Ka Elele, Volume 2, Number 7, 4 July 1846 — KANAWAI NO KE KULANUI. [ARTICLE]

KANAWAI NO KE KULANUI.

E ka Elele; E pono ia oe ke hai hou aku i ke kanawai hoomalu i ka 1 pa o ke Kulanui nei; i lohe na makua mea keiki, a me na makamaka a pau mai Hawaii a Kauai. Penei ka hoakaka ana, “Auhea oukou, e na makua o makou, a me na makamaka a pau loa, a me na kanaka e ae, e manao ana e pii mai e ike i ka oukou mau keiki ma Lahainaluna nei. Mai pii mai oukou a komo wale iloko o ka pa o na haumana, o uku oukou i ka ' hapalua dala.”

Ua pono no ke pii mai, mawaho nae o ka pa e ku ai, a na ka oukou mau keiki e noi aku i na kumu; a i ole ia, i ka luna nui ia Kekela. Ina i ae mai lakou, alaila, pono ke komo iloko. I ka pii ana mai nae, a mawaho o ka puka pa, e nana mna ae ka maka iluna; aia kekahi olelo hoomalu, ua kakauia ma na hua nui, ma kekahi papalaau, maluna ae o ka hoaka oka puka pa. Penei ua olelo la, “Kapu keia pa, ina e koMO KEKAHI KANAKA ME KA AE OLEIA, E UKU OIA I KA HAPALUA DALA.” Nolaila, ke hoakaka e aku nei makou mamua, i lohe oukou e na makua, a me na makamaka a pau, a me ka poe hoi a pau i pilikana ia makou, o pii mai auanei oukou me ka lohe ole; .a komo wale. Ua pau. Na W. H. Uaua. L. luna, Mei 19, 1846.