Ke Au Okoa, Volume II, Number 20, 3 September 1866 — Mahalo i ka moolelo o Kenete. [ARTICLE]

Mahalo i ka moolelo o Kenete.

E ke Aū Okoa b ; Aloha oe: Me ka mea nana e unuhi mau nei i ka moolelo o Kenete, aole ana makou e uumi malie iho i ko irukou mahalo, a me ko makou iioi nui me ka mahalo a me ke aloha i keia moolelo e kunewa malie nei mawaena o.keia mau ale kawahawaha o keia mau kai ewalu mai Hawaii a Kauai. Me he mea la hoi o ka papa akahi keia o na moolelo i hoopuka ia ma keia pae aina, a o ka makou moolelo no hoi keia i hiaai loa ai, i ka po a tne ke ao, e iini mau ana i ke koa o no koa, i ka ike o na ike, i ka mikioi o na mikioi, ike aloha ona aloha. Oko makou kuko nui wale e paa ia no Ia hoi ka hapalua o ka Nupepa i keia moolelo la, ina no la hoi ua makepono.

O na moolelo eae a pau i paiia mai, he aha la ia i ke one o Hoohila, he opala no paha i ka lupua pahele hala, he mikohukohu ole no, aole wahi mea a mikomiko iki iho, he ole loa maoli no, aia a hoopukaia mai Ke Au Okoa, o ka \va iho la no ia e hohola ai ko makou mau lima me ka lalau aku ia ia me he keiki opiopio hou wale la no, a me he ipo aloha la na ka liula. Makemake wale. Ke mahalo aku nei makou me ka hanohano nui i ka mea nana e unuhi paupauaho ole nei i ka moolelo o ko'u kaikuaana koa loa. Ke makemake nni nei makou e pai buke ia ka moolelo o Kenete, elike me ko Laieikawai, ke ae ia nae hoi. Ke wne ae nei makou i na kaao oi o ka maikai i hiaai nui ia e ka poe heluhelu, a penei ka hoonohono ana: Papa I Kenete. II Losinahama. 111 Laieikawai. IV Kepakailiula. . V Hesinī. VI Pikoiakaalala. VII Emadai. VIII * Lose Mohala. IX Satinia. X Na Moolelo e ae. He maikai no hoi kekahi mau mea e ae, aka, he 1 1-2 Keneta no paona hookahi. Aka hoi, mai ka papa akahi a me ka aha, o iakou no na mea i hiki aku i $93,50 no ka paona hoakahi, oia hoi, ua mahalo loa ia ka poe nana i kakau mai, aua heluhelu nui ia hoi me ka hoonuunuu a maona loa. Aole hoi makou i kapae ae i ka maikai o na hunahuna niea hou o Hawaii nei, a me ko na aina e; no ka mea, he mau mea hoonaauao ia. Aka, ona moolelo ka makou e kamailio nui nei, a o ka oi.no o Kenete o ka loihi, a me ka maikai o na olelo hoonani o ke kakau ana, a i waena oia mau olelo i kakau ia, ua makemake loa makou, ua ku i ka mahaluia ka mea nana e unuhi nei. Makemnke makou e kakau iho ka mea nana e unuhi nei ia Kenele ma ka pau ana o keia moolelo, akahi ko makou ukiuki ia oe e pee nei, hele hoi a eha ka a-i i ke a e-a ia oe o ka ike aku, malama hoi paha he aahu pilipono oe no ka'u mea aloha e lia nei. He ma'u ia wahi mea hou hoopukaia mai, i hoi wahi puolo kuaaina. Me ka mahalo. Ohilion Kahoiokahiki. Pololu, N. Kahala, Aug 1, 1866.