Ke Au Okoa, Volume VI, Number 23, 22 Kepakemapa 1870 — Untitled [ARTICLE]

Ua. kau hou ia mai no maluna o ka hokua o ka makou maka peui, ka aweawe walohia, kaumahō, kumakena a luuluu hoi o ka hoopuka ana aku i ka lehu o Hawaii nei, ua haalele mai la i na uwalo ana aku o keia ao, oka Moiwahine Kanemake, Hakaleleponi Kalama Kapakuhaili ; a ua hele aku la e halawai me na hoa walea ona, a i oi loa aku hoi mamua ae o na mea a pau, e huipu aku me kana Lani Alii Kaue, i nawe ololani a kaha'na laui e aku mamua aku ona. Aloha ino ! ia ukali kohana ana ako e launa aku me na kino maka wailua o kana Lani ! U ! wale e ! No na mahina i hala aku nei, ua hookau mai ka mailo nawaliwali maluna ona, a ua lehulehu wale no na la i kaa nipo iho ai iloko o ka peahi lima a ka elele a ke 'lii eehia, a papio wale ke kahana hookahi ana aku la| o ka uhane mai kona ana aku o ke kino. Ua kii ia no na kauka akamai o ke kaona nei, e lioao aku e hoomahuahna ako i ka heluna o kona mau la, aka, o ka Makua nui no iloko 0 Kona lokomaikai, ua lawe e aku kela ia ia. Ma kona home Pihanakalani no oia i nawe malīe iho ai kona mau la hope loa, a ] " Mihalanaau i kuakaliiki ka newa ana !" I ka hora umikumamakahi ponoi o ke awa - kea Poalua iho nei. 0 keia Moiwahine Kanemake i aloha lehulehnia, na hanau oia ma Kaelehuluhulu, Kona Akau, Hawaii i ka 1817, , oiai i ka mana-, wa a Kamehameha I i noho ai i ka bana paakai ma ua wahi la ona i hanauia ai. 0 kosa mau kupuna noloko mai no ia o ka moo o ka lalani alii o Napoopoo Kona Hawaii. 0 kona makuakane o Naihekukui, he keiki ia na Hannkahi ; a o koua makuahine o 1, he kaikamahine na Kauwa. Jtla ke alo alii uo ka hapaaui o kona mau la i hanaiia ai ; a i ka la 14 o Febernari o ka M. H. 1837 ua hoohuiia oia ma ka berita mare me ks Moi Kamehaueha 111, ma Pohukaina, i Honolulu nei, e ke Kumn Rev. H. Binamu. Mai ia manawa mai i noho oluolu pono ai no oia me kana Moi Kane, ma kona ano a me ka inoa he Moiwahine ; a hiki wale i ka manawa i lawe ia aku ai kana alii kane e ka make, i ka la 15 o Dekemaba o ka M. H. 1854. A mai ia wa mai ua noho hookahi no oia, a halawai wale mai la me ka make, ka mea nanai omo aku ka meli o kona hanu. He mea makehewa no paha i ka maka peni, ke hahai hou aku no na mea e pili ana i kona moolelo, no ka mea, mamua iki iho paha o kona mareia ana me ka Moi, ua hoohui - puia a ua laulaha kona inoa mao a maanei. Ma ko ka Moi Kamehameha 111 ola ana, ua hoohuipu ia ka laua mau hana maikai a aloha i na makaainana. E luhi ana no paha ka poe e ae i ke kukulu ia ana i kia hoomanao i nalowale ole ai ko lakou man hoomanao ana ; aka, o ka mea nona na la i pau i ka heluia a i napoo aku la hoi o kona hanu la i ke Komohana ; oiai, ma na wahi a pau, a e like no hoi me ka loihi o ka hoomanao ia ana o Kamehameha 111 no kana mau hana lokomaikai punahele, pela no e hoomau ia ai ka hoomoamoa ia o ke aloha o kana Moiwahine Hakaleleponi Kalama Kapakuhaili. Aohe makemake ana e kukula i mau hale a i mau kia paa nunui; no.ka mea, ua kaomi ia ko laua mau aloha a me ka lokomaikai i ailaia maluna o na puuwai holookoa o Hawaii nei. mai ka oili ana a ka la i ka Hikina a i kona au wai ana aka i ke Komohana.