ou, A me ou mau makamaka a pau ma ke kino, Aloha no hoi oe, e kahi kumu a makou, Aloha wale ka ale poi halulu i ka moana, A me na uwila kani uuina i ke kahakai. Aloha oe, e ka hoapili o Haalilio, No ka mea, ua loaa like ia olua ka haawina make, Hala e aku la kela mamua, o oe no ka i ukali hope aku, Haalele hoi olua i ka milimili a kakou, I ke kini kahiko lua Omealani nui. Aloha wale na mea kani aui i lohe ai, Aloha hoi kau wahine kane ole e uwe nei, A me au keiki hoi e uwo ana A me ou hoaloha hoi e kanikau ana,

Aloha no hoi oe, ke kumu nana i ho na akua kii, Ka mea hoi nana i kuhikuhi mai i ke A ola, Ka mea hoi nana i ao mai i ka naauao i makou aina, Ke Aloha aku nei ou hoaloha, Ke uwe pu aku nei hoi ka lakou mau hine, A me na keiki a lakou nei, nou a me wahine A ke uwe aku nei hoi na hoahanau a ia oe, A na makaainana no a pau o ke Aup aloha, Aloha oe, aloha no hoi makou, John L. NAILIILI