Ke Au Okoa, Volume II, Number 19, 27 August 1866 — No ka La 31 o Iulai. [ARTICLE]

No ka La 31 o Iulai.

E Ke Au Okoa ; Molia oe : Ma ke awa o Hanalei, Kauai, ua kukuluia kekahi ahaaina hoomanao i ka la i hoihoi ia mai ai ka Ea o ko kakou Aupuni Hawaii, a i ka makaukau ana o na papa aina i na mea ai, alaila, hele huakai mai la na keiki o ka aina, o ka hora 12 ia o ke awakea oia la, ia wa no, hukiia ac la ka Hae Ha-waii e na Iwa opiopio oka aoao palupalu, a pulelo haaheo ae oia ma na eh?u o ka makani, iawa no, kiia Da pu aloha he 21, a pau ia, hoolai malie iho la ka. hale hapalua hora. Ama ia hope iho, ku mai la o Nuuhiwa ilana, a hai mai la i kana olelo e pili ana no ua la nei, a penei kana olelo :• " E na hoa'loha, ua akoakoa mai nei kakou maanei, aole no ka paina ana a pau wale ae, aka, e hoomau aku kakou i ka olioli ana no ka la i hoihoi ia mai ai ka Ea oko kakou Aupuni. Ma ka la 25 o Feberuari, M. H. 1543, ua haule ilalo ka Hae Hawaii, ma ka niana o Lord George Paulet, a nolaila, ua pilikia ke Alii Kamehameha 111., a me kona lahui holookea iloko o na mahina elima a me na la keu, a i ka hiki ana aku hoi o ka lono i ka Adimarala Thomas, e noho ana oia ma Valeparaiso, a o kona holo koke mai la no ia, aku ma Honolulu, i ka malama o lune, a o kana hana o ka halawai me kaMoi, e hoomaopopoana i ka oia* o na hihia i hoopilikia wale ia ai ke Aupuni Hawaii, a i ka maopopo ana ia ia, ua pili ole ka hewa i ke Aupuni Eawaii, a ma ka la 31 o lulai M. H. 1843, ua kau hou ka Hae Hawaii iluna, a oiakelae welo haaheonei ma tia eheu o ka makani, me kona mau wai hooluu ano e, a oia keia la a kaleou e hoomanao nei, ua malama ia keia la e kakou, mai ka M. H. 1813, a ua hoomau ia no'a hiki wale i keia wa, a o ka 2*2 keia o na makahiki o ko kakou kuokoa ana. Aubea ke aloha e like me keia ? Na keia la i haawi mai ko kakou mau pono Kivila, no keia la ke ola o ko kakou aina. Ua pilikia ka Moi Kaoiehameha 111., no ko kakou pomaikai, na iala i alo na pilikia, na hoino ia, na hookaumaha wale ia, a na kakou nae e lealea nei, nolaila, e hoo maikai aku kakoa i ka mea nona keia aloha a Adimarala Thomas i lawe mai ai. A e boomaikai aku hoi kakou i ke Akua, ka meanana i hoopakele i ko kakou Aupuni iloko ona kau o ka pilikia." I ka pau ana o kana haiolelo, hoomaka kaai ana, me ka piha i ka olioli, ua ai a lawa, ua inu a kena, a hookuu ia ke anaina me ka malahia. Mahopeiho oka hookuuia anao na hoa ai, puana ia ae la kekahi leo me ka maopopo, a penei no ia : " E ola ka Moi Kamehameha V., ike Akua." " E mau ka Ea o kaaina i ka pono." Hipahipa, Huro ! J. Hope. Hanalei, Kauai, Aug. 8, 1366.