Ke Au Okoa, Volume II, Number 17, 13 ʻAukake 1866 — Maikai ka hana ku makahiki ma Wailuku, Maui. [ARTICLE]

Maikai ka hana ku makahiki ma Wailuku, Maui.

Ma Wailuku au i na la hope o lune i hala ae nei, ua ike au i na hale wili ko, aua ike pu ina papa hana o na kanaka kumakahiki, a ua ike pu hoi au i ko lakou hale moe, ua hoolakoia i na mea a pau e oluolu ai ka noho ana, oia hoi na mea e pili ana i ka hale, na punee, na moe, na pakumakika, na bela moe, na pa waiholoi, na kawele, na kahi. Ika wa kakahiakanui, ala like mai la na mea a pau, holoi na maka, kahi ka lauoho, hoomaemae iki na kino, a kani ka hora 7 kakahiaka, paina a pau a una ia hope iho, hoomaka ka hele ana i ka hana, ua hana me ke kupono loa, a kani ka hora 12 o ke awakea, pau ka hana, hoi ma ka hale e paina ai, a kani ka bora 1, hele hou i ka hana, a ma ka bora 4 o.ke ahiahi, pau ka hana, pela mau i na la a pau, koe nae ka la Sabati. Ua ike au, aole like me ka papa hana ma Amauulu, Kaupakuea a me Kaiwiki, ma Hilo, Hawaii, »ua hoohanaia na kanaka me ka ikaika, ua hooliloia na bakeke inu wai o ka lio, oia na ume'ke, a o ka poho o ka lima, oia ka ipukai, ahe ku like n& kanaka iluna ke hiki i ka wa e ai ai, a aole no hoi he kupono ko lakou hoohnnaia ana, a me ka malama ia ana. Nolaila, ke kau leo mua aku nei au, i na hoa makemake e kepa, a e ku makahiki, eia ma Wailuku nei kahi. maikai o ka hana ana, he malama ponoia ke kanaka,:a no kaike pono ana o ka poe i kumakahiki . mua, no ka maikai a me ka oluolu oka hana, ua hoohihi ko lakou manao e noho loa, a he maikai ka hana a ka luna hann, oia hoi o C. Kenui, he luna hana oluolu, a e like me kona oluolu,. pela i mau ai ko makemake o ka poe kumakahiki ia ia, me ka manao kaniuhu ole. Ina he makemake e ninau, pono no, Olioli. 0 kekahi kanaka no 6osetona, ua haawi aku oia he kanalima tausani dala, oia 'knna makana no ka la e mare ai kana kaikamahine, ua mare nae ua kaikamahine nei i kekahi keiki hoehoe waapa o ka uwapo, mamuli no o ka makemake o kona makuakane, e mare kana kaikamahine i ka mea hoahaa, momua o ka maro ana i ka mea koikoi a hanohano.