Ka Elele, Volume 1, Number 4, 20 May 1845 — NA MEA KUPANAHA. [ARTICLE]

NA MEA KUPANAHA.

I ka la 8 o Mei nei, ua oleloia, ua maalo ae ka hoku Ukali mawaenakonu o ka la a me ka honua nei. Ua wanana e ia mai keia mea kupamaha e Alekanedero, ke kaula nui o Lahainaluna, aole nae komo kana olelo iloko o ka Elele 3, no ka hakalia o ka pai ana, no ka mai o ka poe paahana. Ua nana nae au me ke aniani eleele i ka maalo ana ae o keia hoku, aole ike; aole wahi kiko eleele iki iloko o ka la; aole loa no. No kuu makapo paha, no ka hawawa paha, keia ike ole; no ka hele ole no o ua haku nei, ua hele paha ia ma kahi e. Manao kekahi manao o’u, he hoopunipuni keia olelo. Pehea oukou ma Lahainaluna? Oukou paha ka poe maka ike: ina ua ike oukou i ua hoku nei, iwaena konu o ka la ame kahonua, e hoakaka mai. “Eia hoi keia, epau auanei ka mahina i ke akua i ka la 21 o Mei, e ala na kanaka i kakahiaka nui, no ka mea, e hoomaka ka pouii ana o ka mahina poepoe i ka hora 4 a me ka hapalua, a e pau ia i ka hora 6 a me na minule he 40; nolaila, aole e pau kona pouli ana i kona wa e napoo ai.” Na’u na Wanana.