Ke Au Okoa, Volume VI, Number 11, 30 Iune 1870 — Page 3
| This text was transcribed by: | Noe Kapuni-reynolds |
| This work is dedicated to: | Johnette Keonaona Toy Len Kapuni-Reynolds |
Ka Nupepa Kuokoa
KE KILOHANA POOKELA NO KA LAHUI HAWAII.
mai e ke Aupuni. Pela hoi aole e hoomaunaunaia ia mau laau lapaau. O kekahi hana nui nae a ia mau kahuna lapaau oia ke ao ana i na kanaka e malama pono ia lakou iho.
Aole no e loaa ana na kahuna lapaau i oleloia maluna me ka uku ole ia me ka mea kupono. Ua hai ia malalo na puu dala kupono. He dala lilo makepono nae keia. E noonooia aia no mamua o ka Hale he Bila e hoomahuahua iki ana i ka auhau mama loa e kau nei maluna o na waiwai a pau. Ma ia mea paha e lawa ai keia haawina dala.
Ua hoike mua aku no ke Komite no na Halemai, aka nae e hiki no ke hai hou ia maanei kekahi mea i oleloia malaila, oia keia; o ka hoao ana e koho i na kahuna lapaau kaapuni, a i na halemai pu kekahi ma kela a me keia mokupuni, he hana koikoi loa ia, aole paha e hiki mailoko ae o ka waihona dala o ke aupuni. A o ka mea i oleloia oua no ka mea e oi ana ka pono loaa. Ina e kukuluia ka Halemai, e lilo ana aole paha eemi malalo o ka $5000 i ka makahiki no kela Hale keia Hale o ia ano.
O kekahi mea i kupono paha ke hoike keia Komite, oia no ka haawi ana i ka palapala laikini i na kahuna Hawaii. Aole no keia he mea pono ole e like me ka manao o kekahi.
No ka mea mailoko ae o ka aneane hookahi tausani i hoopii mai, he 18 a 20 paha na palapala hookohu i haawiia. Pela e malamaia malalo o ka malu o ke aupuni ka hana a ia poe kahuna Hawaii ma ko lakou hoike mau ana. Nolaila, ua malama pono lakou i ka lakou mau hana, i mahaloia mai.
Ua hoike e no hoi ke Komite no ka Awa. O ka Bila e waiho nei no ia mea, imua o ka Hale, ina e lilo ia i Kanawai, aole no e papa ana i ka inu awa, oiai he mea hiki ole paha ia, aka, ua hooponopono hou ia i mea e hiki ai ke hooko pono ia na mea a pau iloko oia Kanawai, a e hoomaluia no hoi na kuai ana a pau ma lalo o ka hooponopono ana o ke aupuni. Aole no e hooleia, o ka inu laulaha ia ana o ka awa, e like me ia e inu ia nei, he mea no ia e poino ai ke ola kino o ka Lahui.
Ke hoapono aku nei ke Komite i ka hoopuka ana i buke liilii i hana maikai ia ma ka olelo Hawaii e hoike ana i na ano o ka malama pono ana o ke ola kino, ka noho ana, a me ka malama ana i na ohana keiki, a e ao ana no hoi malaila na mea i olelo ia ma ka Hoike a ka Papa ola no ka holoholo lio pinepine o na makuahine Hawaii.
Ua manaoia e ao aku i kekahi poe hawaii ano naauao, ma ka Halemai Moi wahine, ma keia malama ana i ka poe mai, a me na mea a pau e pili ana ma ia mea. He mea maikai loa keia ke hana ia pela. E pono o ka puu dala ma ka lima o ka Papa Ola e nui kupono no no keia hana.
Ke waiho aku nei ke Komite i keia mau haawina dala e hookomo ma ka Bila Haawina.
Na Lilo no na mai Lepera........................................ $25,000.
“ “ no ka Halemai Pupule 14,000.
“ “ uku makahi o na Kahuna Lapaau Kaapuni..... 18,000.
Kela lilo keia lilo o ka Papa Ola.............................. 12,000.
‘O ka noonoo ana no kela Haawina no na Kahuna Lapaau Kaapuni penei:
Ma Hawaii elua, $2,000 no ka makahiki ............... $8,000.
Ma Maui hookahi.................................................... 4,000.
“ Oahu, “ $1500, o ka mak...................................... 3,000.
“ Kauai, “ “ “ ................................ 3,000.
_______
$18,000.
O kela lilo keia lilo penei:
No na Laau Lapaau Haawi Aku ............................ $6,500.
No ka o ana, .......................................................... 1,000.
Ka malama ana i mau Hawaii e aoia ma ka Halemai 2,500.
Na lilo huikau......................................................... 2,000.
_______
$12,000.
Ua hooholoia no e ka hale ka Haawina no ka Halemai no na Mai Lepera e nana ka Hale ma ka Hoike o ka Papa Ola.
Me ka mahalo,
C.J. Lyons.
W. P. Kamakau.
J. Komoikehuehu.
D. Kahaulelio
Simon K. Kaai.
NA HANA KEAKA LEALEA. I keia pule iho nei, ua wehe ia ae ka hale Keaka Nika no ka hana lealea a ka poe Gregory; ua manao lakou, e hana wale no na po kakaikahi a holo ka mokumahu Nu Holani, alaila, o ko lakou holo aku no ia ia wahi; aka, ua noho iho nei lakou a ku hou mai kekahi moku hou mai laila mai. I na po a lakou i hana iho nei, ua piha pu no ka hale. O ka lakou mau hana, ua ku wale no i ka hana maa mau a me ke akamai. Kekahi mea mahalo a makou, o ka lohe pono loa o na ilio i na kauoha a ko lakou haku wahine, ka paa no hoi kekahi i ka holo ana maluna o ka lio; a o na lele ana maluna o ke kowali lewa ana ma ke ano hooikaika kino, ua ku no i ke akamai maa a me ka ikaika o na aa kino i ka hoopuniuniu ana ia lakou iloko o ka lewa, a i ka nana aku, me he ano la e mauna ana i ke kino. Ma ka nana ana i ka lakou mau hana lealea a pau loa, ua hiki no ke hoihoi ia mai ke kukai no ke dala i lilo aku.
HOOHUIIA E KA MARE. I ka po Poaha o keia pule iho nei ma ka Luakini kaukeano, na hoohui ia e ka mare o J.H. Martin o Kau Hawaii me Miss Maria O. kekela, kaikamahine hiapo a Rev. J. Kekela o ka Paeaina Fatuhiwa. Na ke Kahunapule S. C. Daimon laua i mare.
KA MOKUMAHU AJAX. I ka hora 10 o kakahiaka Poaha o keia pule iho nei, haalele mai la ka mokumahu Ajax no ke awa mau ona, me ka piha pono i na ohua a me na ukana. Ua makaukau mua no oia i ka holo mai ka Poalua mai, a i kali wale no o ke ku mai o ka mokumahu Nu Holani.
E MALAMA I NA ULULAAU Ma ka nupepa a H.M. Wini o ka Poaona iho nei, ua ike iho makou i kekahi palapala e koi ana i na Lunamakaainana ma ka ahaolelo, e hoomalu ia ke kau ana i na ululaau o kakou; oiai, ua hilinai ke kahe nui ana o na wai o na kahawai ma ka malama a me ka uliuliu mau ana o na ululaau, He mea kupono no ia e noonoo ia ai.
AUAU I KA LA SABATI. I kuu naue holoholo ana aku ma ka la Sabati i hala aku nei, ike aku la a’u i kekahi poe wahine a me na kane na kamalii e lele kawa ana kekahi poe, e haha opae ana kekahi poe ma Puehuehu. He pono no anei keia hana ana i ka la Sabati me keia, auhea la na kanaka o ke aupuni, e kii aku e papa ia lakou mai hana hou?
NO NU ZILANI A ME NU HOLANI: Mawaena o na ohua maluna o ka mokumahu Nu Holani, i holo ai i ka Poalima iho nei, ua ike iho makou i ka holo ana aku o Hanale McFarlane i na Panalaau; a ua lono mai makou, i holo aku nei oia e hooikaika i ka weheia ana me kekahi mau hale kalepa olaila, o ke kalepa ana me hawaii nei o na Panalaau. Ua manaolana ia e holopono ‘ana kana mau hana.
PILI KINO: Mawaena o na ohua i kau aku maluna o ka mokumahu Ajax, ua ike iho makou i kekahi mau haole kamaaina o Hawaii nei, e holo ana i ka Hikina i ka makaikai honua paha. Mawaena nae o ka poe e hoomalihini mai ana ia Hawaii nei, o Rev. Oramela H. Kulika me kona ohana, a me ka ohana o kona hoahanaou kauka Kulika. Ua ike pu iho no hoi makou i ka hoi ana aku o Kauka Kalaka, ka Elele i hoounaia mai ai e ka Papa Misionari Amerika o Bosetona, e huiou me Hawaii nei, no ka olioli Iubile ana.
KE AUMOKU BERITANIA. Mai ke ku ana mai a ke aumoku Beritania i kela pule aku, ua ano uleuleu mai na mea a pau o ke kulanakauhale nei, i ka lehua a ka poe mai o ke kai. Ua pii ke kumukuai o na mea ai a me na mea ulu o ke kaona nei; a ua hoohoihoi ia mai no hoi ka manao o ka poe mahiai ma ia mea. Ua lono mai nae makou, ua hoopii ino loa kekahi poe kanaka i ke kumukuai o ka lakou mau manu a me na mea ulu, maluna aku o na kumukuai ahiu pono ole. I ke kakahiaka Poaha, haalele mai la ua Aumoku Bertania nei, a holo aku la no na awa ma Amerika Hema.
KA MOKUMAHU WONGA WONGA. O keia mokumahu wale no ka mea i hookaulua ia iho ai ka holo ana aku a ka mokumahu Ajax. Ua kali nui ia oia a i ka hora 5 o ke ahiahi, ku mai la oia he umikumahiku la me ka hapa mai Auckland o Nu Zilani mai. Ua lawe mai oia he mau ohua a me na waiwai mai na awa ana i holo mai ai. Ma ka ninaninau ana i ke kumukuai o na waiwai Hawaii ana i lawe aku ai, ua lono mai makou, ua maikai ke kumukuai i hoolilo ia aku ai. He lono hauoli no keia ia kakaou. I ke ahiahi Poalima iho nei, haalele mai la ua mokumahu la no Nu Holani a me Nu Zilani.
MAHUKA. Aole no i loihi wale na la i hala ae nei, mai ka wa mai i aihue ia ai kekahi waapa a pili aku ai ma Kau i Hawaii. I ke ahiahi Poalua o keia pule iho nei, ua hoao hou ia ia ano hana, e kekahi mau luina o ke aumoku Beritania, ma ka aihue ana i kekahi waapa e lana ana ma ka uwapo ma Aina Hou. I ka loaa ana o ua waapa nei i ua mau luina la, ua holo aku laua maluna olaila iwaho o ka moana, me ka makani maikai mahope. Ua olelo ia, ua ona ua mau luina nei i ka manawa a laua i ahai ai i ka waapa; a i na paha pela, ua poino paha ko laua mau ola.
AIHUE IA!
MAI KA HALE NOHO AKU O F. A. SCHAEFER, Alanui Nuuanu, he wahi PAHU me kahi e paa ai ma ka aoao (keleawa,) me na leta iloko, etc. E haawiia no ka uku makepono i ka mea e loaa ai o ua PAHU la, me na palapala pu kekahi, a hoihoi mai i ke Keena AU OKOA. 11-2t
UA HAULE.
UA HAULE AKU MAI KU’U A-I AKU, HE LEI HULU E-E, ma ka Poalua iho nei, ma ke Alanui o Kulaokahua a hiki i Manoa, a he Lipine Eleele ma na poo, a ina ua loaa i kekahi mea, a mau mea paha, e hoihoi mai ia’u ma Kapahaha, a e loaa pono ia ia ka uku.
Na’u na Mrs. Kaaea.
Kapahaha, Iune 29, 1870. 11-2t*
OLELO HOOLAHA.
E ike auanei na kanaka a pau ma keia Aupuni, ua haalele mai ka’u kane mare o KAIWIOPIOPIO, a ua maneo aku me ka mea e. Nolaila, ke papa aku nei au, mai hookipa mai kekahi ia ia ma ke ano hewa. Ina e hoolilo ana na o Kaiwiopiopio nei i na waiwai paa a me na waiwai lewa, aohe mana oia hoolilo ana, maluna ona ko oukou poho.
9-3t* Na Po Kaiwiopiopio (w.)
OLELO HOOLAHA.
E like me ka mana i loaa ia’u mai ka Aha Hooponopono Waiwai Hooilina o Lahaina, imua o J. A. Lawrence, no ka waiwai o Beniamina (k.,) no Waikapu, Maui, i make. Nolaila ke kauoha aku nei au i ka poe i aie mai ia ia, e uku mai ia’u, a o ka poe hoi ana i aie aku ai, e hoike mai oukou i kona aiea pololei, a na’u no e uku ke kupono, i hookahi mahina mai keia la aku, a e loaa no au ia oukou ma ko’u wahi noho ma Waikapu.
NAWELU (w.,)
9-8t* Luna Hooponopono.
NA LUNA O KEIA PEPA.
EIA IHO NA INOA O KA POE MA KELA wahi keia wahi i hookohuia i poe Luna o KE AU OKOA. Me lakou nei e hooponopono ai na makamaka lawe nupepa no ka uku o ka pepa, a me ko na Olelo Hoolaha.
HAWAII J.H. Coney, Hilo.
D.H. Hitchcock, Hilo.
W.T. Martin, Kau.
J.G. Hoapili, Kona Hema.
Rev. G. W. Pilipo, Kona Akau.
G.K. Lindsay, Kohala.
J. Naiapaakai. “
G.W.D. Halemanu, Hamakua
MAUI Kalaeloa, Lahaina.
P.H. Treadway, “
E. Saffrey, Honuaula.
C.K. Kakani, Kaupo.
John Rae, Hana.
W.P. Kahale, Wailuku.
S. Alexander, Waihee.
J.P. Green, Makawao.
MOLOKAI Mr. Meyers, E.H. Rogers.
OAHU Mose Manu, Ewa.
S. Kamahalo, “
H. J. Wana, “
G.W. Lilikalani, Koloa
G. B. Rowell, Waimea.
S.B. DOLE,
LOIO! LOIO!
UA MAKAUKAU OIA I KA HANA ANA I na Palapala Kuai, me ka hoolilo aku a hoolilo mai, o kela ano keia ano. A me na hihia no hoi imua o na Aha hookolokolo.
Keena Hana Kihi Komohana o Alanui Kalepa me Papu, i ke keena maluna. 17-1y6
HALE KUAI MEA AI!
KUAI EMI! KUAI HOLO!!
MA KA HALE O UILAMA. HALE KUAI ALA HOLO O UILAMA, (RYAN.)
Ma ke kihi o ke Alanui Nuuanu & Pauoa. 47-6m
WM. RAIANA.
HE HALEKUAI ALAHOLO, no na mea ai i anoi ia, ma ke kihi o ka Alanui Nuuanu a me Pauoa. 24-1y-V.
OLELO HOOLAHA
NO MOLOKAI
E HOLO MAU ANA KE KUNA “PAUAHI,”
Mawaena o Honolulu nei, a me Kaunakakai me Pukoo. No ka uku ukana a me ke kino, e ninau i ka Kapena ma ka moku, a i ole ia, ia H. PENIKALAKA, Agena. 31-tr
ILI BIPI E MAKEMAKEIA.
E KUAI NO NA MEA NONA KA inoa malalo, i ka ulu kiekie e haawi ia nei, i na ILI BIPI hou i kapiia a liu, a me na ILI HIPA.
HYMAN BROS. (Ma ka Hale Kahiko o Kapena Kano.)
Alanui Kalepa. 6-3mo
OLELO HOOLAHA
Owau o Neki, ka wahine mare a Kahananui, o Honolulu, no ko Kahananui haalele ana mai ia’u, a ke noho nei me ka wahine e, aole hoi he malama ia’u e like me ke kanawai no ka mare. Nolaila, ke hoolaha aku nei au, me ka hai aku ma ke akea; ke lawe nei au i ka hana a pau o kuu mau aina. A ma keia hope aku, e hoolohe na mea a pau ia kaumailiula, o Ewa. Ua hoolilo au ia ia i hope no’u, a ua ae pu aku hoi maua me kuu hopi, no kuu aina e pili Ia ma Ohua, i Waikele, ia Makia, i Paniolo nana e hopu i na holoholona komo hewa maluna o Ohua i oleloia maluna. A e pono i na mea a pau ke hoolohe i keia olelo, o pilikia auanei ko lakou mau holoholona. SUSAN NEKI.
Honolulu, Ian. 26, 1870. 8-4t*
OLELO HOOLAHA.
E IKE AUANEI NA KANAKA A PAU, OWAU o ka mea nona ka inoa malalo nei, ke hai aku neiau ma ke akea, o kuu Pa Hale e waiho nei ma Kawa, Honolulu, Oahu, oia kahi i oleloia ua lilo ia Mauli (w.) oia ka’u e hai aku nei aoole i lilo ia ia, aole ona wahi kuleana iki, aole ona wahi keneta iki iloko o ko’u waiwai ponoi, eia no ia’u a hiki i keia wa a’u e Hoolaha aku nei ma ke akea.
Owau no o MRS. KAU (w.)
Honolulu, Iune 7, 1870. 8.4t*
OLELO HOOLAHA A KA LUNA HOOPONOPONO WAIWAI E KUAI I KA WAIWAI PAA.
MA KA PONO O KA PALAPALA KAUOHA i hanaia e Ka mea Hanohano A. S. Hatawela. Lunakanawai o ka Aha Kiekie, ma ka la 13 o Mei, 1870, ma ka Waiwai o Ka Mea Kiekie VICTORIA KAMAMALU KAAHUMANU, i make aku nei, ua kauohaia mai au e Ka Mea Kiekie John O. Dominis, ka Lana Hooponopono o ka waiwai i haiia e kuai kudala aku i ka mea e koho kiekie mai ana, no ke kumukuai pala kuike,
MA KA POAONO, LA 2 O IULAI,
Ma ka hora 12 awakea, i ka waiwai paa malalo nei, i kela pa aina a me na lako a pau e waiho ana ma ke kulanakauhale o Honolulu nei; a i ikeia ma ka inoa EDINEBORO HALE; a i hoakakaia ma ka Palapala Sila Nui, Helu 694, Kuleana, Helu 164, i haawi ia ma ka la 2 o Sepatemaba, 1852, penei:
Pa ma ka Hikina Hema o ka papa ma ke alanui makai. E hoomaka ana ma ke kihi Akau mauka o keia, ma ke ala makai, e pili ana me ka pa Aupuni, a e holo ana Hema 51° Hik. 331 3-12 kap., ma ke ala makai, alaila, Hem. 46° Kom. 222 5-12 kap., ma ko Keauonohi pa, hiki i kahakai, alaila, ma Kahookai 303 kap., a hiki i ka pa Aupuni, alaila, 86° 30, Hik. 116 8-12 kap., a Akau 40 Hik. 91 8-12 kap., ma ka pa Aupuni a hiki i kahi i hoomaka ai.
Ma ke kumukuai aole e emi malalo o Umikumakima Tausani, ($15,000.)
A me ka Aina a me ka Pa Hale ma Honolulu nei i haiia, a i ikeia ma ka inoa HALIIMAILE, a i hoakakaia ma ka Palapala Sila Nui, helu 699, penei: E hoomaka ana ma ke kihi Akau mauka o keia, ma ke Alanui Likeke e pili ana me ka pa o Keoni Ana, a e holo ana Hema 420° 80° Hik. 139 8-12 kap., ma ko Keoni Ana, alaila Hema 45° 15 Kom. 266 kap., ma ka Pa o ke Lii a hiki i ke Alanui Halepule, alaila, Likeke, a hiki i kahi i hoomaka’i. Maloko oia Apana 98-100 Eka.
No ke kumukuai aole emi malalo o $4,000.
A ME KE AHUPUAA O WAIHEE,
e waiho ia ma ka Mokupuni o Maui, i haawiia ma ka Palapala sila Nui, Helu 4,475, Kuleana, Helu 7,713, ma ka la 3 o Apelila, M.H. 1861.
Ma ke kumukuai aole emi malalo o $10,500.
A ME KE AHUPUAA O HANAMAULU,
ma ka Apana o Puna, Mokupuni o Kauai, o ko Hawaii, Pae Aina, i hoakakaia na palena ma ka Palapala Sila Nui, helu 4,481; Kuleana, Helu 7,713, Ap. 2-Pauku 7, he 9,177 Eka ka nui, oi aku a emi mai paha.
Ma ke kumukuai aole e emi ma lalo o $7,000. Me ka Aina a me ka Pahale, e waiho la ma Kauluwela, Honolulu, Mokupuni o Oahu, e pili ‘ana me ke Alanui Kula o hoomoeia aku; he aina ololi ano huina kolu, he 867 kapuai koea ka nui.
Na lilo o ka hana ana i na palapala, na ka mea kuai. C.S. BATO,
5-6t. Luna Kudala.
OLELO HOOLAHA!
UA MAKAUKAU NA PALAPALA SILA NUI o ka poe nona na inoa malalo nei, o 1870, 3 kii koke mai.
OAHU.
Honolulu, Kinimaka, me Puowaina, & Kahakai, 3 Eka 3 Apana... $88 50
“ L. Haalelea me haliimaile 2 ruda, 9 p............................ 106..
“ Kamakahonu me Bertane & me Kikihale 806 anana, 2 apana 91..
“ Kaiahua me Beretane 1387 anana....................................... 36..
“ Kailiwai ma Beretane 530 anana........................................ 56..
“ E. Kuhia alanui Punahou 1.76 Eka..................................... 21..
“ Mauna ma Alanui Hotele Pahale........................................ 12..
“ Mahona ma Pa J. meek 106 anana...................................... 31..
“ Koloa ma Alanui Maunakea 94 anana................................ 56..
“ Kaumoana ma Alanui Maunakea 62 anana........................ 15..
“ Kaleimakali ma Kahawai 505 anana 2 ap.......................... 46..
“ Aina Kinimaka mauka 54 anakula 1054 kala.................... 43..
“ “ Kinimaka Kalao & kalo & kula 985 an. 3 ap............ 36..
“ “ Oua ma Kamakela 0.35 eka...................................... 7..
“ “ Puaaiki ma Kamakela 420 anana loi........................ 18..
“ “ Puaaiki ma Kaliu 60 anana Pahala...........................
“ “ Kapaku ma Kaaleo kalo loi 843 an. 2 ap................. 14..
“ “ Honokaupu ma Kahapaakai loi 10 eka.................... 31..
“ “ Kahaleaahu ma Keoneula 1 ¼ eka........................... 26..
“ “ Kahele ma Auwaiolimu 12 ¼ an............................. 106..
“ “ Paaluhi Auwaiolimu 1 ½ Eka................................. 42 50
“ “ E. Kaawa ma Kanaula (1 eka) 0.55 E. loi............... 18..
“ “ Keakahiwa Kuwili 704 an. Kalo 240...................... 43..
“ “ Kapau Kuwili 011 E............................................... 18..
“ “ Kawelo “ 1 Ek. Pahale & loi............................. 31..
“ “ Kanekuapuu Alewa 1.67 kula & loi........................ 31..
“ “ Punini Alewa 1 Eka................................................. 36..
Manoa kanehiwa (aina kuai) ½ Kaaumakaawe 3 ¼ 3ka............ 18..
Kapalama Nuuanu no Kanaina Nauwala, 0.38 eka..................... 10..
Kapalama halulu ma Nauwala 2 ¼ eka....................................... 37..
Moanalua Pepehu no Kahalepalaoa 617 anana........................... 6..
Kalihi Poepoe ma Niau 0.86 eka koe.......................................... 6 50
“ Pahi ma Mokanea 376 anana........................................... 6..
“ Naai ma Kalo kula & pahale 4.36 eka............................. 6..
Honolulu Aina
Pauoa keohokalole ma kapiwai 10.50 Eka.................................
Alewa Punini, 1 5/8 Eka............................................................. 35..
“ Kanekuapuu 1.67 Eka..................................................... 31..
Kuwili Kawele, 1 Eka................................................................. 30..
Auwaiolimu kahele 1227 anana.................................................. 106..
Keoneula kahaleaahu 1 Ek. 114 an............................................. 26..
Kahapaakai Honokaupu 10 Eka.................................................. 30..
Kaaleo kapaku 843 anana........................................................... 13..
Kaliu Puaaiki 480 anana............................................................. 13..
Kamakela Ona 0.35.................................................................... 7..
Kaaleo Kapaku 843 anana.......................................................... 36..
“ do 2 ap. 0.91 Eka................................. 43..
Waikiki
Kaapuna & C., Paukaa 3 ap. 3 Eka................... ....
Kiokapu Kahalehau no Nahi 0.63 E................. ....
Kaluahole kalalawalu 1.30 Eka....................... ....
Kamohama Naa 2.80 kaulahao....................... ....
Kanamoa Kaupe 0.45 Eka............................... ....
Kamoku 1 Kana 10 ½ anana........................... ....
“ 2 Kuaana 1/8 Eka............................. ....
“ 3 Haole 0.34 Eka.............................. ....
Wailupe.
Halekii 3 apana 2 ¼ Eka................................. ....
Nakaha 2 Eka 4 kaulahao................................ ....
Koolaupoko.
Kailua Kalawaianui 171 ½ Eka...................... 48..
“ Kahoa 0.85 Eka................. ....
“ Naono ma kaimi 3 E. 3 kaul. ................. ....
“ Hapaimama ma kaelepulu 4.83 E.......... ....
“ Mahi ma Paauki 1.53 Eka..................... ....
“ Kukihaku ma Puakua 2 Eka.................. ....
Kaneohe Kaehukona 8 Eka............................. ....
“ Palanaike 0.73 Eka............................ ....
Ewa.
Mananaiki Hopoe 8.76 kaul.............................. ....
Honouliuli Aberahama 1 E. 8 kaul. .................. ....
“ Kanahuna 3 ap. 1 Eka 8 kaul. ......... ....
“ Kauhailepa 2 Eka........................... ....
“ Nohonoho 1.49 Eka.......................... ....
“ Kaaiawaawa 3 Eka......................... ....
Waipio Paumano 1 Eka................................... ....
“ Humehume 1 ½ Eka............................ ....
“ Kahokuwelowelo 1.48 Eka................. ....
“ Kaia 0.91 Eka...................................... ....
“ Kailihao 3.80 Eka................................ ....
“ Kamaka 0.84 Eka................................ ....
“ Manua 1.68 Eka.................................. ....
“ Opae 1.42 Eka..................................... ....
“ Kapawa 1.17 Eka................................ ....
Waipio uka Ukeke 6 ½ Eka............................ ....
Waiau Nonoaea 8.44 Eka................................ ....
Manana nui Kamahaka 1/6 Eka....................... ....
“ iki Homaiikawa 0.48 Eka..................... ....
“ “ Hopoe 8.79 kaul............................. ....
Waipahu Kanealoha 2 Eka.............................. ....
Hoaeae kaihumau 3.75 kaul. .......................... ....
Waikele Keualiilii 2 Eka 77 kaul. ................... ....
“ namahana 199 Eka.................................. ....
“ Kalawaia 1. 0.88 Eka.............................. ....
“ Puniwai 1.15 Eka.................................... ....
“ Kahanu ¾ Eka......................................... ....
Koolaupoko.
Waihea Nahaalu 3.77 eka............................... ....
“ Kaehukupu 2 ½ Eka................................ ....
Waimanalo Kaluahinenui 0 53 Eka................. ....
“ Kahoowaha 1.50 Eka......................... ....
“ Kahunanui 1.50 Eka........................... ....
Heeia Papa 1 Eka............................................ ....
“ Kapakai 0.43 eka................................... ....
“ Puhene 1.69 eka.................................... ....
Kahaluu Kapule 74 eka...................................... ....
Waiahole Kaopulupulu 113 eka......................... ....
“ Poheke ½ eka....................................... ....
Koolauloa.
Keana Kuapuhi 0.71 eka................................... ....
“ Kalawaiamanu 2 ap. 2 67 eka................... ....
MOLOKAI
Kuhoe Piapia
Namaile Upai
Nuipohiwi Kako
Kikoikoi Ailaau
LANAI
Pohano Naholoaa
Kalaihoa
KAUAI
Makaloa Pahaakua
Moopuna Levi
Palaha, Ewaliko,
Hulupulu, Kaikamahine,
Kuanahi. Kemio,
Kuolulo, Wahawaha,
Kekua, Kalauli,
Kaihu, Moe,
Kapuahola, Kaehu,
Kaumualii, Kapau,
O. Chapin, Kahookahi.
AHA KAAPUNI O KA APANA HOOKOLOKOLO ELUA.
KE HAI IA AKU NEI, UA HOOPANEE IA ke kau o Iune 1870 o keia Aha, a i ka la 11 o Iulai, ma ka hora 9 o kakahiaka, ma Lahaina, Mokupuni o Maui.
L. McCully,
Kakauolelo o ka Aha Kiekie.
Honolulu, Iune 23, 1870. 11-3t
OLELO HOOLAHA
AHA HOOKOLOKOLO KIEKIE O KO HAWAII PAE AINA.
Palapala Hoopii e Hooiaio i ka Palapala Kauoha Hooilina o Kamakawai (w.) i make.
NO KA MEA, UA NOIIA MAI KA MEA Hanohano Alfred S. HARTWELL, Lunakanawai o ka Aha Kiekie, e W.. H. Tell, no ka hooiaio ana i ka palapala kauoha a KAMAKAWAI(w,) i make aku nei: Nolaila, ua hoikeia i na kanaka a pau loa, ke pili, o ka Poalima, oia ka la a me ka hora i oleloia no ka hoolohe i ka oiaio o keia palapala kauoha a me keia noi ana mai, a me na mea hoole i hoikeia, aia ma ka Hale Hookolokolo ma Honolulu Oahu, ua kauohaia e keia Aha, e hoolahaia ma ka Nupepa Auokoa, ekolu pule.
(Inoa) ALFRED S. HARTWELL,
Lunakanawai o ka Aha Kiekie.
IKEIA: l. MCCULLY
Kakauolelo o ka Aha Kiekie.
Honolulu H.I., Iune 29, 1870. 1-3t
OLELO HOOLAHA
AHA HOOKOLOKOLO KIEKIE O KO HAWAII PAE AINA.
Ma ka Aha Hooponopono Hooilina Waiwai, imua o ka Mea Hanohano A.S. hartwell, Lunakanawai o ka Aha Kiekie.
Ma ka hihia o LOIS FORD a me S.P. Ford, he mau keiki i oo ole ma ke kanawai.
MAHOPE O KA HELUHELUIA ANA MAI A me ka waiho ia ana mai i ka palapala hoopii o William L. Green, oia kekahi o na Luna Hooko o ka Palapala Kauoha a Caroline Jackson Ford, ka makuahine oia mau keiki i olelo mua ia, e hoakaka ana ma ia olelo hoopii, he kulean pakahi ko ia mau keiki iloko o kekahi waiwai pa@ e waiho la ma ka Mokupuni o Oahu, ua make ko laua mau makua, aole hoi i hookohuia i Kahu malama no laua, a e noi, mai, ana i ka Aha e hookohuia i Kahu kupono no ia mau keiki.
Ua kauohaia, o Ferraide, oia ka la 22 o Uilai e hiki mai ana, oia ka la e hoolohe ia no ia noi ana mai, a e hoolaha no keia mea i loko o ka nupepa “Hawaiian Gazette” a me ka nupepa “Au Okoa,” ekolu hebedoma pakahi.
ALFERD S. HARTWELL.
Lunakanawai o ka Aha Kiekie.
L. McCully,
Kakauolelo o ka Aha Kiekie
Honolulu, Iune 29, 1870. 11-3t
OLELO HOOLAHA,
MA KA AHA KIEKIE
IMUA O HON. H. A. WIDEMANN, MA KA KEENA
MA KA HELUHELU ANA A ME KA WAIHO ana mai o ka palapala noi o kaai (w.) e noi ana e oki ia ka mare ana o laua me kana kane mare MANOANOA (K.,) no kona haalele wale ana ia ia no na makahiki ekolu a oi ae, a no ka mea, aole oia e noho ana maloko o keia Aupuni i keia wa.
Ua kauohaia e ua Lunakanawai nei, e hoolohe ia keia noi maka hora umi o kakahiaka, Poaha, la 19 o Sepatemaba, ma ke Keena, ma ka Hale Hookolokolo ma Honolulu, Oahu, a e hoolaha mua ia kela ma ka nupepa Au OKOA, ekolu malama mamua ae o ua lala.
H.A. WIDEMANN,
Kokua Lunakanawai o ka Aha Kiekie.
Honolulu, Iune 22, 1870 10-3t.
OLELO HOOLAHA
AHA HOOKOLOKOLO KIEKIE O KO HAWAII PAE AINA
KAOHIE (W.) VS BILL KAINOA OKI MARE.
NO KA MEA, UA WAIHO MAI KA MEA hoopii i kana palapala hoopii imua o ka Mea Hanohano A.S. HARTWELL, Kokua Lunakanawai Mua o ka Aha Kiekie, e hooki i ko laua mare ana, no ka haalele kumu ole o ka mea i hoopiiia iloko o na makahiki ekolu, a oi ae penei, mai ka 1854 a hiki mai i keia wa, aole oia i lohe iki ia mai, aole no hoi oia ma keia Aupuni.
Ano, he mea keia e hoakaka ai ia Bill Kainoa a i ka poe kuleana a pau ma keia, e hele mai e pale, ina aole e hiki ke aeia ke noi a ka mea hoopii. Ke hiki aku i ka la 12 o Augate, 1870 ma ka hora 10 kakahiaka, ma ka Hale Hookolokolo ma Honolulu, Oahu. E hoolahaia keia Olelo Hoolaha ma ke “Au Okoa,” ekolu mahina.
ALFRED S. HARTWELL,
Lunakanawai o ka Aha Kiekie.
Ikeia: W.R. SEAL.
Hope Kakauolelo o ka Aha Kiekie.
Honolulu, 5, Aperila, 1870. 4-8m
OLELO HOOLAHA
Poe Jure Kanaka Hawaii no ka Kau Hookolokolo o Iulai, M.H. 1870, o ka Aha Kiekie.
William Suminer, B. Kalama,
Kahalekahili, Kepahoni,
M. Kalama, Enose Kalauao,
A. Nakapuahi, S. Niheu,
Makuahine, M. Kahinalua,
Keana, J. Kaanapa,
J.M. Kapena J. Kahai,
Peka, Wm. H. Tell,
Kawiliau, Pohaku,
W.B. Wright, Makaike,
Daniel Kekoowai, Makaila,
M. Kanaulu. M. Ulanahale,
L. McCULLY
Kakauolelo o ka Aha Kiekie
Honolulu, Iune 9 1870 9-3t
OLELO HOOLAHA
Ma ka Waiwai o Daniel Montgomery, i make aku nei.
UA HOOKOHUIA MAI KA MEA NONA KA inoa malalo nei, e hooponopono kuikawa i ka waiwai i halia aela. Nolaila, o ka poe a pau he kuleana ko lakou ma na waiwai la, e hoike mai i ko lakou kulean, i loko o na malama eono mai ka laha ana aku o keia; a ke kauoha pu ia aku nei no hoi ka poe e paa ana i kekahi waiwai ma ko lakou lima, e hoike mai me ka kaulua ole.
W.L. Green
Luna Hooponopono Waiwai
Honolulu, Iune 24, 1870. 10-4t
OLELO HOOLAHA
O KE KULEANA HELU 2,416 R. P. HELU 2,149, o KAPEHANA, ma Kapalaalaoa, Waikapu, Maui. Ua lilo mai ia’u ma ka la 30 o Maraki, M.H. 1870. Ua kapu loa ka hookuleana wale iho me ka palapala hoike ole.
MRS. ILIANU KIAHA.
Wailuku, Iune 14, 1870. 10-8t*