Ka Elele, Volume 1, Number 5, 3 Iune 1845 — HE KANIKAU NO KA NONANONA. [ARTICLE]

HE KANIKAU NO KA NONANONA.

Kalihi, Oahu, Aperilu 25, 1845. E ka Nonanona e, alolia oe, Ua hele aku nei oe i ke ala ula a Kana loa, me ko kino wailua. Aloha ia oe, me he leo la no ka hanehane. He aloha ia oe, me he leo la no ka ao. He aloha ia oe, me he leo la no ka lio. Aloha oe e kuu hoa i ka ua lanipolua; Kuu hoa ae ale o na kai ewalu, Mai Hawaii aNiihau. Aloha oe, e kuu hoa hele o ka makani kaiaulu o Waianae. Aloha oe, e kuu hoa piimauna o Lihau. Aloha oe, e kuu hoa hele o ke kai o Kaieiewaho. Aloha oe, e kuu hoa noho o ka Waialeale i Kauai. Aloha oe, e kuu hoa hele o ka lehua o Panaewanui. Auwe oe, e kuu hoa hele imua o na’lii e kamailio’i. Auwe oe, e kuu hoa paio o ka poe paio mai. Aloha ino, ua hala aku nei oe, e kuu hoa noho o keia wahi ai ole. He aloha ia oe, e ka Nonanona, no kou make ana iho nei. Pau kou noho ana me makou iloko o na hale pelapela o keia ao O kou mau iwi ka makou e ike nei. Noho pu oia me makou, mai ke ao a po. E ka Nonanona e, aloha oe. Eia kou pokii nei, ke kanaka ui opiopio, O ka Elele Hawaii kona inoa. Mai na mauna mai Eperaima, Mai ka piko mai hoi o Mannakea. Auwe oe, e ka Nonanona e. Eia makou nei, kou mau makamaka nei, Ua pilikia i na hewa nei. Poino a haule ka papale mahiole. E ka Nonanona e, he aloha ia oe me ko kino wailua. Ua kani hauoli na manu liilii, Ua oli mai na wailele o ka honua, Ua hoolea mai na mea hookanikani, Uahaa mai na mea hula. Ua kanikau mai na Puali Inuwai. Ua hoolea na koa kamalii Hawaii. Aloha oe, e kuu hoa ka hoi nele i ke kaha loa la e , hoi wale.

Aloha kuu hoa o ka makani kukalahale o Honoluiu. Aloha kuu hoa o ka ua lililehua o Panaewa. Aloha oe e kuu hoa hele o Sarona i kahikoia i na mea ala. Aloha oe, e ka Nonanona, ka pua rose nani o keia pae aina. Ua pau kau mau oiiiana a pau, a me kou hele ana i o a ia nei. Aka, ua ola oe ma kou kino wailua. v Ke ike la oe i na alanui gula e anapa mai ana. Ke ike la oe ia Ierusalema hou. Kc noho pu la hoi oc me kou mau hoaha'nau elua; O ka Lama Hawaii a me Kumu īlawaii ko laua mau inoa. He mau kanaka laua no ka mauna o Eparaima mai. Ke lohe la oe i ke oli ana o na puali o ka lani. E ka Nonanona e, e aloha i ou mau hoahanau kanaka. E aloha aku ia lesu Kristo kou M-ū. E ka lani, e ka honua, e ka mauna, e ka moana, e aloha aku ia Nonanona. E na’lii, e ka hu, e ka makaainana, e aloha aku oukou ia Nonanona. No ka mea, lia pau kona hele ana mai i o kakou la. Aloha oe. Na J. L. Naii iii.ii.