Ka Elele, Volume 3, Number 2, 15 April 1847 — Ka hana oi aku. [ARTICLE]
Ka hana oi aku.
O ka mahiai ka hana oi aku ka maikaii aole o ke kuai. a me ka hooholomoku, a jme ka hana e pili ana i ke aupuni, lunaauhau; lunakanawai, a pela aku. No ka o ka mahiai ka hana e ikaika ai ke ;kino ke hana pono ia; aole nui ka hoowailewale ma kona wahi; he mau no hoi kona loaa ke hoomau oia i ka hana ma kona aina. I Eia nae ka hemahema nui oka mahiai 'ma keia pae aina, o ka loaa ole o ka mea ilawe i ka aina e e kuai aku; ua loaa iki i Ikekahi mau haole, he ko, molakeke, kofe, a ua pono ia; he mea ia e pono ai ke au|puni Hawaii. Aole nae i komo na lii a !me na kanaka Hawaii iloko o keia hana e loaa mai ai ka Waiwai lawe aku i na aina e. Eia kekahi mea e pono ole ai ka mahi!ai ma Hawaii nei, o ka hemo wale o na aina; aole pau ia hewa; nolaila, kanalua ! ka manao o na kanaka, makau i ka lawe aina, a noho wale. Oka palaualelo maoli kekahi.