Ke Au Okoa, Volume II, Number 15, 30 Iulai 1866 — He Mele Kanikau no Victoria Kamamalu. [ARTICLE]

He Mele Kanikau no Victoria Kamamalu.

Kanikau he aloha no Kelohelani, Ke uwe kamkau nei o Knnane, Aloha ino no kuu pokii, Kuu kokoolua o ke Aupuni, Ua hele, ua nalo, ua hala oe, E ake ka manao o ka ike aka, Ka maka o ka Uhane kino wailua, Hoopahaohao i ke aumoe, Kau mai ka halia, ke ano aloha, Kaumaha luuluu kuu naau, He hakoi wale no na ka waimaka, Huli ae nei au aole oe, Aia paha oe i ka wehiwehi, Ke aia o ka hala kai Hanakahi, I ka ulu iehua i Paieie, ī ke kula lehua i po i ka manu, ī ka la puka mai ma Haehae, Haehae ke aloha ke hiki mai, Ua hala ka hoku malamalama, Ka Hooiliua Hope o ke Aupuni, Aole e loaa i ka imi aku, Ua hoi aku la i ka poli makua, Me na kaikuaana haku ou, Ke uwe helu nei o Kaimihaku, He aloha kuu Haku, kuu Kamalei, Kuu Jei ai o na moku, Kuu hoa pili o ke Kaona nei, Ua hele oe la hoi ole mai, Wehe mai nei oe la i ka pili, Kaawale kaua la e ke hoa, Auwe kuu Haku kuu Hiwahiwa, Kuu mamo alii i laha mai nei, Kuu pua laha ole, ua lilo aku, Pau ka pili ua mai la e ke hoa, Pono ole ka manao e noho nei, Ke u nei loko i ka minamina, Pehea la anei e pau ai, Aole e pau ua wela loko, Ke haki kaikoo nei ka manao, Hoonaueue i ka nui kino, Kanikau he aloha no Kalohelani. C. Kapaakea.