Ka Elele, Volume 3, Number 8, 15 Iulai 1847 — MOE KOLOHE MA LAHAINA. [ARTICLE]

MOE KOLOHE MA LAHAINA.

Lnhaina, Inlai 2, 1847. Auhea oe e ka Elele. Ua lohe anei oe i ka moe kolohe ana o keia mau haole ma Lahaina nei, i keia mau la aku nei, Elua po, elua ao, o ko lakou moe kolohe ana, me ka ike o na kanaka a pau loa; he moe kolohe hilahila ole, mania ole, manene ole, ke kolohe ana iwaena o keia aupuni maikai. Aohe moe kolohe e ae, e like me keia, ka pupuka ino loa. Ua akaka ke aloiloi o kai, ka ia nuku iki, i keia mau haole moe kolohe; aole keia moe kolohe iloko o ka pouli o ka hee, ke puhi mai pouli ke kai. Ua ike ia keia mau haole, he mau haole hanohano, he mau haole kiekie, a i ka moe kolohe ana, ua like me ka puaa, ka hilahila ole, hoaa no lakou, e noho nei, aa mai nei na wahi maka, aole paha pela ma na aina naauao, ma Amenka, a me Beritania, a we Farani, i keia poe haole wale no paha. Aole paha, i hana kekahi poe haole, e noho ana iloko 0 ke aupuni o Hawaii nei, aole paha ma ka moana; ke hoole mai nei ka hee, aole 1 kona lemu, a ke aka mai nei ke aloiloi, ka mea iloko o ke kai, aole laua i ike iloko o na moana, a me na wahi a laua i hele ai; aole paha pela na hoku o ka lani. Ua hilahila mai o llumu ma a me Mananalo ma, a me Makalii ma, a me na Huihui, o ke kau pono ana iho no iluna o kahi i moe ai, na lakou i akaaka, e aka ae ana na kanaka a pau loa, e noho ana ma waho, a pau ko lakou mau moe ana elua po, elua ao, uku iho la ua poe haole ino la, a pau ka lakou mau ukn. Uku aku la i ka na wahine moe kolohe a lakou; no ia mea i ko’u ike ana i keia mau moe kolohe, ma Lahaina nei, me e ua luai’ oi luaiai aku a pau ke aho o ka Pohuolele kahi i luai, Kalaiohauola kahi i luai; o Makilaileleanalu kahi i luai, o na hale i Paupau kahi i luai, o Kahili kahi i luai, Kauapaupili o Lahaina kahi i luai, o Kopoulu kahi i luai, o Kekoa kahi i luai, o na hale laau o Lahaina kahi i luai, o ka Papu kahi i luai, o Luaehu no hoi kahi i luai, o ka pau no keia o na kamaaina, o Lahaina nei i ka luai, i ka hoopailua, i ka moe kolohe o keia poe haole. Aia ninau

mai oe e ka Elele, i ko lakou mau alaila hai aku au, a me ka inoa o k kou mau wahine moe kolehe. Ua aku la.