Ka Elele, Volume 2, Number 1, 8 April 1846 — KA MANAO O KO LAHAINA POE I KA AWA. [ARTICLE]

KA MANAO O KO LAHAINA POE I KA AWA.

Lahaina , Feheruari. 23, 18-46. Aloha maikai oe e ka mea i ninau mai ; nei ia makou, ka poe nana i koho i mau ■ luna wehe pilikia no na makaainana o i Maui nei. I mai la oe, ua like ko makou i manao me kona manao; ke hoole nei ma- : kou, aole like, aole loa; aole i hui pu na ■ ninau ma ia mea; aole i koho na makaai- ■ nana o Maui nei i mau luna heonoa awa e ■ hoopaapaa iloko oka Ahaolelo. Aole; ua

koho na makaainana, i mau mea kokua ma na mea ku i ka maikai, ma na mea hewa ole. Nohea mai la kona manao? no > ka lua hohonu o ka po paha; no kealii mai paha o ka lewa, oia hoi o Satana, oia hoi o Diabolo. E ake oia e ulu na mea ino ma ka lionua, aole na makaainana o Maui nei i koho ia ia e komo iloko oka ahaolelo e hoopohala ae i ke kapu o ka awa e noa, a e kuai, a e kanu, a e inu, aole loa no. Elua luna o Maui nei i koho ia e na makaainana. O ua mau luna la no kekahi mau mea kinai mea ona; ua loheia ko laua mau leo iwaena o ke anaina nui, no ka hoole mea ona. Eia ka kona manao, e ona hou! manao makou, ua momona oia e like me lesuluna; ua keehi ae. Pela no paha oia, ua momona loa oia, a ua keehi, ua kue loa makou no ua luna la, i hoopaapaa’i iloko o ka ahaolelo hanohano. Oia iho la kona akamai, i kona manao, a me kona naauao, , o ka hoonoa ae, e inu awa, a e inu rama i

paha. Ua menemene loa makou iko ma- . kou ike ana i ka» i hoike mai ai ia makou ' o Maui nei, pau keia manao. Na Makaainana.