Ke Alakai O Hawaii, Volume I, Number 52, 22 October 1887 — NA KAHUA I KUKULU IA AI KA NUPEPA "KE ALAKAI O HAWAII." [ARTICLE]

NA KAHUA I KUKULU IA AI KA NUPEPA "KE ALAKAI O HAWAII."

Ua hamama mau na kolamu o "Ke Hawaii," no na kalaimanao naauao a pau e pili ana i ke kulana o _ v e Aupuni. E kakoo mau ana keia nupepa i na liana a pau e hoonipaa loa ia ai ke kulana Aupuni Moi o Hawaii, malalo o ke Kumukanawai. 0 na hana paewaewa a na Poo Aupilni e lilo ana ia mau hana i mau mea nema akea ia e "Ke Alakai o Hawaii." E_ noii ia aku ana na mea oiaio e pili ana i ke kulana o ka hōokele ia ana o ke Aupuni a hoikeia aku imua o ka lahui, ma ke ano ewaewa ole a kau kapakahi ole hoi. E kakoo mau ana na kalaimanao ana o keia pepa i na hoakaka ana na na pono kivila o na kanaka Hawaii maoli a me na lahui mai na aina e mai. E kue mau ia ana na kalai olelo a me na hana e alakai ana i ka noponoia ana o keia Aupuni malalo o na eheu o kekahi poe kakaikahi o 3oko nei o ka 'aina. 0 ka hoemi ia ana o na Auhau Kuloko a me na hooliio Aupuni kekahi mau mea nui a keia pepa e hooikaka ai. E kue mau ana keia p«pa i na hooponopono Aupuni malalo o na hana kue kanawai. q ke ola o ka lahui he mea nui ia iloko o na mea i hiipoi ia e keia pepa. 0 ka holomua o ke Aupuni ma na ano a pau no ka pono a me ka pomaikai o na kanaka ma Hawaii nei, oia ka keia pepa e kakoo ai. E paio ana keia pepa 'i ka paio maikai o ka manaoio, aole o Hawaii nei e lilo kaokoa i Aupuni Repubali ka oligaresia (oligarehy.) E kakoo ikaika ana keia pepa i na kumuhana hooponopono a' hoololi Kumukanawai no ka pono like o ka lahui mai o a o. A mawaho ae o keia mau kahua i hoikeia ae la, aole e hoonele ia ana na Nu Hou Kuloko a me na Nu Hou Kuwaho, a pela pu hoi me na manao hoonaauao e ae he nui, a me na moo'lelo hoonanea ku i ka naauao io.