Ka Elele, Volume 1, Number 10, 12 August 1845 — Untitled [ARTICLE]

L/uhainaluna , lulai 22, 1815. Alolui maikai ka Moi. Ua noho kau kauwa ma na kuaaina i keia mau malama, e hai ana no hoi i na pomaikai e maluhia ai kou aupuni e ke Alii; a e pomaikai ai kou lahnikanaka, nolaila ala mai ka manao iloko o lakou e hoike mai. j

0 na elemakule a me na luahine, kauoha mai lakou ia’u e hai aku i ko lakou aloha ia oe. “Ke hooikaika nei makou i ka pule i ke Akua, e haawi mai oia i ka maluhia ia Kamehameha III., a me na’lii malalo iho ona, a me na Luna hoopii, a me na Luna nui o ke Aupuni (oia na Luna haole) e kokua mai ke Akua ia lakou a pau a nana no ka hoopomaikai i na pono a pau o na’lii a me ko makou noho ana, ko na makaainana ona, me ka hoomaikai aku i ke Akua e haawi mai i ka maluhia. Aloha maikai o Kamehameha III., ame na’lii.” I aku la au, na’u e hoike aku i ko oukou aloha ia Kamehameha III., a ina e hai mai oia i kona aloha ia oukou alaila, pomaikai kakou, ua aloha mai oia ia kakou. Alaila ua ae mai ke Akua ia kakou e aloha aku i ka Moi ia Kamehameha III,, a na ke Akua e malama mai a e hoopomaikai nui i ke Alii ia Kamehameha III., a me kona Kuhina a me na’lii e kokua ana ia laua. E ola ka Moi a e maluhia no kona Aupuni. Na kekahi kauwa liilii loa e noho ana ma kou Aupuni. Na S. M. Kamakaū.