Ke Au Okoa, Volume IV, Number 26, 15 October 1868 — Ko Lahainaluna Mau Mea Hou. [ARTICLE]

Ko Lahainaluna Mau Mea Hou.

E oluolu oukou e na Keonimana o ke "Au Okoa," e ae mai oukou ia'u e komo aku ma kahi kaawale o na kolamu o ko kakou pepa mamuli o ke kono ana mai a kela mau hua e kau ae la maluna. 1. Ke hooponopono hou ia nei ka Halepaipalapala, i hoolilo ia i keia manawa i hale e paina ai na haumana, no kona mau wahi ia pulu, oia hoi, ua pau kona nani kahiko, a ua hiki mai kona mau la " E maemae ke kai i ka pua o ka hala," a e paa pono ana paha oia mamua o ka hoomaha ana o ke kula i ka malama o Novemaba ae nei. 2. No na mea Ulu. He maikai ka ulu o na mea kanu i keia wa, ko, maia, kalo, inia, kukui, manago, a me kekahi mau mea ulu e ae, aka iloko nae o keia mau la hope o Sept. a me na la mua o keia malama ua pa mai ka makani Kona a me ka makani huihui iniki ili mauka mai, a ulupa iho la ina mea kanu o ua uka i-u ano nei a ke aloha i noho ai a mokaki liilii ana ilalo. 3. Ka ua Kona, a me ka wai Nui. Oiai, na la i hai ia ae la maluna e pili ana no ke puhi ana mai o ka makani Kona mai ke kukulu Hema mai, ua hii pu mai no hoi ia makani ina paka ua a ninini iho la ia mau hunahuna wai ma na kahawai na awawa a me na lau laau o ka wao iliki iho la i ke alo ona kahawai ku aku ka piha-a ikai a kakou paha e olelo ae ai i keia mau lalani mele. "Ka hao a ka wai nui, Aole opala koe, Ku aku ka piha-a i kai." Ona poo auwai keia o makou e ma-u ai ka pou e ulu ai hoi na mea kanu ua pau loa i ka nahaha, a ua eli ia iho a hohonu ilalo kahi e hiki mai ai ka wai, no keia pilikia ua nele ka auwai e holo kikekee ana a hiki i kai o Lahaina i ka wai ole, aka, ke hooikaika nei ko Lahaina poe i ka hapa ana ma ia wahi i mai ka wai. Aka, ua ola no nae ua malu Ulu la i ka wai a ka ua, oiai, ke noke pau mai nei, no na paka ua i keia mau la. 4. Ko na haumana noho ana i keia mana- [ ]. He maikai ke ola o na haumana a me na kumu, aka, ke hele aku nei nae ina malama anu o ka makua nui ka meakiai mai. He mau iho la ia mau wahi hunahuna mea hou, o ka Ukai-uano nei malia o ike iho na hiki mua o'u kulu wale iho ka waimaka i ke aloha i ka mama o ka ike. E oki au maanei ke hea mai la ka leo hone o Molokai Bell ia'u e hoi ua ahiahi. O ke Aloha no. J. W. Kalua.