Ke Au Okoa, Volume II, Number 32, 26 November 1866 — Na Lawaia a Makalii. [ARTICLE]

Na Lawaia a Makalii.

Kle waiho aku nei au ma ka lima o ka Lunahooponopono a me na keiki paahana, ka piko o ke kaula o kekahi paluna, na lakou e hookuukuu ae a pulu i ka ua-awa, i loaa ai ka noe lehua o na lawaia a Makalii, e hoolono ana i ke kikimo a Uhumakaikai, oiai e lena ana o leiea a me Poopalu i ke kuku o ka upena, a me ka maka-u o Manaiakalani i lou ai ka i-a o Pimoe, i hia ia ai ka lae o kaalae e Maui. īa'u e okuu ana no ka nae a me ke anu, oiai ua loohia holnokoa ka lehulehu i ka nawaliwali i keia mau la; a ma ka .po o ka la 14 o Keia mahina, loaa ia'u ka ohumu o na lawaia a Makalii, o leiea u.me Poopalu, oiai laua e pili mai ana ma ko'u wahi e okuu aku nei, he mau lawaia io no, no na kai hohonu, ua luu wale a haena na lae i ke kai lipolipo, ua upehupehu na lehelehe lalo i ka moni i ka wai opunui o ke kaha. Olelo mai la o leiea, "O ka kaua hana paha e. kumakahiki nei, a he mahuahua kahi uku, he nui la kahi loaa, ina paha ua loaa kahi makemake, loaa ona wahi lole ano nu hon e komo ia mai nei, o kahi hapaumi hoi i loaa mai, i kahi pai ai no, a i kahi i-a no o ka pau 110 ia, mau no ke kino i ka ilihune, huhululoloa ka noho ana a kohu maukauka ka nana ia mai e hai." Olelo mai la o Poopalu, " Oia pu ana no hoi, o ka'u hoi ia i holoi iho nei i ko'u mau wahi welu mamuku, a me na wahi holoku, a ua hoomaemae iho nei au no ka manao hoi e

kn niai ana na moku ma Lahaina oei, -ilaila la hoi e webe ia ai keia pilikia, a e ola ai la hoi ka noho ilihune ana; alaila ike ia aku na hoa kaau." Olelo mai la o leiea, " Hoko wale no o'a ia mea i waiho iho nei, a o kau olelo ana mai Ia hoi, lana okoa wale mai Ia no loko o'u no ia mea; me ka manao e pau ana no na pīlikia ika lu ia." " I aha aku la ua pono," wahi a kekahi lawaia, " Ina no paha ua hai no kaua i hale no kaua e noho ai, a o na wahine e nohomai ana malalo o kaua, na kaua no e kati aku i ka noho ana, a loaa no ia wahi helu o kaua ilaila, ma kahi nae e hele nui ia ana e na haole, malaila kaua e hai ai ika hale, o poho auanei kaua ke hai i ka hale ma kahi paapu ole i na haole." " I keaha hoi ? " Wahi a kekahi, " Hoouna aku tio hoi paha kaua i wahi keiki, nana e kii i ka haole, a ike iho no ka • haole, o ka maa mai la no ia, aohe a kaua rnea hopohopo, he hale a% ku i ke akea, ike ia aku hoi paha ka hele ana mai a ke kanaka nui a me ke kanaka iki, i knulana ka hoi kaua i ka hale piha i kanaka iiaila, i ia ae ai he makamaka nui kaua, i ka loaa hoi a ka ai a me ka ia." Wahi hoi a Poopalu, " Ke loh'o ia mai nei hoi, ua hele ka o Honolulu a piha pono i na moku, nana iho ka i na uapo, hooke i na moku. Malie no la i nelē ai o Lahaina nei ina moku, eia ka ua piha a papani o Honolulu." " A pehea la kaua," wahi a leiea, " e kali iki kaua," wahi a Poopalu, "Ai ku moku ole mai i Lahaina nei, alaila, oko kaūa hoopanee no ia, o Kilauea ka ihu, noho ana i Honolulu, a waho oMamala hai e na pua o ke kula, hulali ano e na puka aniani a Huleakala." Wahi a leiea, "Mnnao au o papa no na knmaaioa o kaua ke' noho kana i kahi a inakou i noho mua ai i Kaopuaua, aia no ka poe mikimiki, loaa ka noho ana oia wahi, e like me kaua na kakai oolea." Wahi a Poopalu, " O ko'i? wahi hemahema ia, o ka pono o|e o ko'u leo i ka namu ano," " Wahi a leiea, " I namu ahaaku ia, kai no he kii aku no a ka lima kau-o mai, e nalo no hoi e pinana mai ana kela, alaila, e hoohonua aku ka ua iuka, na ka ua no ia e nokenoke iho i na kae nihoniho o Nuuanu, a hanini ae ma ka niho mole o Waipuhia. Wahi 8 kekahi lawaia, " 0 kalakala mai la ka hoi au, hookahi a'u mea e hopohopo la, o ka loaa ole o na palapala no kaua e holo ai, aua paha aunnei ka Lunakanawai ke kii aku ? " " Olelo aku no kaua he mai ka mnkuahine o kaua aia i Honolulu," *' He pono loa hoi ia. o ka paepae hoi paha o mei nei, (kane polnpola) ka'u e kaunui la, ina ua ku ae nei i Honolulu, aohe e koe aku Ia ' kana, hewahi polapola akole, ahe hana ua. maa ; e u awiwi kaoa i keia mau la, i loaa ona mau wahi mumuku a me ona mau wahi hainaka no kaua, hoolawa aku i Honolulu ka makeinake, malama o loaa aku no ia kaua o mpa a me H. W. na laua no e hookaa na Kino 0 kaua, ai ninnu mai i ka ukana 'o ka moku, hni aku kaua, he ukana no, he mau wahi hohope paakai." Wahi hoi a kekahi lawaia, " Un pono, ina hoi ha kaua ke kani mai la ke oeoe o Kilauea, ke onoonou ae la ka uahi 1 kekia hope, ke haapekupeku la ka huila, lawe i ke hoa la lilo. Na]S"iNiniKAWAi. Lahaina, Maui.