Ke Au Okoa, Volume II, Number 11, 2 July 1866 — He Kanikan Aloha no KE KAMA ALII WAHINE KA MEA KEEKIE PRINCESS VICTORIA KAMAMALU. [ARTICLE]

He Kanikan Aloha no KE KAMA ALII WAHINE KA MEA KEEKIE PRINCESS VICTORIA KAMAMALU.

1. He kanikau aloha keia nou e Kalohelani, Kama Lei Alii no na moku, He hiwahiwa na na hono o Piilani, Ka mea nona ka la hiki i Kauaiomano, Manomano ke aloha o kuu kaikuahine, Kuu kaikuahine mai ka hale piha i ke aloha, He aloha ka hoi ke koolua, ka hoa noho o ke ao Hoi aku la oe me ka makuahine o kaua i ke ao polohiwa a Kane, 0 Ku wahine, o ka wahine e kalele ana i ke kihi o ka malama, E poi ana i ka maka o ka hoku, E hilinai ana i ka lani, E alai ana i ka makani, Na wahine i ka Hikina o ka la—e. KANAENAE : Ike aku la oe i na kupuna o kaua, Ia Kapukalohelani ka moa lawa, Hoolawa au alawa i ke aloha ia oe, He aloha ia oe la— 2. TJa hiki mai nei ke aloha o kuu kaikuahine, E aloha ae ana au i ka makuakane o kaua, Ko loa pili, o ka ua kona hale o Kapalama, Hele a lamalama loko i ke aloha ia oe. E aloha ae ana i ka ua popokapa o Nuuanu, Hele a pumehana oloko i ke aloha, 'Nou ka leo e pae nei i Kahuinanawai, 0 ka waiwai iho la no ia a loke e malama nei, E aloha ae ana ia oe, i ka hoa o ka la o ka ua kuahine o Manoa. KANAENAE : Kulia ! Nana ia ke Āupuni o kaua, Haawi ia mai ke ola ia Papa-nui-lianau-moku E ola ka Hui, e ola ka makaainana, E ola ia'u ia Kalani Mehameha 3. Kanikau aloha keia nou e Kihealani, Noho mai ka Lani i ka iu o ke kapu, Kapu ka Lani, malu ka honua, 1 ka ike ana i na kaikuaana haku ona, I na Lani pipio i ka lani, Ku ka onohi, pio ke anuenne. Noho aku la oe i ka hale malu o ke ola, Hoonani ka pae opua i ka Hikina a ka la, Ike aku la oe i ka piko o Wakea, Pili aku la oe me ou kupuna wahine, Me Kuakamanolani o na lani o na lani nui, O na lani noho a pio, Nana hoi neialani Kalani Mehamalu. KANAENAE : Aloha, ua paa ike kino manu o Maui, - Ewalu ka maka o ka laau i Hawaii, _ E ala e kukultr,"alarmai~Kaiiiki; " E ala ua ao, ua malamalama.