Ke Au Okoa, Volume VII, Number 15, 27 Iulai 1871 — Untitled [ARTICLE]

Ma ka auina la Sabati iho nei ua pau kekahi hale pili ma Kapalama i ke ahi, maluna mai o ka uwapo ma Niuhelewai. He. ahi kahu ti no kapuahi, ke ahi i pau ai ka hale. Ma ke ku ana mai o ke Kilauea i ke kakahiaka Poaono iho nei. i huli hoi mai ai ke Kiaaina J. 0. .Dominis-a me kana lede, Col D. Kalakaua a me kana lede. I ka uka luhiehu aku nei lakou o Ulupulakua. Ke hana hou ia nei na lihi uwapo ma kai o Aina Hou, aole e liuliu e maikai auanei ia mau wahi hoopili moku, a paa hoi, no ka mea, ua ano popopo ka laau ma kau wahi o laila. —— Ua lono mai makou ma keia Poakahi ae e hiki mai ana, e malama ana ka " Hui Opio. pio o ke Alo Alii," he wahi paina a me na lealea e ae no lakou iho ma ka hale ai o ka Hawaiian Club, ma ke kihi o ke Alanui Maunakea me Beritania. O ka hale hooikaika kino o Honolulu nei, ma ke ahiahi Poakahi iho nei, ka hoopau ana o na lala o ua hui nei i ka malama ana ī ka hale, a e pani ku ia ana kona mau ipuka no kekahi manawa no ia hana ; a i ole, no ka wa mau loa. Aole i ku mai ka mokuahi Wonga Wonga ma ka manawa i hoolaha ia e ka agena o ka mokuahi maanei; ua manaoia nae aole paha oia haalele koke ia Kapalakiko a hiki i ka la 18 iho nei o keia malama, a e ku mai ana ia nei ma keia pule, a i ole i ka la mua o ke ia hebedoma ae.

Ma ka po Sabati iho nei o keia pule i make hikiwawe ai o Mrs. Kopaea Jerome, o keia kulanakauhale. He mai ma ka puuwai kona mai i make ai. Ma ka olelo hoike na Kauka nana i kaha, he mai hiki ole ke hoola ia, aia iloko o kekahi o na upa o ka puuwai, a nolaila, mai ke kumu o ka ohao, nana i hoonawaliwali i kona kino i na la mamua ae o kona haalele ana mai i keia ola ana. He wahine oia i alohaia, a he makamaka heahea, aka, o ka Anela o ka make aole ia e i mai ana "ua ana au."

O kekahi kamaaina o keia kulanakauhale e hele makaikai ia ma Europa i keia manawa ua hookahaha nui ia mai oia i kekahi la oiai e holoholo ana ma ke alanui o ke kulanakauhale o Prague, e kekahi mapuna leo e kahea ana " Honolulu ! Honolulu ! Aloha !" a i alawa ae auanei kona hana, ike aku la ia o kekahi o na'lii moku o ka manuwa Anaeturia Donau i ku ai ia nei. Aole i loaa ka inoa o ko kakou kamaaina i ua 'lii manuwa nei, aole no boi i launa pu i ka wa ia nei ; eia nae ua ike kela i kona mau helehelena i ka wa ia nei. Ua hiki aku ka manuwa Do~ nau i kona home, a ua hookuu ia kona mau alii moku, nolaila, ua hele aku lakon ma kela a me keia kulanakauhale o Europa.

KELA OLELO KUMUOLE—I mea e pau ai ke kuhihewa o kekahi manao o kekahipoe no na olelo hoalaala manao kuhihewa i hoopuka ia imua o ke akea no Mr. Gibsona o Lanai, nolaila, ua kope mai makou i keia manao mai ka nupepa P. C. Advertiser o ka la 15 o lulai, e olelo ana penei : " E hoopololei ana a e hoike sna i ke kumu ole o na olelo i haku ia no Mr. Gibson, penei : E kipa ana ka mokumahu Kilauea ma ke awa pae o Gibsona ma Lanai, a lawe mai i ka hulu hipa a me na waiwai e ae ana, oia hoi ka ukana i haalele ia e ke kuna Neti Mela, no na kumu i hoopuka ia iloko o kekahi olelo kumuole i lawe ia mai i o makou nei a i hoopuka ia aku i ka la I o keia malama. Ka hiki kino ana mai o Mr. Gibson, kana mau olelo we--hewehe, a me ke ano ole o na mea i wehe wehe ia no ke kipikipi ona, he mau mea ia a makou e hoike aku nei, e hoopau ana i ka oiaio o ka " moolelo kupanaha," i lawe ia mai i o makou nei, a e. hoike ana no hoi aole maoli no he kumu uo keia olelo."

Ma ke ahiahi Poalima o kela pule iho nei ke ku ana mai o ka mokuahi ' City of Adelaide, he 20 la mai Sidane mai, a he 12 hoi la mai Fiji mai. He moku hao oia, he 1,000 tona kona nui. Ua kukuluia oia ma Glasgow i ka makahiki 1864. Ua ane iike no kona kukuluia ana me ko ka mokuahi ' Cily of Melbourne,' ua kiekie iki ae nae keia ewalu kapuai, a me kona papa oneki maluna e holo ana mai mua a hope. O kona keena nui ma lalo iho o ka oneki luna, he 150 kapuai ka loa, he 28 ka laula a e 8 kc kiekie Mahope o ua keena nei he keena hooluolu nona na kapuai he 20 me 28, a e hiki ke wehe ia ua keena nei e hui pu me ke keena nui, a e paku ia hoi e like me ka makemake. Ua oluolu kupono na hoolako ana i na keena o ka

moku. Ua hoomahuahua ia ka ikaika o kona enegine mahu a hiki i ka 1,000 lio ka ikaika, iloko o kona manawa i hana hou ia mai nei, a o ka avarika o kona holo i ka hora hookahi he 10 1/2 a hiki i ka 11 mile i ka hora hookahi. Ua lawe mai oia i na eepakeke he kanaha mai Sidane mai, a me Levuka Fiji mai, a he kanakolu kumalua mai nei aku. He 260 kukaa hulu hipa ana i lawe mai na aina panalaau mai, a he haneri tona ukana mai keia awa aku. Ma ka hora elima o ke ahiahi Poaono iho nei kona holo ana aku no Kapalakiko O keia ka makamua o kana huakai laina holoholo mokuahi mawaena o Sidane a me Kapalakiko. Hookahi mokuahi hou i koe e hooholo ia mai ana i pani ma ko ke ' City of Melbourne.’