Ke Au Okoa, Volume VI, Number 43, 9 Pepeluali 1871 — He inoa pii mauna no Ema Kaleleonalani. [ARTICLE]

He inoa pii mauna no Ema Kaleleonalani.

A Kilohana makou, Nana ia Hanalei, I ke one o Mahamoku, I ka wai o Lumahai, O ka lae hala o Naue, Alai ia e ka noe, O Maunahina kai lalo, O ke alanui kui lima. Haiamu e ka pua, Ula nika i ka nahele, He nahele kupilikii, He piina la he palaha. Kuamu ko'u hoa, Ua nuha pane ole mai, Ka nalo a mi nei, E Samaka, e maliu mai. Ui ae nei Emalani, E huli hoi kakou. I ke ala wai ohia, Ala kipapa a Ola, O ke Awakoo ka iluna, Naele o Alakai, O kulou a Ema, I ke anu o Aipo, Haiamu ka, &c. Uhi paa mai e ka noe, Halana mai e ka wai, Puili lala i ke ahi, I kapa no ia uka. O ka leo ka mea aloha, I ka heahea ana mai, Pehea mai oukou, Maanei ma ka mehana. Haiamu ka, &c. Ka ihona o kanahele, A hiki i Kawaikoi, He piina ikiiki ia, A Kukalaakamanu, Hoomaha no o Kalani, I Kalehuamakanoe, He lehua lei apiki, Pauku i ke painiu, Haiamu ka, &c. He paia ala i ke anu, He nohea i ka waokele, Kupaoa i ke ala, Ke ala o ka hinahina. E lalama e ka nui mana, I ka ohi hua mokihana, I lei no ka wahine, O Emalani he inoa, Haiamu ka, &c. L. KELIIMOEWAI . Koloa, Januari 31, 1871.