Ka Elele, Volume 1, Number 8, 15 July 1845 — NO KA OHUMU. [ARTICLE]

NO KA OHUMU.

Aloha oukou, e nahoahanau ekalesia maLahaina, ma Wailuku a ma Kailua a ma Oahu nei, no hoi a me na hoahanau a pau, ma Hawaii a Nihau: ua lohe au, he poe ouhumu oukou, ohumu pinepine no ke Alii nui, no na’lii a pau, no na Haole kokua i na’lii, no na Kumu haole, ame na kumu maoli. Ae, pela no, ka Iseraela ua hoopakeleia lakou, mai ka lima mai o Parao ma, u make oia ma ke Kaiula, aka, aole liuliu, ohumu ia Mose, no ka ai no no ka ia, ka wai, no keia mea a kela mea, a kekahi wa, makemake no e hoi i Aififupika.

Paupauaho” lakouia Mose, no ka noho loihi maluna o ka mauna o Sinai e kakau ana i ke kanawai no lakou, a kii aku lakou ia Aarona e

hana i kii gula i alakai no lakou; no ka mea o ua Mose la, aole lakou e ike i kona wahi i hele ai. Kupanaha ka hana o Aarona; aole oia i papa aku i ka lakou hana; ae no oia mamuli o ka lakou, hana no oia i ke kii gula i alakai na lakou. He kahuna nui ia, no ke aha aole i kooki aku ia lakou, penei. “E noho malie oukou:” a iho mai o ua Mose la, a lohe maopopo i kana hana, he mea paha e pono ai lakou, a o ka hope hoi o keia hewa aia ma Pukaana Mok. 33, pauku 27. A i kekahi manawa ku e o Datana laua o Abirama ia Mose, ku iluna lokou me kekahi poe mamo o ka Iseraela imua o Mose e elua haneri a me kanalima na luna o na kanaka, he poe pookela ma ke anaina kanaka, na kanaka kaulana. Houluulu ae la lakou e kue ia Mose a ia Aarona, i mai la ia laua “He nui loa ka olua” no kamea, ua laa ke anaina kanaka a pau loa, a o Iehova kekahi iwaena o lakou, no ke aha la hoi olua e hookiekie ae nei ia olua iho maluna o ke anaina kanaka o Iehova.” Hoouna aku la o Mose e kii ia Datana laua Abirama na keiki o Eliaba, i mai la hoi laua aole maua e hele aku. He mea liilii anei kou lawe ana mai loko mai o ka aina e kaheana i ka waiu a me ka mele ke hiki ole ia oe e hooliio ia oe iho i alii maluna o makou.

E poalo anei oe i na maka o keia poe kanaka? aole o maua e hele aku, Nahelu, mokuna 16, E heluhelu oukou i ka hope o keia kue ana ia Mose ma.

Manao paha lakou, aole ke alii o Mose ma ka hanau ana, aka, he hanai oia, a ke kaikamahine a Parao ma ka aina o Aigupita.

Pela no, he mea hiki wawe ke 'kue kekahi i kekahi, me ka hoohewa aku. Auhea oukou, e na hoahanau, eia ko’u manao ia oukou. Eia no kakou a pau iloko o ka waonahele, he,nui ka naaupo i koe, nui ka hoomanakii, nui ke kue, nui ka kuhihewa. E imi kakou i ke kuikahi; mai huipu ka poe kokua ikaika mai, me ka poe enemi, a mai huipu ka poe enemi me ka poe kokua mai. Mai kapa aku i ka malamalama ke pouli, a mai kapa aku i ka pouli he malamalama. (Aole e pau.) Na’u na Uwao. Pehea keia olelo maluna iho? Kupone anei ? I ko’u noonoo ana, aole kupone loa. Me he mea la, he opuinoino k( Uwao i na hoahanau o Hawaii nei; u; haohao hewa paha kona manao i na hoa hanau. He oiaio anei, ua like ka ohumi ana o na hoahanau me ko I)atana ma? A I?i mahea ka like ana?