Ke Alakai O Hawaii, Volume I, Number 33, 18 August 1888 — Huakai no ka Panalaau Ma'i Lepera o Kalaupapa. [ARTICLE]

Huakai no ka Panalaau Ma'i Lepera o Kalaupapa.

E Ke Alakai o Hawaii, Welina kaua: Haalele ia Kakaako i ka hora 4:15 p. m. kau ma ke kaa no ka uapo o Burua kahi a ka mokuahi Mokolii e ku ana, hemo ka laina i ka hora 4 ;35 no kahi a na mai e hookau ia mai ai ma ka hale auau. I ko lakou pau ana mai no ka oneki o ka moku, kani kahora 5. Ke huli aku la me ka wiahine i ke alo a-lii me ka ukana a ka waimaku e hanini ana a ke hoonana mai ia ka ehu o ke kai o Mamala ia makou pakahi, a paweo aku aku la na maka i ka aina, ke hue pau mai la na hoomanao ana i na kini a pau, a ua hoopoina na hoomanao ana ia oukou a pau, oiai ke oehuehu mai nei na ale o ke kai, ke olepelepe ae la i kahi halelana kahi a makou e okuu nei o kahi a na holoholona e ku ana oia ke kahua o ke aloha i hookumu ia ai. Nolaila au i hoomanao ae ai i ka olelo a ka Haku He lua ko na Alopeka he wahi noho ko na manu o ka lewa, ajka|o ke keiki a ke kanaka, aole ona wahi e hoomoe ia ai kona poo. Pela paha i loaa ai i ke aupuni maemae i keia wa ka uhao ana ia Hawaii iloko o keia hoemainoino aha. I ka hoea ana mai mawaena o Laeahi me Makepuu, uhi mai la ka lmna o ke kai maluna o na mai, he ku i ka manaonao ke nana aku, ke poi nei ka ale niaola maanei, a ke waiho nei ka mai ilolsS> o ke kiowai, a he mea hiki no

ke hoomaiiao iho ua like no ia nae ke kiola ana iloko o ka lūa kupapau. J Ika hora 7 ;S0 iio Kalaupapa, h.e a lehulehu o na hoa'loka i akoakoamai , a lulu lima pu me lakou, komo ma ka hale o ka luna nui oia o Kanoealii (A, j K. Hutchison) ka makua o keia poe a [ pau e noho nei, he opiopio oia ma ke ki- | no, a he kanaka makua nae ma ka hana. « • ■:'* [ Ku mai la oia a kamailio maila ika poe hou, ke ao aku nei au ia oukou e noho ma ka hale o ka Papa Ola mamua oko oukou noho ana me na makamaka, e ike ia mai ana oukou i ka wa o ka loaa a me ka ikaika, a pilikia mai oukou pau ko lakou ike ana mai ia oukou nolaila mai hoolohe ia lakou, ika pau ana.o kana kamailio ana ua i iho la an, he kupono io no kona kapa ia ana he makua. Hē 20 minute ko makou noho ana, uā kii mai la o Father Lui Konele ke kihuna hou c noho nei i Kalaupapa nei, e hoi i ka hale e inu kope ai, oiai ua kupilikii i ke anu. I ko maua hoea ana aku ī ka puka pa ua hoea mai la o Damiana. U a mai la oia, "auhea !a kuu wahi puolo a Kilikina i hoouna mai ai makahiki ae nei ka loihi? ! Ua pane aku la o Agnets, eia ua wahi puolo nei au la a Kilikina i hoouna mai I nei. | Mai kaua, na'u oe e malania aku,~āu-- [ hea na ukana ou? Eia ke kaa lio, kau oe ma ke kaa a hoi no Kalawao, * he lio j no hoi ko'u, kainapu mai la me kuu mau i hoa'loha D. K. Kalāhiokalani a me Thos.* | P. Unea a me kekahi poe e ae no hoi bo | ka homeo ka pakua Damian©. He makua oia no na keiki i hookaawale ia mai nei ia nei e noho ana i kela ,a i keia hoomana, he hapa mai ka na makua e ae maiama ana i like me ka ia ' ; ' Aole i pau i keia waj[na mea hou ma keia pule aku e loaa hou tku ai ia oe e kuu Alakai, Kuu, Lupahooponopono a me kuu mau hoahana ke aloha nui a pau. Owau no W. H. Kahumoku, Kalawao, Molokai, Aug. 9, 1888.