Ke Au Okoa, Volume III, Number 20, 5 September 1867 — Untitled [ARTICLE]

E like me ka hoolaha ia ana o ka Olelo Kahea Moi, e wehe ia ana he Ahaolelo Kuikawa ma ka la 2 o Sepatemaba, pela no hoi i hookoia ai ia weheia ana ia Ahaolelo no ka noonoo ana i ke Kuikahi Pomaikai Kaulike mawaena o ko kakou nei Aupuni a me ke Aupuni o Amerika Huipuia. I ka hapalua o ka hora 11, ua haalele aku la na Puali Koa i ka Pa Alii, malalo o ke alakai ana a Mekia W. L. Moehonua, a ua naue like mai la lakou e laina ma ka aoao makai o ka Hale Hookolokolo, e kali ana no ka hiki mai o ko kakou Moi Lokomaikai. Ika hiki pono ana ae o ka la i kiekiena, hai ia mai la e na uahi poepoe 0 na pu o Puowina, ua haalele aku la ka Moi i ka Halealii lolani, a ke naue malie xn;ii la i ke ala, me ka ukali pu ana mai a Kona mau Ukali Hanohano, a me ka Puali Kaua Lio malalo o Maj C. H. Judd. I kona hiki ana mai i k.a Hale Hookolokolo me kana Hapauea Alii, ua muimuia mua ae la ilaila ka- lehulehu holookoa, a me na Komisina na Kanikela o na Aina E. Ike komo ana aku oka Moi iloko o ka rumi Ahaolelo, ua piha pu oloko olaila 1 na Lunamakaainana, a me na maka hanohano oka aina. Pii aku la ka Moi ika Noho Lei Alii, a o Kana Elemakule ma Kona aoao akau, a haawi mai la hoi i ka Haiolelo Moi, a penei no ia : "E Na 'Lll A 3IE KA PoEIKOHOIA : Ua kahea aku nei Au i keia Ahaolelo Kuikawa, malalo o na Pauku 29 ame 46 o fee Kumukanawai, i hoike aku Au ia oukou i ka mea i loaa mai, mahope o ke kukakuka.ana o ko'u Aupuni me ke Aupuni o Amerika Huipuia no kekahi Kūikahi Haawi Like. Ua makemake hoi Au e loaa mai ko oukou hoapono ana no ia Kuikahi, a me ka lana hoi o ko'u manao e kuka pu me oukou no na hoololi imanao ia he kupono ma ke Kanawai " iV r o na Dute maluna o ka Waiieai i laieeia mai." Na ko'u Kuhiua o ko na Aina E, e waino aku imua o oukou i ke " Kuileahi Haarri Like " i hanaia ma San Francisco mawaena o ke Kuhina Noho o Amerika Huipuia maanei, ame ko'u Elele Kuhina. E hoopuka aku ana hoi oia imua o oukou i ke Kanawai, i mea e hooko ia'i na olelo o keia Kuikahi. 0 ka hookomo aoa mai o kekahi mau waiwai o Amerika Huipuia iloko o ke Aupuni nei, me ka uku ole i ke Dute, he ku*mu ia e nui ai ka emi ana o na loaa o ke Aupuni. Na ko'u Hope Kuhina Waiwai e waiho aku imua o oukou, i kana Papa Hoike oia mau loaa e emi ana, a nana hoi e hoike aku ia oukou i na haina a pau a oukou e makemake ai e hooakaka ia'ku. Ua maopopo lea i ko'u manao o na pono a me na pomaikai i manao wale ia e I loaa mai ana noloko mai o keia Kuikahi, aoie hoi e loaa kapakahi ia pomaikai i kekahi lala hookahi o ko kakou hooikaika ana, aka, e laa like mai ana maluna o na hana a pau. Nolnila, ua noonoo Au, oiai i ko kakon hooponopono hou ana i na Kanawai imi loaa o ke Aupuni, e kapae loa ia na KaAuhau pili i ke ano hookahi, a e koho iho kakou i ke ano o ke kau ana i keia mau Kanawai i kau liilii ai na auhau, raa ke ano pono a kaulike hoi mnluna o kela ano a me keia ano o ko'u mau makaainana. 0 keia Kuikahi e waiho ia'ku ana imua o oukou, ua noonoo Wau he kumu hoi ia e lioomau ai i ko kakou noho aloha ana me ke Aupuni o Amen'ka Huipuia, a he kumu hoi e pii ai ka pomaikai o Ko'u 'Aupuni. Me ka hilinai nui i ko oukou noiau a me ko oukou aloha i ko kakou Aina Hanau, ke kahea nei au i ka Lani e kokua a e alakai i ko oukou noonoo ana, a ke kuk;Ja nei au, ua wehe ia keia Ahaolelo Kuikawa." Mahope iho o ka pau ana o kaHaiolelo Moi, a hoi aku la Oia, ua halawai like mai na Hoa o ka Ahaolelo, o lakou no hoi na Hoa i noho ai i ke Kau i hala iho nei, a mawaena nae o lakou, ua alo ae ka maka o kekahi mau hoa, ua hala i ka aina e.