Ke Au Okoa, Volume I, Number 40, 22 January 1866 — Makani Ikaika. [ARTICLE]
Makani Ikaika.
E Ke Au Okoa E; Aloha oe: Ma ka la 14, o January, ua hiolo ka hale noho o Poli kahunapule o Waikane. Elue, ua hoonee ia ka halepule mai kona wahi i ku mua ai, 6 kapuai ke kaawale mai kahi i ku mua ai. Ekolu, o ka halekula e ku pu ana ua kauo ia e ka makani 12 kapuai ke kaawale mai kahi i ku mua ai, a kahi e ku nei. Eha, o ka halekula ma Kualoa, ua hoonee ia he 14 kapuai, mai kahi i ku mua ai a kahi e ku nei i keia manawa. Auwe! Auwe!! Ikaika maoli ka makani, o ka paa a ke kamana i hana ai a paa, ua pili makekeke, he lohe wale koʻu i ka olelo ia, penei:-Ua ki no au a ua paa, ei ae ua mea e poloke ai, oia kahi mea hai aku ia oe; a ia oe aku hoi ia e KE AU OKOA, ke kuu pau i kau hana, ma ka hele ana ma ka loa, a me ka laula; Aloha no. S. E. K. P. KAOHELOAHI. Waikane, Jan 15, 1866.