Ka Elele, Volume 3, Number 4, 15 May 1847 — Ka hoi mai o Levi Kamalena. [ARTICLE]

Ka hoi mai o Levi Kamalena.

No ka mai ma kona akemama, holo aku keia hoahanau aloha i Kina a i Ameiikahuipuia, i ka malama o Dek. 13, 1845; ike oia i kana mau keiki kane elua malaila, launa pu hoi oia me na luna rnisionari a me na haipule he nui wale o kela aina maikai. Aole nae ikaika loa kona kino malaila; maimai no, luai koko no. Pela no ma ka moana e hoi rimt mai, luai koko no, a pae iuka nei, he oluolu a he ikaika mamua

•o kona holo aku, aole nae ikaika loa. Olioli ka naau o ko ka hale ona, a rne makou pu a pau i ka halawai hou ana me ia. Oia kekahi o na malama waiwai o na tnisionari Amenka, mai ka mak. 1823 a hiki i keia wa—he 24 makahiki o kona liooikaika ana i keia hana. Eia kekahi mau mea ana i hai mai ai ia makou; ua ikaika na ekalesia o Amenka i ka hoolaha i ka ke Akua olelo ma na aina naaupo; olioli lakou i ka holo ana o na misionari i na aina pouli; hoihoi lakou i ka haawi dala no keia hana. Eia ka nui o na dala i haawiia i na luna o makou ma Bosetona, mai ka malama o lulai 1845 a hiki i ka malama o lulai 1846. eia na da!a ,f 262,073,55; elua haneii me kanaono kumamalua kausani a keu na dala, i loaa ae i na luna o keia hana iloko o kela makahiki hookahi. Nani ke aloha i kapoehoomana kii! Aole pau, aole emi; no ka mea, o ka Uhane o ke Akua ke kumu e mau loa ai. Oka poe aloha ia Iesu ame na kanaka, oia ka poe oluolu i ka haawi dala no kona aupuni. Eia kekahi lohe, ua maopopo ka hana a ka Uhane Hemolele ma kekahi mau aina pouli; aia ma Perisia, nui loa ka poe mihi i ke Akua, a manaoio ia Kristo; paapu na hale o na misionari i ka poe hele e ninau i ka mea e ola’i, a kamailio ma na mea o ka Uhane; aneane like paha me ka hana kupaianaha maanei i ka makahiki 1838. Ma Tureke kekahi hana nani a ke Akua iwaena o ka poe i kapaia he poe Aiemenio. He ekalesia kahiko ko lakou, ua haule nae; pule lakou ia Maria a me na kanaka make, a me na kii; a paulele nui hoi i ka inoa Kristiano; aole nae pono ka noho ana. I keia wa, nui ka poe haalele i kela ekalesia haule, a ku okoa mamuli o ka ke Akua olelo; ua kukulu hoi i mau ekalesia okoa eono, e like me ko kakou ma HaWaii nei. Nui loa nae ka hoomaau i keia poe kupaa ma ia aina; ua hao wale ia ka waiwai a kekahi; ua laweia ka hana a kekahi; ua hahau wale ia kekahi i ka laau; ua paa i ka hao kekahi, no ka pono o Kristo; aole nae pio ka malamalama, aole hoi hope, kupaa maoli no lakou, a ke holo lanakila nei ka pono ma ia aina pouli. E hoonaniia ke Akua ola no keia hana maikai; nona wale no ka nani, a e hoomaikaiia kona inoa.