Ke Au Okoa, Volume VII, Number 6, 25 Mei 1871 — Untitled [ARTICLE]

NO ka holo ana a puni ke ao - Ina ua hoomaka mai ka holo ana mai Livapola Enelani a i Nu Ioka, eiwa la he 3000 mile ka loihi; mai Nu Ioka a Kikago 30 hora, 800 mile ; mai Kikago a Kapalakiko, 5 la, a me 5 hora, he 2,440 mile ka loihi; mai Kapalakiko a hiki i Iokohama Iapana he 20 la, 4,700 mile mile ; mai Iokohama a hiki i Honokona 6 la, he 1,600 mile; mai Honekona a Kalakuta Hinedu, he 14 la, 3,500 mile; mai Kalakuta a hiki i Romehe ma ke alanui hao, 2 la, 1, 200 ka loa, mai Bomabe a i Kairo, he 12 la 3,600 mile ka loihi, mai Kairo a i Alekanederia ma ke alawai o Surae 5 hora, 100 mile; mai Alekanedera mai a hiki aku i Maioea la 6 la, 1800 mile; mai Masela i Kalaisa ma ke mahae, he 32 hora, 614 mile mai Kalaisa a Liwapula, he 11 hora, 320 mile; O ka huina nui o ka loa o kahi i hele ai he 23,755 mile, iloko o na la he 77, me 10 hora, ka mea e loaa ma kekahi, poina na kaaahi a me ka mokuahi.

Mai ka ua kani lehua mai - Ma ka Poakahi iho nei ke ku ana mai o Kate Lee mai Ililo mai. Maluna mai ona i hoi mai ai ka Lunakanawai Kiekie, E.H. Allen, ke Kiaaina o Oahu nei, a me F.H. Hailaki opio. Ke Akula - Ma ke ahiahi Poalua iho nei ka hiki ana mai o ke akule ma kahi pakaukau i-a o Honolulu nei, no ka nui launa ole o ke akule, nolaila, ua kuai ia ae he hapaha no na akule he nui a keu aku. Aole no i pau a hiki i ke kakahiaka onehinei. No ka wahine o ka lua - Ua loaa mai ia makou ka lono mai Hilo mai, aohe hana nui a ka wahine o ka lua i keia mau la, o ka uahi nae ke punohu la no mai ka lua ae, ma ka Loko hema, e uhi po ana i na moku o Kau a me Puna. Ka La Hanau o Vitoria - Ma nehinei ka la hanau o ka Moiwahine Vitoria o na aupuni haiia o Beritania a me Irelani, a Emeperese o Inia Hikina, Ua hoomanao ia no ia ia e ko ke kaona nei ma ka hoohanohano ia ana mai o na kia o na moku e na hae, a me na pahu hae o ke aupuni o ke kulanakauhale a me ko na Kanikela o na aupuni e

No na Pali Koolau - Ua lohe mai makou mai ka mea Lawe Leta mai o keia mokupuni ua pau kekahi mau hale o John Wilder ma Kualoa i ke ahi, a ma ia manawa hookahi no i pau ai kekahi hale ma Pakale, Kahaluu, i ke ahi. O ke kumu ka o ka pau ana, na na keiki i koe i ke ahi lepo pele. Oia no hoi ka makou mea e olelo nei, e malama ia mea a pela no hoi o Solomona. O ke ahi aole ia e olelo mai ana e ua ana.

Na poe mahuka o ka moku Europa. - Ma ke ahiahi Poakahi iho nei, lawe ia ae ana i ka Halewai kekahi poe luina i mahuka mai ka moku okohola Europa mai. Ma ka po ana iho, oiai na mea a pau e hakilo ole mai ana i ka lakou mau hana, aihue iho la lakou i ka waapa, a hoe nui mai la iuka nei. A aneane e pae i kuaau o Kealia, malaila haalele ai i ka waapa, a holo mai iuka nei ua hopu koke ia iho la lakou a hoopaa ia ae i ka Halewai. Iwaena o na luina mahuka elima, hookahi kanaka Hawaii. Mahope iho o ka hookolokoloia ana o lakou, ua hoihoi hou ia aku lakou iluna o ka mku. Ma ka lono ana i ke kumu o ko lakou mahuka ana, no ka hanaino ka o ke Kapena. Ka pele ma kahi kokoke i Sundede Ailana - Ua hoike aku makou mamua ae nei no ka haaelele ana aku o kekahi poe ohana i keia mokupuni no ka nui o ka wela a me ka hohono o ke ea i ka luaipele. Ma ka lono hope mai nei, ke mau la no ka a ana o ka pele malaila, mailoko ae o kekahi mokupuni hou iloko o ke kaikuono, a ua hoopiha loa ia ku e ka hohono luaipele, nolaila, aole he pono i ka moku ke hookokoke aku i mau mile he umi mai kahi mai o ka pele e a ana, no ka pakui launa ole. Aia keia moku puni ma ka latitu hema, 29, ma ka loniu 178 komohana. He hihia imua o ka aha baneko - Ua hoopii ia iho nei ka Lunakanawai Kaapuni mua o Maui A.J. Lawrence e ka Loio Kuhina no ka hihia apuka, i ka aina o Kapaukea o Lahaina, ma ke kuai lilo ana i ka aina nona. Ua hoomaka ia ka hookolokolo ana nona imua o ka Hope Lunakanawai Kiekie Hartwell ma ka Aha Baneko ma ka Poakahi iho nei, a me ka Poalua, a ma nehinei e hoopuka ia ai ka olelo hooholo, aka ua hoopanee hou ia aku la a hiki mai na hoike hou mai Lahaina mai. He hihia ano nui keia i hana ia imua o ka Aha Baneko, aka, mamuli o ka pololei a me ka paewaewa ole o na hana ia ana e hookau ia ai ka olelo hooholo pololei no ua hihia nei. Kilauea no Hilo - Mamua ae o ka haalele ana mai o ka mokuahi Kilauea i ka uapo no Hilo, ua haiamu e ae la kona mau oneki i na ohua, na ee pakeke, a me na kanaka o kela ano keia ano. Ua piha pu hoi ka uapo a me na wahi e pili ana i na kane, wahine, kamalii, a o na poe puhi ohe pu kekahi o ke alii i naue ae ilaila e hookuu ae ai i ka leo o ka lakou mau mea kani, no ka pomaikai hoolealea o ka lehulehu. Ua piha u no oia i ka ukana, a lehau wale no hoi na ohua i kau aku la. Ma ka nanaina kau i kona oiwi ua paele maoli ia a eleele, aole hoi me kona ano hauliuli omaomao mua. Ua pokole ka manawa i hanaia ai, a ua maalahi hoi na poino i manaoia he kukonukonu loa, oiai kona kulolia hekau paoa ana ma ka ae kai o Paaau i Molokai. Ka loaa ana o ka mea e keokeo ai ke kopaa - Ua ano ulia wel no kahi i loaa mai ai ka mea e keokeo ai ke ko, a penei ka hahai ia ana mai. Ua hele kekahi mea wahine mawaena o kahi i kawili ia ai ka puna, a komo ae la ia iloko o kahi e waiho ana o ke kopaa, me ke oki loa o kona mau wawae i ka lepo puaa. Ma na wahi a pau a ka mea i hehi ai, aia hoi, ua keokeo no ka pa ana iho o ka puaa mau i ke kopaa, a pela i noonoo ia ai he mea hoomaemae kopaa ka puaa a keokeo. Hookomo ia ae ke kopaa iloko o kekahi ipu lepo i hana puaaia, me ka paka malalo, alaila, kauia no ka puna maluan iho, a ninini iho i ka wai a pela i kahe aku ai ka wai o ka puna iloko o ke kopaa a puka malalo, a hokeokeo ia no ke ko. h»>»*kekro »» no k»> kn Ke makmi.ue h->u nt>i a> aa P-<resid«:'ri* K»!an» rb. I<> K*>< t > hou. mo k>» h ~<kua no» w»le no la hAim »n« l * uih» i,ā k-»nafc;A nona, «..)«« t»ik» i« i* ke h >:o iw»l t» h.>u ; he 4» k..m inaa ankahiki nia ka U - 27 »h oei u Apenla