Ke Au Okoa, Volume VI, Number 35, 15 Kekemapa 1870 — Elanakila anei na aupuni makaainana? [ARTICLE]

Elanakila anei na aupuni makaainana?

Oiai, ke law& mai nei ke ao e a me ka honua hou ia kakou imua oka holomua ana ma ka aapo ana'ku ina ike a me na naauao ona aina e. Mai ko kakou hukia ia ana ae mai loko mai o ka pouli, ua nui na loli i hauaia ma na aina naauao, ua mahuahua na holo ana ma na hana akamai holomua, a ua lehulehu no hoi na hana naaupo i hanaia, a eia ke mau nei ia ano naaupo e kaua nei mawaena o na aupuni o Geremania ame Farani. Aia aku ihea na hoouka kaua manaonao mamua o ka ka poe Pegana, e like me ka hookahe muliwai koko ana mawaena ponoi o ka poe Karistiano a naauao i oleloia ai ? 0 ka ka poe Pegana mau kaua ana, he manaonao ia ma ke ano koli ola ; aka, oka oi loa aku o ka luku a mekaaDai papapu, aohe " hoa like " e like me. ka poe Karistiano. Ua oleloia ka poe Karisriano he poe akamai a naauao nui, aka, mailoko mai paha oia naauao nui i ulu mai ai ke ano naauao hupo e imi a e noii i mau mea hoomake weliweli i na tausani ola, me he la, ua olelo mai ke Akua, e noho hakaka a luku ka lahui o ka honua nei.

Ma ka nana ana i na mea e pili ana ia Earopa mai ka hoomaka ana mai o ke kana i hoopaa pio ia ai ka Emepera Napoliona ma ka hooaka kaua ma Sedana,, na ane huikau na mea i hanaia. Mamua hoi na kau ntii ia aku ka manaolana ma ka umauma o ka Moi Uilama, a ma ka puuwai hoi o ka Moiwahine Victoria, a e hoihoi ia mai ana la hoi ka ohana alii Oleana e noho hou maluna o ka noho alii o Farani. Aka, ua hoomaopopo koke ia aku no aohe lealea o ko Farani manao no kau ohana alii i hookahuliia ; a aohe mea i kue mai me ka poe Perosia, aka, o ke kaca wale ana no no ka Emepera a lakou i hookahulihia ai, a i lanakila ai hoi lakou maluna o lakou. Me he mea la i keia manawa ke kaua nei o Greremania no Napoliona. 0 kela a me keia koa i make imua o Parisa, ua kupaluia no ka pomaikai o ke kuahu e lanakila ai ka mohai no ka Emepera Napoliona i kunewanewa. oke aupuni E.epubalikana o Farani i keia manawa aole wale oia e kaua kue pale wale'ku ana no ia Geremania ; aka, he enemi kuloko ikaika iho no kahi ona e kaua aku ai, a oia no hoi, aole i anaiia me ka hookaawale ia ka poe makee mahope o ke aupuni Emepera kahiko ; aia no lakou he lehulehu wale maloko o ka " uhi kauwewe" ana iho oke aupnni Repubalikana. He ano hopena keia i ike mua ole ia aku. Eia ka nihau : E lanakila a e mau loaana anei ke aupuni makaainana ?

Ma ka makahiki 1860, e noho maluhia ana no o Amerika Huipuia. Aka, mamua ae o ka • lele ana o kekahi makahiki hou mai, ua lumai ia ka aina holookoa iloko o ke kaua nui. Ua manaoioia e kupaa ana ke Kipi a e puhemo ana ka lokahi ana o Amerika Huipuia. Eia nae ua ikaika ka leo o na makaainana malaila ; uakupalu ia ka poke hao o ka hookauwaia, a ma ka makahiki 1870, ua mau no ka ikaika o ke aupuni o Amerika e like me ko ka wa o ka makahiki 1860. Ua oleloia o ka noho ana Repubalikana ma Amerika, a ma ke ao holookoa nei paha, he mea poho wale. Ma ka nana ana no, e holopono no paha ka noho'na Repubalikana ma Amerika Huipuia, oiai, o ia aupuni ua nui wale a ano lehulehu kela a me keia ano lahui i komo iloko olaila ; a aohe paha he aupuni kupono e ae no lakou, o ke aupuni Repubalika wale no,-i ano aupuni noho kaokoa mai ke kekeue a me ka paonioni pili kino o kela a me keia mea i hoopuipui ai i ua lahui la, a lilo ai i lahni nui nana e noho mai kahi kapa kai a i kekahi. Hc lanakilanuianaiao keaupuni makaainana.

Ma ka hoomaka ana o ka makahiki 1870, e noho maluhia ana me ka lokahi o Europa. E imi ana o Sepania i Moi nona ma kahi o na'lii Bourobona i kipakuia. Ua hele ka Nohoalii i Moi nona, a mahope ua waihoia aku ma ke kapuai o kekahi Keiki Alii Geremania. Aka, ma ia waiho ana aku, i lumai ia Europa iloko o ke kaua, a o kona hopena no ka maikai a me ka awahia paha, aole e hiki ia kakou ke hoomaopopo aku i na hana nui. Na ka hooikaika ana o Napoliona e hoomau i ka noho'ua alii o kona ohana, ua haule a ua pahemo aku ka nohoalii malalo ona—ua pakika pu ; a ua ala mai ho aupuni makaainana. E lanakila ana auei ua aupuni makaainana la ?—He ninau hiki ole no paha ia ke lioomaopopo ia i keia manawa no kona hopena. Ua kukuluia no mamua he Aupuni Repubalika

ma Farani, aka, aole no i loihi wale, ua haule i ka honna e like me ka hale pukui 0 Babela. Ma kanana ana no hoi, me he mea la, aole i kupono ka noho'ua aupuni makaainana no ia lahui ; he mea kupono 1 aupuni oi ae o ka ikaika mamua ae o ia> ina e noonoo in aku ke kulana loli wale o ia aupuni a me ia lahui ma kela me keia wa o kona mau aoao moolelo o ka no'no'na honua—o ka lahui Farani he lahui ana ole, a paa mau like ole o na manao. 0 ka manaolana o ka lanakila o Farani, he ane malulelule wale, a he mau hora pouli keia no Farani. Aka, he mea hiki no paha ke puana olelo ia, o na hoouka kaua ana o na aupuni moi, he lanakila ana paha ia no na aupuni makaainana. —Ka Manawa.