Ke Au Okoa, Volume VI, Number 24, 29 September 1870 — Na mea hou o Kauai. [ARTICLE]

Na mea hou o Kauai.

Aohe ua o Hanalei i keia mau mahina aku nei, a me ko makou wa i hiki aku ai, a hoi mai nei no. Ua pau ka olelo ana he ua, a o ka mea makau a ko laila poe o ka la, a me ka wela. He mau kupanaha loa keia i ka hai mai a ko laila poe kamaaina. I ka wa ua, aole e pono ke hele kakahihaka, no ka mea, ua kahiko mai la kaua ia manawa, a awakea, alaila malie, alaila hele ka hele a ka poe huakai hele, aole pela keia wa, i ke kakahiaka nui ka pono i hala kekahi wahi i ka wa oluolu. A ke hopohopo la na mahiko olaila. Make wale na lio, na bipi; O Koolau pu kekahi like me Hanalei i ka ua ole, nolaila, ua pau loa na lio a me na bipi a kekahi poe i ka make, no ka mea; aohe manu e ai iho ai na holoholona, a ua ike makou e ahu mai ana na bipi a me na lio i ke kula, a ua pa-ka ia ka nui, oiai e hina wale iho ana no. O ka aina o ka poe hui o Moloaaka pilikia loa, i ahona iki paha ko Hanalei i ka paa i ka puhala, loaa ka malumalu e ulu ae ai ka weuweu, aohe no nae he maikai loa. He oi aku ka wela ino o ka la o keia mau wahi. IA ALALAUWA He keu ke alalauwa o Hanalei nei, ua ai na mea a pau a maunauna, a ke hele nei ke alalauwa e puni o Kauai, i ka makou hele ana, loaa aku i Moloaa, a ua hele o Hon. S. K. Kuapuu me kamaaina i ke kamokoi aweweo, a hoi mai me ka aweoweo, he mau makahiki ka nalo ana o keia Ia, akahi no a hoea. Oia na mea hou i ike ia ma keia aina malihini. He maikai maoli keia aina nona na puu kaulana. KAAIHUEMAU. Waimea Sept 5. 1870.