Ke Au Okoa, Volume VI, Number 16, 4 August 1870 — Untitled [ARTICLE]

ONALUNALU.- Mai ka Poakahi mai nei, ua hoomaka mai ke onalunalu ikaika ana mawaho aku nei o ke awa; a ua lono mai makou, o ke awa o Puuloa, ua paapu loa i ka nalu, aohe awa komo. He hoailona paha ia o ka ino e hiki mai ana. E HAIOLELO HOU ANA.- Ma ka olelo hoolaha makou i ike iho ai e haiolelo hou ana o Kakina wahine ma ka luakini o Kaukeano, ma ka hora 7 1/2 o ke ahiahi o Poakahi o keia pule ae; o kana kumu manao o ka mea hookahi no ana i i hai ai no na mea e pili ana i ka hana a ka oihana Karistiano ma Hawaii i na makahiki he kanalima. KA MAKE ANA O KEKAHI LUNAMAKAAINANA: - Me ka walania kumakena no, ko makou hoopuka ana aku, i ka la Sabati iho nei, kuu aku la ka luhi o Hon. Asa Hopu, ka Lunamakaainana mai Hana, Maui, mai. He ano omaimai no oia i kona hiki ana mai i ke Kau Ahaolelo; a he mau la hapa kona i noho ai ma ka Ahaolelo, a loohia iho la oia i ke koikoi o ka mai, nana i lawe aku la ia ia i ka aoao mau o ka honua. NA MANU NU HOLANI.- Ma ka mokumahu Nu Eolani hope loa i ku mai, a holo aku, i loaa mai ai kekahi poe manu nani maikai, mai ke Kanikela Amerika Uall mai. Ua hoouna mai oia i kekahi mau manu i ka Moi, ke Kiaaina o Oahu nei a me kekahi poe e ae. Ua lono mai makou, ona manu i hoouna ia mai ai i ke Kiaaina, e hookuu ia ana Inkou e lele laulaha ; a e pono no hoi e pepehi wale ole ia, i lelehu ai lakou. KA MAHINAKO O KAUPAKUEA:- Ua lono mai makou, o keia mahinako o Meka, ua kuai ia a na liio ia Afong & Aehuek, o keia kulanakanhale, no na dala lie $46,000. He mahinako nui keia, i hiki aku paha kona kumukuai i ke 90,000 ; aka, na ka aie a me na moraki i omo aku a aneane paha e pau loa ke kumnkuai i lilo ai, a he maa hakina uūku paha ke koe mai ana i na hooilina o na waiwai la. Ma ka palapala kanoha ka o Meka, ua hooili oia i ea waiwai la no ke Kulanui o Punahou, ke make kana kaikamahine hiapo me ka hunau ole i ke keiki. MAKE PAU AHI.- Ua lono ia mai Kawaihae mai, no ka make ana o kekahi wahine luahioe ; a o ke kumu o kona make ana, penei no ia : Ia ia i kaawale aku ai ma kau wahi kaawale iki aku, ua a ia kona hale i ke ahi ; : a hoi ino mai la, no ka mea, ua haalele iho oia e moe ana kau wahi keiki; a ina kona hooikaika ana, na lele ke keiki iwaho. Mahope ibo, kii hou aku ia i kau mau wahi ukana ona ; a ia manawa, i haule mai ai ka hale ilalo me na laau i aaia, a poioo ibo la kona ola.