Ka Elele, Volume 1, Number 18, 2 December 1845 — HE OLELO KUKALA. [ARTICLE]

HE OLELO KUKALA.

Hauula, Okatoba 26, 1845. Aloha oe e ka Elele; e ka mea e hele pinepine ana ma keia pae aina: he wahi olelo ka’u ia oe, e kukala aku oe ia Oahu a puni, ia Molokai a puui, ia Lanai, ia Maui a puni, ia Hawaii. Eia kau mea e kukala aku ai, he waa pae ai ma Makaua i Koolauloa. 0 ka waa wale no, aole kanaka oiuna, aole na mea a pau oiuna oka waa. Malia paha ke ola nei no ka mea nona ka waa; ua make pu paha me ka waa. Malia o lohe ka mea nona ka waa, i mai ia oe “no’u ka waa,” a nana ia e hoakaka mai i ke ano o kona w'aa. • Penei oia e hoakaka mai ai i lohe pono kakou. He puka mamua oka waa, he ili kekahi, he lala kekahi, he puu kekahi, nana ia e hai pono mai. He puka io paha, aole paha, aia no i kana hai pono ana mai, a nana no e hoike mai i ka loa a me na kikoo o ka aoao. Eia kekahi; aole he naha o ka waa i kona pae ana mai; ua ulu nae ka pioeoe ma kona kikakala. Oia ko’u manao ia oe, e hoolaha koke aku oe. I hele oe, a i loaa ka mea nona ka waa, e hoike pono mai ia oe, a nau hoi au e hai mai. A i ole hoi ka mea nona ka waa, ua make pu paha me ka waa, no’u ka waa e like me ke Kanawai, (Mok. XIX, aoao 97, pauku 6. | Aka hoi, i loaa ka mea nona ka waa, penei ko’u manao ia oe e ka

mea waa, i kou la i lohe ai i keia kukala, e lalau oe i ka hulu, kainika, ka pepa a kakau iho i kau mau olelo a pau, a haawi iho ia Elele i hiki wawe, i lohe koke makou. Na G. Koekoe.