Ke Au Okoa, Volume VII, Number 15, 27 Iulai 1871 — NA MEA HOU [Illegible] [ARTICLE]

NA MEA HOU KULOKU

Ua lono palapala mai makou ua loa aku ka pila hou maikai no ka luakini o Haili ma Hilo. Ua hoau ia iloko o keia ma Sabati i hala iho nei. Ua lono ia mai na haule pai iho ka ua ma Kona iloko o keia mau la iho nei. Aole i kana mai o ka ua malaila wahi a kekahi lono palapala i hiki mai ia makou. He pomaikai nui ko laila poe e ka lani i haawi mai ai. Ma ka Poaono iho nei ka holo ana aku o ka moku kiapa Cometa, i Kapalakiko. Ekolu wale no la kona hooili ukana ana iho nei, a me kona ku ana a holo hou aku la; no ka mea i ka Poakolu aku no kona ku ana naai. Keu a ka awiwi. Ma kela pule aku nei ka hiki ana mai o na kino lepo o J. Muer, J. Anaru mai Kauai mai, na luina o ka moku Saginawi make ai ma kuanalu o Kauai, a kanuia ai ma Hanalei. Ua laweia aku ko laua kino lepo ma ka Ilina ma Nuuanu e kanuia ai. MAKE I MANAOHIA- Ma ka la 6 o Iulai; ua hanaumai ma Pauoa kekahi keiki na Kaahai me Mokoi ; aka, ma ka ia 21 iho nei no, ua kio opio ia mai la e ke Akua, a ua laweia aku ia i ka hopena mau. "Na ke Akua i haawi mai a na ke Akua no i lawe aku, e hoomaikai ia aku no Oia." Ua lono mai makou ua ae ia aku kekahi o na kanaka opiopio e hoomaamaa nei ma ke ao Loio, oia o John W. Kaaloa, e hiki ia ia ke ku ma na Aha K.aapuui o Kauai. Ina pela, eia mai ka opio loio hon e ko Kauai ; he keiki kupa no ua aina kahawai makawalu la. Ma ke ahiahi o ka 1a apopo e haiolelo ana ka Rev. A. L. Stone D. D. ma ka halepule Kaukeano, ma muli o na kono ana a ka " Hui Karistiano Opiopio." He hapalua ka uku; a he pono i na poe i lohe i ka namunamu ke naue ae e hoolohelohe, no ka mea, he kakaikahi na manawa i kipa mai ia poe haiolelo kaulana ma ko kakoa mau kapakai nei. Ma ka holo ana aku nei o Kilauea i ka Poakahi iho aei, i holo aku ai ka Luna Hooponopono o ko kakou pepa no " ka ua paupili o Lele;” oia ame kona ohana. O ka Ilamuku Parke a me kona ohana. kekahi i holo pu aku no Hawaii. Ua lawe aku oia i na ohua eepakeke he 22, a me na ohua oneki he haneri a keu. ..

Ma ke ahiahi Poaono iho nei o kela pule i haalele mai ai ka moku Hoku Ao. Ua hookaulua ia kona holo ana no ke kali i kekahi o na mokuahi e hiki mai ana mai Kapalakiko mai ; aka, aole i hiki mai, nolaila, ua holo koke aku oia i ko na aina pegana. Ua paapu ae na kanaka malaila, e haawi aku i ko lakou mau aloha hope no na misionari e lawe ia ana. — Ma ka po Poaono iho nei o kela pule, ua hele ae la ka Moiwahine Emma, Col. D. Kalakaua, Kalahoolewa, ka Hon. S.H. Pilipo, Kunuiakea, na Kanikela o na aina e a me kekahi poe e ae, me ke keena o Buffums Halo no ka makaikai i na poe hoopaheehee kamaa huila, malalo o ke alakai ana a Wallace, ke kumu ao hoopaheehee kamaa. Ma ka nana ana aku i ua poe i hoomaamaa ibo nei mai ia ano lealea hooikaika o ke ao nei, ua ku no i ka eleu. 0 Napoliona Nihi, ko kakou kanaka pakaukau la i ike nui ia ma ka makeke, ua lioomakaulii iho oia ma ka hoiliili ana i na mea i !oa;t mai ia ia, me ka olelo ana aole e hoolilo hou no ka rama kekahi o kana mau hapaumi, aka, no ka waihona. Mahope iho o ka hala ana o ka makahiki, a i kekahi la o kela pule iho nei, ua wehe ae la oia i ke tini piula i hoo ia ai na mau huna liilii la, aia hoi, e waiho ana na dala 403. Ina e hoolilo ia keia puu dala no ka rama, ua like me 4 omole barani i kela hebedoma keia hebedoma, a i ka pau ana o ka makahiki, e kau ana ka huahelu 0 ma kahi o 403. He hana kupono keia 6 hoomahui ia e. kekahi poe e ae e noho mai nei. O ka hale pohaku ula ma Kulaokahua, ua wehewebe ia ae nei kona mau kaola hao i paa ai, a o kona kulana e ku nei i keia ma nawa he malule wale, a iloko o na wa ua, e helelei wale iho no na pohaku iloko. Ua lono mai makou, he moe ia oloko o ua wahi la e kekahi poe, a he opu malumalu no kekahi poe iloko o na wa ua; ke kauleo e aku nei makou mamua ae o ka manawa , e hookaawale aku ia oukou iho ma ua hale la. No ka mea, aia no paha he manawa, e loohia wale ia ai ia poe i ka poino mai ka helelei ana o ua pohaku, oiai, aole kumu o ka paa i koe. Ua hiki mai ka lono ia makou, ma ka Poakolu o kela pule iho nei. i hookolokoloia ai o Mr. E. Jones o Lahaina no ka puhi rama; e like me ka makou i hoike aku ai ma ka pepa o kela pule aku iho nei, a ua hoopai ka Lunakanawai Hoomalu o Lahaina $300. Ua lonoua ae e hoopii hou ana oia, aka, ua haule pu iho la, a ukuia ua hoopai a pau o ka Aha. Ua lonoia ae no hoi mai na hoike mai he aneane a he haneri a me kanalima galani rama i puhiia, he kanalima wale no i loaa, hookahi haneri galani i hunaia. Ke huli ia nei kahi o ka huna ana i ka rama i koe, aole nae i lono ia mai na loaa.