Ka Elele, Volume 1, Number 24, 3 March 1846 — Na ke Aupuni. [ARTICLE]
Na ke Aupuni.
OLELO AE LIKE NA KA POE KUKAKUKA MALU. I ka halawai ana o ka Poe Kukakuka Malu, i ka la 27 o Feberuari 1846, hooholoia keia manano like. E malamaia ka la hanau o ka Moi ke hiki aku i ka la 17 o Maraki e hiki mai ana; e kau hoi ka hae o ka aina ma na papu a pau mai kakahiaka a po ka la; a i ke awakea, e ki pu ka pa ma Honolulu a me na pa pu e ae a pau ma Hawaii nei. E kau no hoi ka hae Hawaii ma na moku a pau o keia Pae aina, a ke manao nei no hoi makou, he mea maikai i na Kiaaina, a me na kanaka e ae, e ahaaina e like me ko lakou manao, ma ke ano nae i ku pono i ka hanohano a me ke kupaa mamuli o ke Alii o ke Aupuni kuokoa.