Ke Alakai O Hawaii, Volume I, Number 39, 29 September 1888 — Ka Olelo Wanana Kahiko no ka Mai Lepera. [ARTICLE]

Ka Olelo Wanana Kahiko no ka Mai Lepera.

HE MAI LELE IO ANEI KA MAI LEPEKA. Ke Aiakai o Hawaii; — Aloha oe:— E oluolu oe e hoike aku ma ke akea i ka haina o ka ninau Mai Lepera, Akahi. He mai keia ua wanana ia i ke au o Kamehaineha Ka Nui, e kekahi wahine, o Kahiinakau ka no Kaunakakai Molokai. oia ka huakai mua a Kamehameha maluna o na waa peleleu. I ka hiki ana o ua Kamehameha nni i Kannakakai, noho malaila, a hikii na la kapu o ke akua Kukailimokw, aia nae ua wahine la [i olelo mua ia ae nei maluua] ke kuku la no iloko 0 kona halekuku kapa, i ka la kapu o ke akua o Kamehameha, nolaila, huhu iho nei o Kamehameha a kena aku nei 1 na kanaka e kii e pepehi a make ua wahine nei. I ka'hiki ana aku nei 0 na kanaka imua o ua wahine nei, olelo āku nei na kanaka i ua wahine nei } I kii mai hei makou e pepehi ia oe no kou kuku i ka la kapu o ke akua o Kamehameha. Eia ka olelo a na wahine nei;

Alia oukou e pepehi ia'u, e lawe oukou ia'u a hiki imua o ke Atfi ilaila ka hoi au e make ai. Ua lawe io ia aku„nei ua wahine nei imua, o ke 'lii Kamehameha, eia ka ninau a ke alii i ua wahine nei. Heaha la ke kumu o kou kuku ana i ke kapa i ka la kapu o kuu akua? Eia ka pane a ua wahine nei, I kuku hoi paha au i kapa nou a me kou akua, Aia a hiki aku i kau mau mamo,|ilaila e hiki mai ai kekahi mai weliweli loa i ike mua ole ia maanei, e pau ana na 'lii na makaainana mai Hawaii a liiki loa aku i kukulu o Kahiki, a o Molqkai nei ka aina e noho ai na kane, na wahine, na keiki, a me na moopuna. Eia ka olelo hope loa aua wahine nei, e huli wale no ola a hiki i kukulu o Kahiki, aole e ola, aia no ke ola iwaena o ka poe mai e iioho ana ma Mt3lokai nēi. Aia a puka mai maiwaena aē oka poe mai. alaila loaa ke ola. E nana e ka lahui i keia olelo wanana a kela wahine, ua hooko io ia no, a ke ike maka nei kakou i keia wa. Ke hooki nei au maanei. J. A. Kamakini. Waikolu, Sept. 21, 1888.