Ka Elele, Volume 1, Number 24, 3 Malaki 1846 — NA KE KUHINA KALAIAINA. [ARTICLE]
NA KE KUHINA KALAIAINA.
Hale Alii, Honolulu, Oahu, Feb. 26, 1846. Ke hoakaka aku nei au i na kanaka a pau, i ka poe e noho lehulehu ana ma kauhale me ka huikau o ka noho ana, a me ka hemahema no ke kahuahale ole. Ua kapu no ke Aupuni na wahi kaawale a pau, o ke Kulanakauhale, a me na wahi a pau e kokoke ana, mai pa wale oukou i na pa hale, o pau oukou i ka hemo mahope. Eia keia olelo hoakaka no oukou, e hana ana ke Aupuni ma ke kula o Kahua i alanui; aia a paa na pahale i ke ana ia a maopopo, a e kuai ana i kela mea keia mea o oukou ke makemake mai, a lilo mai ke dala, lilo aku ke kahua hale nona, a no kona hooilina a mau loa aku, O ke ano o keia kuai, he make pono. A no ia mea ke paipai aku nei au ia oukou e malama i ka oukou wahi dala i loaa mai, i kumu kuai i ko oukou pa hale ma kahi maikai e kaawale ana. Na'u na, KEONI ANA.