Ka Elele, Volume 3, Number 2, 15 April 1847 — Ka wai halana ma Koloa, Kauai. [ARTICLE]

Ka wai halana ma Koloa, Kauai.

I ka la 21 o Maraki, a po iho, haiile nui ka ua ma Kauai a puni; me ka hekili ame ka uila. A i ka pili o ke ao, halana loa ka wai maluna o Koloa; komo ka wai iloko o ka hale o Pokue, ala ae la ia, lele iwaho, a holo i ka hale o Kauka i kai; paa oia i na laau i mea e hiki ai, aole nae pono. Pii nui ka wai, rkaika loa ke kahe ana, o ka lilo no iia o Pokue ilalo, iloko o na opala, na laau, a me kela mea keia mea; he hapalua o ka mile paha kona ho(lo ana i kai, a paa oia ike kakalaijOa, a hemo ia, lele aku oia i kahi puu pohaku; moe iho la malaila a ao ka po; nui loa kona eha a me ke [koekoe, mai make loa; kahea aku |oia me kona leo nawaliwali, aole mea lohe mai. Kolo aku oia i kekahi hale, aole kanaka iloko, moe ia malaila a hiki mai la kekah; mau ' wahine a kokua ia ia, ua aneane make loa. i Lohe o Kauka ma aia ka o Pokue

i kai, kii koke mai ia me ka pihoihoi, a hoihoi ia ia i kona hale. Ua pohala ae no o Pokue, aole nae pau wawe kona eha. Oki lou ka hale o Pokue; eha kapuai ka wai maloko; ua piha i ka lepo, pau na puka i ka lilo a me na paku ame na papa hahi. Pau pu me na huke a me na ukana maioko o ka hale, aole koe. Komo no hoi ka wai iloko o ka hale o Kauka, malalo nae; a ua pau ka laau lapaau a me na buke i ka ino. Nui loa ka poho, Ua poino no hoi ka wiliko ma Koloa; he $1500 paha ke poho; pau na wapo a me na pa a me na mea e ae he nui wale. Aole ikea me keia mamua. Eia hoi kekahi olelo a D, Olelo ma Hanalei. I ka la 19 o Maraki nei, hoomaka ka ua nui, he wai nui loa, pau na loko ia i ka wai; hohola pu ia ka aina mai Kipu a KalaMki; ua uhiia kekahi mau aina; ua ino, ua paapu; ua lilo kekahi mau waa 3 i ka moana. Ua lohe hoi au ua like pu Koolau a me Koloa; akahi no a wai nui loa. Ua halana ka wai iloko ona pa o no misionari ma Hanalei, a ua loaa ka ia ia loane ma ka puka o kona pa.