Ke Au Okoa, Volume III, Number 20, 5 September 1867 — Na kumu e holo ai ke Kuikahi Panai Like mawaena o keia Aupuni a me Amerika Huipuia. [ARTICLE]

Na kumu e holo ai ke Kuikahi Panai Like mawaena o keia Aupuni a me Amerika Huipuia.

E ka Lun'a Hooponopono e; —Aloha oe : Ua ike iho au maloko & kou pepa o ka la 29 o keia malama iho nei, i ka palapala i kakau inoa ia e " loane K.; " a ua kahaha nui loa hoi au no na manao hawawa, kuhihewa a opu ino, i hoopuka ia ma ia palapala. He hawawa, no ka mea, ua akaka ka ike ole o ka mea kakau i ke ano maoli o kana mea e hapahapai nei; aole no hoi oia i wehe■weho iki mai i na ano ino maoli o ke Kuikahi ana e hoopuehueha nei. Kainoa oka hoikeike mua mai i ke aoo o ke Kuikahi, i hiki ai ia kakou ke hoahewa pu me ia la. Aole ka ! O ka olelo hoopuka kuai wale no kana e liii ana i ka lahui Amerika, e i mai ana, ua nui loa ka makemake o kela lahni i keia Pae Aina, a kau ae i ka lepa o Amerika, i kapalili ai kona mau hoku mai Hawaii a Niihau. Ina he oiaio, ua nui ka makemake o Amerika e lawe nona i keia Pae Aina, heaha la c ke kumu i lawe ole ia ai ika manawa ia Kamehameha 111., i ka wa hoi i hoopilikia ia mai ai eko Farani ? Ma ka noonoo maikai ana me ke akahele, ke manao nei au, aole loa he wahi kumu e olelo ai he makemake nti ko ke Aupuni Amerikā e pakaha i keia Aupuni. He Aupuni powa anei kela ? Ale anei i hoike maa kela Aupuni i kona aloha kupaa, a me ka hoomanawalea maoli o kona lahui ia Hawaii nei ? Nolaila, he kohu ole, a he hilahila ole ka hoopuka ana i na olelo lili wale a me ka opa ino'e like me ka "loane K." Heaha la na kumu nui e hooholo ai i keia Kuikahi Panai ? Eia no. E lilo auanei ia i mea e 'hooulu "nui ai i ka oihana' mahi ko ma Hawaii nei, a mamuli oia mahuahua ana, e pii ana ka uku hoolimalima o ka poe paahana, aole e nele kekahi kanaka ika hana; a ao!§ anei e ole ka loaa o ka mea a kakou e hoopapau nui nei i ke ka aoa i ka hou, oia hoi " ke dala mana loa ! " E emi ana ke kumuknai o ka papa a me na laau hale, ke kamano; ka lole o kela ano keiaano, na kamaa ame na waiwai he nui wale 4 ae. Aole anei keia he pomaikai ? He pomaikai no, ahe mea hiki no ia i ke kanaka ilihuue ke hoomaopopo nona iho. 1 keia manawa, eha iwilei lole no ke da!a; o ka papa a me ka laau hale, e haule ana ke kumukuai he umi hapa- | a pela no e hoemi ia ai ke kumukoai o kela a me keia ano o ka waiwai kalepa i lawe ia mai maanei mai Amerrka mai, a e ' kuai nui ia nei e kakoa. Nolaila, e ike ia ai, o keia Kuikahi, he pomaikai oiaio, no na kanaka ihhune o keia Pae Aina, oia hoi "na ili ulaula," a loane K. (Kupikipikio) e hooweliweH nei, me ka olelo ae, ke anuu mua ka keia o ka lilo ana .. o Hawaii nei ia Amerika Huipuia ! He manao lapuwale ia, aole hoi wahi kahua i kukulu ia iho.ai kana mau Halakalai aoa. E Hawāii, mai puni "wale i na olelo ano ole, makani wale a ka poe e kue nei i keia Kuikahi, aka, e noonoo, e uinau, e hoomao popo mua i ka pono a me ka ole, alaila, ua hiki no ia oe e ka Luna Makaainana, ke hana aku ma ke ano kanaka makua. Owau iho no, ;loane Akahele. Waiakemi, Honoluln, Sept. 2, 1867.