Ke Au Okoa, Volume VI, Number 41, 26 January 1871 — Na Mainoino Weliweli o ke Kaua. [ARTICLE]

Na Mainoino Weliweli o ke Kaua.

0 ke kaua, ma na moolelo o kela aupuni keia aupuni, na lahui a me na ohana, he men no ia i ike mau ia, aka, me he mea la nae, aohe kakou i hoonohoia mai e ka Mea Nui i poe kakou e noho kaua ma keia honua. Me he la o Kona makemake nui, o ka hookuu mai ia kakou e noho haaoli maluna o na. mea Ana i kukulu a i hana ai no kakou.. E hoomanao ia no paha e kakou ke kaua makamua loa i hooukaia mawaena. o Kaina me Ahela, a i loaa ai ka oleloia ana o Kaina ka pepehi kanaka makamua loa. Aka, ika nana ana, me he la oia manao i loaa ai iaia aole i hanau pu ia mai me ia; he manao ia mahope mai i hapaiia mai paha e na hoowalewale ana a ka nahesa nui, nana i hoohiolo i ka hemolele, ka laahia a me ka maluhia o ka ohana makamua. Mai ia manawa mai i hoomakaia mai ai ka noho kuee, kaua a me ka mokuahana o na lahui a me na ohana o keia honua mawaena o lakou iho ; a ua ewe mai a hiki i ko kakou nei au. 0 na hoouka kaua ana nae o ka wa kahiko, aole ia i mainoino a ano weliweii loa ma ke ano luku e like me na hoouka kaua ana o keia mau au mai nei o ka honua. No ka mea, ikawa i au wale, ua hilinai ia maluna wale no o na olona a"me na aa-lima; aka, i keia mau au hulihia mai nei o ka honua, ua hilinai nuiia ka mana o ka oi kelakela ana mamua o ka enemi maluna oka noonoo 1010 ana; ama ia mana noonoo i imi nui loaia ai na kumu e hiki ai ke oi pakela maluna o ka enemi.

ī ka nana maoli ana ma ke knmu io i hoomaka ia mai na hoouka kaua ana. na hooulu ia mai e ke ake ana e oi kelakela ona mea elua. Pela ke ano o na hapanui o na kaua i hoouluia ma keia noho ana. oke ake ana eoi maluna o kekahi, he mea maikni no ma kekahi ano e hoopomaikai ai i ka lehulehu ; aka, o ke ake ana e oi ma na manao inaina hui, he awahia a he weliweli loa kona mau hopena ; a he hoopoino i na noho'na pomaikai a me ka noho'na maluhia o kela a me keia. He nui a he lehulehu wale no na kanaka 1 aloha i keia mea he kaaa me he ma-1 na ai la. Ua manaoia e kekahi poe, o ka oi ma ka hoouka kaua ana ka mea e hiki ai ke hoohui ipa lahui malalo ona kumu me na manao hookahi. Me be la, oka hapanui o na kana mai nei o keia au, no ke ake oi wale no ke kahua nui; aka, he mea kupono nae mawaena o na lahui i hoona-. auao Karistiano ia ke haawi pio ia man manao ma ka paepae o ke kuahu o ka maluhia ; no ka mea, o ke ake hui o na manao kaua he kumu ia e anai a e hoilihune ai i ka noho lehulehu ana o ke ao nei; a e lumai ai hoi ina tausani ame na miliona o "na keiki a kanaka." īua kakou e haliu ae a e nana ma na hoouka kaua ana o keia manawa, he weliweli launa ole, ke halo aku i na hana a paki-ka a ka Make—ua hookalaia a ua oi launa ole ; a ke manaoio nei makou, he kuleana ko kela a me koia lahui a pau i hoonaauaoia e hoao e kakau a e kamailio no na ino a me na weliweli e kue aku i na hana a ke kaua. He oiaio no aohe ko kakou au ponoi kuloko i ike maoii i nsi ino a me na weliweli o ke kaua ; aka na nu lono no nae o ke kahua kaua ma Europa e hoopau mai i ko kakou pohihi ma ia mea.

Ano, ma keia hoouka kaua ana o Europa i hoike lea mai i na ino a me na weliweli o keia ruea lie kaua. Aia hfe mau lahui nui elua, no laua na kanaka i hanauia mai e ka ehaeha o ko lakou mau makuahine, i hanaiia me ke aloha palena ole, i hoonaauao ia me ka hiipoi Karistiano, me ka manaoia e hoolilo i kela a me keia kanakn i poe maikai a maluhia ka noho ana; —aka, mahope iho o keia mau hiipoi maikai ia ana, ua ho-aia aku lakou e luku ia me he mau pu-a bipi la iloko o ka pa pepehi o kekahi kahua kaua nui a weliweii. Ina he oiaio ka olelo ia ana, ke hele kino huna nei o Satana ma kona mau ano a pau e hapahapai ai i na kanaka e hana hewa a e kuee ; aole no paha e nele aku la ka uwa a me ka hene mai o kona aka, ke ike mai oia i na keiki a kanaka e pepehi ponoi ana ia lakou iho me ka menemene ole, malalo o ka anini kaua ma kona inoa he haku ona kaua. A! i kekahi manawa ua manaoia na kanaka me he poe hipi la e kali ana i ko lakou manawa e kupaluia ai no ke kuahu hoopoino weliweli ake 'lii o ka po. Aloha wale na ohana i hooneleia i na milimili o ko lakou mau mahinaai mahihia! Kamanawa.