Ka Elele, Volume 3, Number 14, 27 ʻOkakopa 1847 — HE KANAWAI HOOLE I KA HAALELE ANA O NA KANAKA HAWAII I KA LAKOU OHANA. [ARTICLE]

HE KANAWAI HOOLE I KA HAALELE ANA O NA KANAKA HAWAII I KA LAKOU OHANA.

No ka mea, ua liolo kekalii poe kanaka maoli a me na haole hoohiki mai keia Aupuni aku, a haalele i ka lakou ohana me l<a pilikia, no ka nele i ke kumu ole e ola’i lakou; Nolaila. Ua hooholoia c na Lii o ka Ahaolelo e ke Anpuni Hawaii a me ka poe i kohoia, i ko lakou Ahaolelo ana; penei, Pauku 1. Ina o ka mea malalo o keia Aupuni, he mea ohana no hoi, ua kokoke e liolo, a haalele i kana ohana me ka nele; alaila, ina i hoopii pono ia mai e hiki i na Kiaaina, a me na Lnnakanawai a pau o keia Aupuni ke hopu a ke kaohi i ua mea la malalo o ke Aupuni, a haawi mai oia i ka Luna nana i olelo e paa, i ka palapala hoopaa e like me ka manao he pono, e lioopaa ana ia ia, aole ia e haalele loa i kana ohana, a e hoomakaukuu oia i kumu e ola ai lakou a hoi mai ia. Pauku 2. O ke Kapena moku, a o kekahi luna e ae o ka moku kahiki, ina oia i makemake e hoohmalima i ke kanaka, a i ka haole hoohiki paha, e hana no oia e like me ke Kanawai e noho nei no ka hoolimalima ana i na kanaka maoli malunai o na moku kahiki, a i ole ia e hana e likeme ia, e pili ia ia na Lihia a me na uku elike me ua Kanawui la. Pauku 3. E kauia keia Kanawai i kanawai ao keia Aupuni ma ka pau ana i na la he 30 mahope aku o ka la o ka hooholu ana. Hooholoia ma ka Hale Ahaolelo i keia fa 27 o Sepatemaba 1847. kamehameha. KEONIANA.