Ke Au Okoa, Volume I, Number 32, 27 November 1865 — Page 2

KE AU OKOA.

HONOLULU, NO VEMABA 27, 1865.

 

obscured kou e haalele io mai obscured Themis i keia Pae obscured i keia mau la iho nei obscured hana, ua manao iho obscured na mea e pili ana no obscured a nei, a me kona haa obscured

obscured a nei, iloko o ko ma obscured o ka Hui Moku Kia obscured Kapena T. B. Hanamu obscured mea nona ua moku obscured ke ku ana mai o ua obscured kekahi mau obscured e hiki mai ana o obscured mau pae aina, a obscured aluna o ka moku. obscured na mai o ka moku, ua hookipa obscured ia ae la laua me ka hanohano obscured ka pumehana mamua o na ma obscured mai nei i keia mau pae moku obscured . Aole i koi ia aku e hoo obscured maloko o na buke o obscured hele no ma o a maanei obscured ua haawi mai no obscured e like me ka obscured aina nei, ma ka obscured kahi poe maluna obscured

obscured he mea la ua obscured hiehie o kekahi obscured i nei, a ua kono obscured Pelekane. I ka obscured aoli no kona obscured ahi mau hoa obscured i ke kana obscured ana o na ka obscured mokupuni aku me ka obscured Mokupuni a la obscured aku no hoi ia obscured i ka wahine, oiai obscured kai i ka wahine obscured Hoole mai la ke obscured we i ke kai obscured 9 o keia obscured Hale Dute e obscured koke aku la no obscured o ka moku, me obscured honua nei, ua obscured ia i aeia'ku obscured pe o kona obscured ua hoowa obscured a me obscured mana o ke obscured obscured obscured

obscured mokuahi obscured e ka mana obscured obscured aohe mana obscured ia ia ke obscured mai. Halawai aku la ka Ilamuku obscured ua moku nei ma ke kowa, aia obscured maloko o na palena o keia. Au obscured hoomaka aku la oia e heluhelu i ka palapala hopu, aka, hoole mai la o Kapena Hanamu, aole ia e hookuu mai i ka wahine i kii ia aku ai. Nolaila, holo aku la ka Ilamuku i Lahaina, a ua manaoia i mea e hoike aku ai i kela a i keia, a me na poe e kipa mai ana i ko kakou mau pae aina nei maluna o na kialua, o ko kakou mau kanawai aohe e hoowahawaha ia, a o kekahi luna hoi o ka MOI ma ka hooko ana i kana mau hana, nolaila, ua hooili ia na pu maluna o Nettie Merrill, hookahi kapena koa, a me iwakalua koa, me na pu raifela, a hoouna ia aku i Lahaina, me ka palapala hopu ia Hanamu, no ka hoole ana mai i ka mana o ka MOI, a ua kauoha ia aku i ka Ilamuku, ina ia e halawai aku me ke kialua, maloko o na palena o keia mau mokupuni, e hooko aku i ka mana o ke kanawai, e like me ka mana i haawiia aku ia ia, ina e koi ia mai e hana aku.

Mahope iho, holo aku la ia i Hilo, i kona aneane ana aku e komo aku i ke awa, ua ike ia aku la ke kialua, aka, aole e hiki ia Nettie ke uhai aku me ka ike ole ia mai e ke kialua. Ina e holo pono keia mea, ina ua holo pono paha kana hana i hele ai, oiai, ia wa, aia oia malalo o ke ahonui o ka poe malalo o kona malu. I ke kokoke ana aku o ke kialua i Hilo, ua kau ae oia i ka hae pailata, aka, i kona wa i kokoke aku ai ekolu paha mile mai ke awa kumoku, ike mai la ia i ke ano o ka moku Nettie, aole ia i hookomo mai. O ka hora 5 ia o ke ahiahi. Holo koke aku la ka Ilamuku maluna o kekahi waapa okohola, me ke kauaha mai i ka Hope Luna Makai Devide Dayton e uhai aku mahope ona, me ka lawe aku i kekahi poe koa, e like ka nui me ka hiki i ka waapa ke lawe. Holo pu mai la no hoi o Nettie, he lahilahi loa nae ka makani. Holo mai la ka Ilamuku a kokoke i ka moku, kahea mai la oia e hoopa-i ka moku, a e ae mai ia ia e ee aku iluna o ka moku. Olelo mai la ka malamamoku, aole e hiki ia ia ke kau mai iluna o ka moku, a i ka hoopaakiki ana aku o ka Ilamuku, olelo hou mai la oia, ua kauoha ia mai oia e kona alii, e ki aku i ka waapa, ina e hoopaakiki mai e pii iluna o ka moku, ia wa no hoi, kahea ae la oia i na sela e hoomakaukau i na pu. obscured i piha i ka poe koa, aia ia obscured obscured obscured moku Themis, a holo aku la ia, hoi mai la ka Ilamuku iluna o ka moku Nettie. I ka ka hora 10 o ka po, ki mai la ua kialua nei eha pu, a ho-a mai la i ka lamaku. Holo hou aku la ka Ilamuku e imi i ka moku kialua, maluna o kekahi waapa o ka moku Okohola. Huli aku la aohe loaa, a i ka hora 1 hoi mai la, a i ka hora 2 o ka wanaao, pa mai la ka makani, a holo hou aku la ka Nettie e imi i ka Themis. I ke kakahiaka ana ae, ike ia aku la ka Themis, ewalu mile mai ka aina aku. I ka ike ana mai i ka Nettie, huli ae la ia a holo aku la ma ka ihu E. S. E. Ua hoomauia ka uhai ana a hiki wale i ka hora 12 awakea, nalowale aku la ia, hoopau ia ka manao ana e uhai i ka Themis, hoi mai la ka Nettie, a ku ma Lahaina, a i ka Poalua iho nei, ku mai ma Honolulu nei. O na mea a pau i haha-i ia ae nei e makou maluna, oia iho la no na mea a pau loa e pili ana i keia mea.

I ka Poaha iho nei, ua hoopae mai ua o Hanamu nei, i ka wahine ana i lawe ai a me ke keiki hapahaole, oia o William Hunt, ka mea ana i manao ai e lawe pu me ia i Pelekane, ma Waialua, Oahu, kahi hoopae ia'i.

 

Na mea hou o ke Alo Alii.

He maikai ke Ola o Ka Moi, eia no Oia ma Hoihoikea Hale. I ke awakea o ka Poaha iho nei, ua halawai Oia me kona mau Kuhina ma Iolani Hale Alii.

Maikai ke Ola o ka Mea Kiekie Princess Kamamalu, aia no oia ma Haimoeipo kahi i noho ai.

Ke mau nei no ka maikai o ka Mea Kiekie M. Kekuanaoa K. G. C. K., ke loaa mau nei ia ia ka holoholo mau i na kakahiaka nui a pau, ma ka wawae a ma ka holokaa. I ke kakahiaka o ka Poakolu iho nei, ua hele oia ma Kakaoko e kukulu i ke kiapohaku o ka Hale o Keaniaole.

Ua maikai loa ke ola o ka Moi Wahine Kanemake K. Hakaleleponi, aia no oia ma Haimoeipo kona wahi noho kahi i noho ai.

 

No ka Moiwahine Emma.

Ua nui na halawai i haawi ia no ko kakou Moiwahine Emma. Maloko o kekahi halawai nui ana, ua hiki aku o Lopailani ilaila, ka mea nana i hoihoi mai i na pahu kupapau o Liholiho ma laua o Kamamalu.

Ua ku ae oia a hai i kona manao imua o ka halawai penei: "E na hoa'loha, ua olioli au i kuu hiki ana mai iloko o keia halawai, a no kuu ike ana i kekahi mau alii o ka Pae Aina o Hawaii, a'u i aloha nui a i mahalo nui ai hoi. O kekahi paha ia o na Pae Aina oi ma ka moana Pakipika i ike ai i ke ano o ko laila lahuikanaka, a i ano e ae hoi mai na lahuikanaka o na mokupuni lehulehu o ia moana, ma ka ike, ke aloha, a me ka naau maikai.

"I kuu wa i hiki ai ilaila, ua hoopomaikai ia ka hana a na misionari Amerika e ke Akua, a ua aneane e huli ka lahui holookoa mai o a o i ka pono o ke Akua. Ua nui ka hooikaika o na misionari Amerika, a ua pomaikai nui no hoi ka lahui mamuli o ka lakou hana. Ua hoomaka ia na kula la, na kula o ka la kapu, a me na mea e ae he nui; aka, he mea mau no na noho ana a pau, aole i huli loa kekahi poe i ka pono.

"Aole au i ike i keia Alii Wahine e noho mai nei iwaena o kakou, no ka mea, aole oia i hanau ae iloko o ia wa, aka, ua ike nae au i kona mau makua a me kona mau kupuna. Ua olioli nui no hoi au i ka ike maka ana i ka Moiwahine o ko Hawaii Pae Aina.

LON DON PAPER."

 

ULIA KAUMAHA.—I ke ahiahi o kela la pule aku nei, i ka wa a Mi. Ioane wahine, ma Puunui, i hele ai i ka pule po, ua waiho iho oia i ka hale me kekahi luahine, oia o Mss Baraunu, (Brown,) nona na makahiki he kanawalu kuwamalima, ua halawai mai oia me kekahi ulia kaumaha, a oia hoi ke kumu o kona make ana. Ua manaoia e kolikoli ana oia i ka uiki o kekahi ipukukui aila honua, a apo ia mai la kona lole e ke ahi. No kona pupu paha, ua hiki ole ia ia ke pale ae i ka apu ana ana mai a ke ahi, a i ka loaa ana aku, ua aa pono ole ia mai oia e ke ahi, a kupono ole i ka laau ke hana aku, a haalele mai la oia i keia ola ana, iloko o kekahi mau minute pokole loa. Ua hiki mai oia ianei me Koana ma, ma ke ano kumu, a ua noho no oia ma ia oihana, a ua aloha nui ia oia e ka poe a pau i launa pu me ia.

 

KE ULEU NEI.—I keia pule iho nei, ia makou e huli ana no na mea e hanai aku ai no ko oukou mau la poniuniu i na mea hou o ko kakou nei kaona alii, ua lohe mau ia ka nakeke o na kaa mao a maanei o na alanui, me he mea la, aohe wahi manawa hoomaha iki, ua paa pono loa i ka hana. O na moku oko-e ku nei i ke awa kekahi e kiola ana i ka lakou mau aila, e hana pahu ana kekahi, a e hana hou ia ana kekahi poe moku, oia hoi e hoomakaukau ana i ka alo hou aku ma ka laina, a me na kai lipolipo o ke Anu.

 

MAKE I ALOHA IA. I ke kakahiaka iho nei o ka Poalima, ua lawe ia aku kekahi o na keiki kupa o ke kaona nei o Alex Auld e ka make. He kanakolu kumamalua ka nui o kona mau makahiki. Ua aloha nui ia oia e kona poe hoaaloha a pau loa. Inehinei ua hoolewa ia kona kino kupapau e kona mau obscured kinai, a me kona mau hoa aloha.

 

PAI HEWA IA.—Ma ke Kanawai i hoopuka obscured na mea e pili ana i ka Papa Luna Nana ka la Koho, ua pai hewa ia Luna Helu, o ka pono Luna Kula.

 

Mai ia Kapena Hanamu mai.

Ua palapala mai o Kapena H anamu i kekahi mea o Honolulu, no kana mau hana, a makou e kamailio nei ma ko makou manao pepa o keia la, a he mea pono no paha e hookuu ia kana mau olelo, i ike ai kakou i kana mana o na mea i hoopioloke iho nei iwaena o kakou i keia mau la, a nolaila, ua lawe mai makou i kekahi o kana palapala, a penei kana:

"Aole o'u manao e lawe i kekahi mea e ae me a'u i Pelekani, aka, o Wiliiam Hunt wale no, me ka manao no hoi e loaa ia ia ka palapala ae e like me ke kanawai i ae ai. Ua ae aku au ia Mi. Mason e holo maluna o kuu moku, a hiki i Lahaina, ke awa mua a'u i manao ai e ku, mahope iho o kou haalele ana ia Honolulu. O ko'u manao o ka haalele ana ia Honolulu i ka auina la o ka la 9 o Nov., o ka poe maluna o ka moku ia wa o Mason e hoi ana i Lahaina, Miss Ferrier e holo ana i Pelekane, o ka holo i Lahaina, a hoolei ia Mason, malaila aku i Kohala, kahi i noho ai ka makuakane o ka hapahaole. Alaila, holo au a hiki i Hilo, e ike ai i ke Alii Kiaaina wahine o Hawaii, a hoi hou mai au i Honolulu nei, me ke ku o kuu moku mawaho, owau ke lele i uka e ike ai i kuu mau hoaaloha, a e hoouna au ia Wiliiam Hunt e kii i kona palapala ae e holo i Pelekane.

"Ua haalele pu maua me ka moku kuna, maluna olaila ka poe keaka lio e holo ana i Tahiti, ia wa hookahi no, ua holo pololei ma ia wahi, a i kakahiaka ua nalowale aku ia. Owau hoi holo aku la i Lahaina ma ka makani aheahe. I ka auina la, hiki mai o Parke maluna o Pele, me ke kauoha mai o ke Kiaaina mai, e lawe i kekahi mea o Hawaii nei mai kuu moku, i loaa ole ka palapala ae. I ko'u manao io, he hewa paha a he pono paha, he mea ooomaunauna pepa wale no, oiai, aole au e haalele ana i keia Pae aina, a ua manao io no hoi au, aole au i uhai i ke kanawai ma ka ae ana aku i na kanaka maoli e holo maluna o keia moku ma ke ano hoaaloha mai kekahi mokupuni aku a i kahi, o kela kanawai i hooholo ia ma ka la umi o Januari M. H. 1865, aole ia i pili i ko'u hihia. He umikumamalua mile ko'u kaawale mai ka aina aku.

"Nolaila, manao iho la au ua hoouna ia la o Mi. Parke i Lahaina, a no ko'u makemake ole e hoopaapaa me ia malaila, ua holo aku la au ma ka aoao akau o Maui, a malaila au i hoopae aku ai ia Mason ma Kahului. Holo aku au i Kohala, me kuu hoao e koi aku ana ia ia, e hoi i ka hale o kona mau makua aka, ua hai ia mai na manao e kue ana me kekahi kumu he nui wale. Manao iho la au aohe o'u mana e hookikina aku ai i kekahi e lele i kula, ma kela wahi keia wahi e kue mai ana i ko lakou makemake, nolaila, hooholo iho la au e holo i Hilo, I ko'u hiki ana malaila, uu ae la au i ka hae e kahea ana i ke palapala. Mahope iho, hiki mai la o Coney maluna o ka waapa, me ke Kapena a me na sela o kekahi moku okohola Amerika, a koi mai la oia ia'u e holo i uka e ike i ke Alii Kiaaina o Hawaii. Ua manao au e kalewa wale no i kuu moku mawaho, a owau la ke holo aku maluna o ka waapa, e ike i ke Kiaaina, a hai aku au ia ia, ina he mea hoouna kana i Honolulu na'e e lawe. I mea e ike lea ia ai o kou manao maoli la ia ia, olelo aku au ia Coney, ina he eke leta kau no Honolulu e hana, a na'u e lawe i Honolulu, a i ko ke Kapena o ke okohola olelo ana mai; e kali ana ia no kekahi mea mai Honolulu mai, olelo aku au, "E hoi hou ana au ilaila i ka la apopo, a e ee no oe maluna o kuu moku, a hoihoi hou mai ia oe ia nei.

"I ka aneane ana aku e komo i ke awa, ike aku au i ka "Nettie Merrill" e kau ana ka hae Amerika ma ke kia hope. Olelo ae la au, "O! aia no kuu wahi aikane kahiko la o Mi Parke, aohe o'u makemake e hoohaunaele, a aohe no hoi o'u makemake e lawe ia ma ka lima ikaika, kekahi mea maluna o kou moku, ke hele nei au. Kuu hookuu ae la no ia i kuu moku, a hoopuka mai la.

"I ka wa e loaa aku ai keia, ua hoopae ia aku na kupa Hawaii elua maluna o kuu moku, ma ka mokupuni o laua i kau mai ai."

O keia mau ohua i oleloia ae nei, ua hoopae ia mai i ka Poaha, i hala iho nei.

 

HE MIKIALA PONO.—Aohe mea e ae i hoolioli mai i ko makou mau maka, ia makou e holoholo ana elike me ka halawai ana aku me kekahi wahi keiki Hawaii i kukulu ae i kona hale hana piula, nona ponoi iho no, aia ma ke alanui Beretania mauka iho o ka pa halepule o Roma. He mea olioli no paha i na makua, ka lohe ana aku i ka lakou mau keiki e hookapeke mai ana ma ka olelo Latina, ka olelo Helena, a me na namu e ae paha—aka, o ka hune nui o kakou i keia wa, o ka poe e like me keia ano. Aka, aole makou e olelo nui ana no keia mau mea, oiai, i ko makou wa e ike aku ai i ka poe e hoomahui ana, e like me ka keia wahi keiki, i kukulu ae ai, ua makaukau mau makou e hoolalelale ia ia ma kana hana. E kipa ae malaila, e ka poe nele, a e kuai i na ipu kukui piula, pa wai hololi maka, kela mea keia mea, no ka mea, ke manao nei makou, he makaukau mau oukou e hoohoihoi aku oukou i na hana mikiala kuloko.

 

Maloko o kekahi nupepa o ka mokuaina o Maine, i ka make ana o ka wahine a kekahi kanaka, kakau iho la oia i keia mau lalani maluna o ka pohaku hoomanao, "Aole e hiki i na waimaka ke hoihoi hou mai ia ia, nolaila au e uwe nei."

 

I na Kaikamahine.

E KA LUNA HOOPONOPONO:

E oluolu oe, ina ua komohia iloko ou ke ahonui, e lawe aku i ka'u palapala akolu i ko kaua mau pokii palupalu, no ka mea, akahi no lakou a hoomaka i ke alapii o keia noho ana, akahi no hoi a hooikaika ae ko lakou mau wawae palupalu i ka hehi ana aku i na anuu. He nui na pilikia a lakou e hakoko ai, a e alo aku ai hoi ma ko lakou hele ana imua, a i ole e hoopololei ia ae ko lakou mau hilala ana i keia mau la, alaila, e mau no auanei ko lakou lapuu ana, ma na wahi a pau a ko lakou mau manao e kono ai ia lakou e uhai. Ina kakou e hookuu aku ia lakou e hiki wale i ko lakou nunui ana, a manao aku kakou e hoopololei ae, alaila, he paakiki loa paha ko lakou huli ana mai ma ka aoao i manao ia ai he pono.

E like me ka'u i hai aku ai ia oukou i o'u mau pokii, he nui na mea a oukou e noonoo ai, no ko oukou ola ana aku mahope. He oiaio no, aohe io no he ola ana o kekahi i ole e uluhia mai e kekahi mau poino, aka, aole nae o ka luupoo mau iloko o laila. E ke kaikamahine "punana a ke onaona,'' he waiwai nui kai loko ou, a i ole oe e malama maikai ia, e olala a e aaiole auanei kou lahui. Oiai ia oe mai e manao ia ai, he lahui ke ulu mai ana, a i hana pono ole oe, alaila, e ko auanei ka hooiloilo a hai. Kekahi mea nae au e makaala nui ai, oiai o kou mau la opiopio, o ka hele mau i ke kula, i loaa ka naauao.

"O ka nauao, he mea nui ia," wahi a ka poe noiau, a me ka poe akamai o keia honua i olelo ai, a ke ikemaka nei no hoi kakou i na la a pau, i ka oiaio o ia mea. Ua ike no hoi kakou i ka poe naauao o keia mau la, ke noho kuapaa aku nei ka poe hupo malalo o ka naauao, me he mau alii nui la. Aka, aole au e kono aku ana ia oe e imi oe i ka naauao, i mea nou e hookiekie ae ai oe i kou kulana, maluna o ka lahui, aole, aole no ia kumu ka'u e hoolalelale aku nei ia oe, no ka mea, he mau manao auwana wale no ia i komo iloko o kela mea keia mea, ka huki-ku ana ae ia ia iho, a hookiekie ae maluna o kona mau hoahanau, a me kona lahui ponoi.

Ko'u kumu nui o ka paipai ana aku ia oe ma keia mea, i mea e makaukau ai oe i ka noho ana aku o na obscured obscured obscured obscured ho ai, a mea paha obscured naauao nae oe,) aole ou obscured wahi kane naaupo kau, kane ike obscured hu-umu, i ka mahiai, a i ka lawaia obscured kela hana keia hana, no ka mea, ua aoia obscured oe e ka naauao i loaa ia oe, ua ike pono no hoi oe i ke kane kupono au e hopu ai i hoa mahele pu me oe i na ino a me na inea o keia honua, au e noho ohua iho ai no ka wa pokole a naue aku.

Kekahi kumu nui no hoi o ko'u paipai ana aku ia oe ma keia mea, i mea nou e iho ole ai oe ma na auwaha a kekahi o kou poe kaikuaana i iho ai, a i mea no hoi e keakea mai ai, aole e hookamaaina aku ma ia ala ino. I kekahi wa e koi mai ai na hoowalewale o na ano a pau loa, alaila, o kou naauao au i imi ai, ka mea nana e olelo a e ao mai ia oe, he hewa ia ala a kou naau e koi ae ai, a na ia mea e hoihoi ae ia oe ma ke ala maikai. E olelo mai no paha auanei kekahi poe, he nui na mea naauao o ko kakou wa e noho nei i hele ma na hana hewa. Ko'u manao no ia poe, aole no lakou i naauao io, no ka mea, ina lakou i naauao io, alaila, e uhai auanei lakou ma ke ala naauao i aoia ai, aka, mea paha, ua aluhee iki lakou ma ka naauao Karistiano.

Ke kumu hope loa, a oia no paha ke kumu oi loa o na kumu a pau loa a'u e waiho aku nei imua ou, oia na mea e hiki ai ia oe ke hoonaauao i kau mau pulaupula, a me kou ohana, ke ike oe i na la o kou noho makuahine ana. I ka wa e hoohua ia mai na hua a kou opu, ua hilinai nui loa ka malama ana a me ka hanai ia ana maluna ou. I ka wa e hele ai kau alii kane i ka hana, e imi ana hoi i mea e ola ai ka houpo lewalewa o kou ohana a o oe hoi, ua waiho iho kela nau e malama ka ohana holookoa, a i kou wa e noho ai ma ka home, nau a e ao aku i kau opio i na mea a pau e kupono ai no ke ola ana aku o na la kanaka makua, no ka mea, ka hoomakaukau mua ia oe no ia mea, a i ko'u manao, no ia mea hookahi ke kumu nui o ka hooikaika ana o ka poe e hooikaika nei i ka hoonaauao ia oe, a i mea hoi e ola ai ka inoa o kou lahui ia oe.

Ke kapae ae oe i kuu mau leo e uwalo aku nei ia oe, alaila, he hope no ko kela mea keia mea, a kela a me keia e ike ai. Aka, aohe o'u kanalua, ina mahope iho o kou kaupaona ana i keia mau mea, e uhai mai no paha oe ma ia kuamoo poino ole au ke hookele ia oe iho.

KAUKA HOLANIKU.

Waipiula, Honolulu, Nov. 23, 1865.

 

I kela pule iho nei, ua hai ia mai makou he umikumamalua poe i make ma Waikiki iloko o keia mau mahina elua.

 

O ke kaikamahine waiwai loa paha ma Amerika, o Miss Hester Robinson, aole i mare kane, ka nui o kana mau dala he eono miliona.

 

I kekahi la, ninau aku kau wahi kanaka i kekahi, "Ahea ka hoi oukou paina?" Pane mai kekahi, "Aia a hoi oe." Ke ku koke ae la no ia o ua kanaka nei a hele aku la ma kana wahi i hele ai.

 

Ia Ioane Kaimiola.

E KE AU OKOA E ; Aloha oe:

Ua hauoli kahi manao i ka ike ana iho i ka oili hou ana ae o ke poo o kuu hoa'loha ma na kolamu o ka Helu 30, nolaila, ua lana mai ka manao e pane hou aku.

E Kaimiola, aole au i manao maoli e hai aku i ka luku ana o ka poe hoole pope i ka aoao Katolika, aka, na kekahi huaolelo mai a oe mai, na ia huaolelo no i pai mai ia'u e hai aku, o ia hoi ka huaolelo e i ana, (ua olioli ka Pope i ka lohe ana ia mea,) e waiho iki au i ka pane ana ia mea, aia a pau kekahi kumu e ae au i hoohalahala ai.

"No ka hoohalahala o Ioane Kaimiola ia Ioane wahine." I mai kuu hoa'loha, o Ioane wahine kekahi poo o kuu Ekalesia wahi ana, i ka manawa hea la, e hai aku no nae au ia oe, i akaka ai i na mea a pau o ia kekahi poo o kuu Ekalesia, a me ka nele, eia no ia.

Ua hanau o Heneri VIII i ka la 28 o Iune, M. H. 1491, a hooliloia iho la oia i alii i ka la 21 o Aperila, M. H. 1509, a mahope iho mare oia i na wahine eono. A i ka la 28 o Ianuari, M. H. 1547, make iho la oia. Aole au i ike ia Ioane wahine ke poo o kuu Ekalesia, wahi a Ioane Kaimiola ia mau makahiki.

Ua hanau hoi o Edward i ka la 12 o Okatoba, M. H. 1539, a hooliloia iho la oia i alii i ka la i make ai o Heneri VIII, o ia ka la 28 o Ianuari, M. H. 1547; a make iho la oia i ka la 6 o Iulai, M. H. 1553. Aole no au i ike ia Ioane wahine ke poo o kuu Ekalesia, wahi a Ioane Kaimiola, iloko o ia mau makahiki.

Ua hanau no hoi o Maria, ke kaikamahine hanauna a Edward i ka la 11 o Feberuari, M. H. 1510, a hooliloia iho la oia i Moiwahine i ka la 19 o Iulai, M. H. 1553; a i ka la 17 o Novemaba, M. H. 1558, make iho la ia. Aole no au i ike hou ia Ioane Kaimiola iloko o ia makahiki.

Ua hanau no hoi o Elisabeta i ka la 7 o Sepatemaba, M. H. 1553, a hooliloia iho la oia i Aliiwahine i ka la 17 o Novemaba, M. H. 1558; a i ka la 3 o Aperila, M. H. 1603, make iho la ia. I hea iho la o Ioane wahine ke poo o kuu Ekalesia, wahi a Ioane Kaimiola, iloko o ia mau makahiki. Nolaila, ke i aku nei au ia oe, ua lalau ae no ka obscured aole oe i hai mai i ka makahiki i lilo ai o Ioana wahine i poo no kuu Ekalesia, oiai hoi, aia no hoi oe na buke o na ano a pau obscured .

Ua pane mai kuu hoa'loha, "he lauwili ka obscured he hookuli, ua hai mua mai ka! oia obscured i ka Buke Moolelo o Enelani." He oiaio obscured ia, aia ka! a hai mai oia i ka huaolelo Buke Moolelo, o ia iho la ka! ke kukulu ia ana o kona Ekalesia. Nolaila, ke ninau aku nei au i kuu hoa'loha, a me na keiki o Wailuku, a me obscured Maui, obscured anei ia o ka Ekalesia o ka obscured no. Ina ua ike oukou o ke kahua ia o ka Ekalesia o ka huaolelo, alaila, e pono no e kapaia ia Ekalesia, o ka Ekalesia i kukuluia maluna o ka huaolelo Buke Moolelo o Enelani.

Ua pane hou mai kuu hoa'loha, (ua noi aku ka wau na'u e wehewehe aku i ka moolelo o kona Ekalesia,) pela anei au i noi aku ai ia oe, aole paha ea? Aole au i pane aku ia oe pela, penei ka'u i pane aku ai ia oe, (aia a mahope hai aku au ia oe,) oia wale no ka'u mea i pane aku ai, eia ke ano o kuu mea a'u i manao ai e hai aku, o ke koena o na inoa o Roma, oia hoi na inoa a'u i hai aku ai ia oe ma na helu mua, a o ko lakou koena, oia ka'u mea i manao e hai hou aku ia oe.

O Hume, Makale, Saute, Haglin Campden, a me Brunet. Aia ma Hume ka'u mea i kuhikuhi aku ai ia oe, a ua kapa mai oe he hoopunipuni au, a me ka wahahee ka! me he mea la, aole no ka buke a Hume ia oe, pela ko'u manao maoli, i ike ole ai oe.

Ua i mai ua hoa'loha nei o'u, no kuu kuhikuhi ole aku ka ia ia, i ka aoao a me ka mokuna, ka mea i maopopo ole ia ia ia. Kupanaha no hoi ua hoa nei, he makapo loa no ka paha oe, i ike ole ai iloko o ua buke la a Hume, i mai hoi oe, aia ia oe ka buke a Hume, a ke i mai nei wahi ana, aole ka ia i ike, no ka hoomaopopo ole o ka aoao a me ka mokuna ia ia, nolaila ka! ka mea i kapa mai nei ia'u he hoopunipuni, me he mea la i ka nana aku, ua nele oe i ka buke a Hume, kai hoi ko hoa-a mai nei iloko o ua buke la au.

Ke i mai nei kuu hoa'loha o na ia pilikia me ka ninau mai, "Na Iesu Kristo no hoi auanei kou Ekalesia i kukulu?" Ke pane aku nei au ia oe, nawai la ka hoi i kukulu, he makapo no ka paha oe, i ike ole ai oe iloko o ka Palapala Hemolele, i ike ole ai oe i ka Petero iloko o ka Palapala Hemolele, oia hoi o Simona Petero, (oia hoi he pohaku.)

I mai nei oe, ua kukuluia kuu Ekalesia e ka Ahahui o Tereneto, he oiaio no ia, aka, mamua nae ka haawiia ana o ka mana ia Petero, a mahope wale iho nei no ka Ahahui a Tereneto, aole nae na Petero i kukulu i keia aha, na ua Ahahui la no o Tereneto i kukulu iho ia, mamuli o ka makemake o ka poe o ia Ahahui, aole no hoi na Iesu Kristo i kukulu i ua Ahahui la, e like me Elisabeta i kukulu maoli iho ai i ka aha Inikuisitio, mamuli o kona manao kolohe. Nolaila, ma keia pana ana au, ua lalau oe, i na kaua e imi iloko o ka Palapala Hemolele i na mea a Iesu i hooili ai, e ike no auanei oe, aole e loaa iki ana kekahi pauku e pili ana no o Elisabeta, a he mana kekahi i haawiia ia ia, e like la hoi me Petero, ka mea a ke kanaka Akua i hooilo aku ai maluna o Petero, e mau loa ia ua mau loa no, aole no he mea nana e kaili e lilo ai, nolaila, ke pane aku nei au ia oe, ua hoka maoli no oe.

Ke i mai nei kuu hoa'loha, "O ka Pope no hoi kekahi hao wale i ke dala a ka poe ilihune, a ma ka hoopunipuni ka! e loaa'i ke dala, he Indulgence ka mea e piha ai ka eke a ka Pope mamuli o kana kauwa o Tezedela i hookohu ai." Aole i hai mai nei kuu hoa'loha i ke kumu i hoopunipuni ai na kumu Pope, i akaka ai kana olelo ana i ka Indulgence, ma keia kumu alua, i akaka ai o Ioane Kaimiola he hoopunipuni.

A noloko o keia hana hoopunipuni a na kahuna Roma o Enelani, (wahi a Ioane Kaimiola,) i hao ai ka o Heneri VIII i na dala a'u i hoike aku ai, oia hoi kela $918,555. No ke aha iho la hoi o Ianoe Kaimiola i huna iho la i ka hewa o na kumu Pope, i akaka ai hoi ia Heneri VIII ka hewa o ia poe, a i ka lehulehu a pau, a me a'u pu kekahi, i akaka aku ai hoi ia makou ka hewa o Heneri VIII. Aka, o ka mea i maopopo loa i na mea a pau, o Heneri VIII no ka mea i hewa. Ma keia wahi, obscured pilikia o Ioane Kaimiola no kona hoopunipuni, a me kona hana hewa, o ia hoi ka hewa o ka Pope.

Ua pane mai kuu hoa'loha, na ka Makua Hemolele ka i kena e pepehi. Heaha la hoi ka mea i hai ole mai nei i ka Pope nana i kena aku e pepehi, a me ka poe a na Pope la i kena aku ai e pepehi. A no ke aha no la hoi i hai ole mai ai i ka la i pepehiia'i, a i ka makahiki hoi, i akaka ai la hoi ka oiaio i na mea a pau. Ne he mea la, ua haku wale iho no o Ioane Kaimiola i keia manao mai loko mai ona, nolaila, ke ike ae la no oukou e ka poe e heluhelu ana i ka hoopunipuni lua ole o Ioane Kaimiola.

(No na Karedinali, a me na Kahunapule, na Aliiepiikopo, na Aliidiakona, na Kumuao, a me na'lii e ae.) Ke i mai nei kuu hoa'loha, no ke kipi ana la! o keia poe ia Heneri VIII, o ke kumu ia o ko lakou make ana, he oiaio anei keia, aole paha ea! aole.

Nolaila, e ninau aku no paha wau i kuu hoa'loha, ia wai la, ia Ioane Kaimiola anei? E aha no la hoi, ia ia no paha wau e ninau aku ai. Ninau obscured heaha la hoi ka lakou hewa i hana'i, i make ai la hoi ia Heneri VIII, e like me kau obscured mai nei ia makou? Heaha hoi, aole ka oe i ike, aole. E! hoopunipuni maoli ka hoi o Ioane Kaimiola, hoopunipuni hoi i ke aha? I ke aha mai ka hoi kau, kai no hoi i imai nei hoi paha ia kakou ua kipi ia o Heneri VIII, eia ka hoi aole la, puni ana ka hoi kakou ia ia nei. Pela mai nei owai? Pela mai nei o hoa-a, ea! e. Aole io hoi paha, hoopunipuni maoli ka hoi oe ia makou obscured aole makou e puni hou aku ana i kau obscured mai oe.  R. obscured

Kulanakauhale Alii.

 

Ia B. Luakaha, me J obscured

E KE AU OKOA obscured

E oluolu paha obscured obscured nopono e hookomo iho obscured obscured nao o kau kauwa nei, obscured o na makamaka o'u obscured heo ae la maluna. Oi obscured iloko o ko'u manao ka obscured mau hoopaapaa ano ole obscured lealea kalakalai wale obscured Ioane Kaimiola, me obscured puu, a me na mea obscured hana ai iwaena o ko obscured ke hooiaio nei au na obscured maka ke kukulu ana i ka obscured aka, ua mokuahana nae obscured nawa, a hiki wale i kona obscured

A hala kekahi mau obscured o ka make ana o Heneri obscured alii ai o Elikapeka, hoo obscured lu ana i ka Ekalesia E obscured ola e ku nei, a o ka hewa obscured Luakaha i manao ai e obscured o kou alelo palau, kou obscured i ke kuamuamu i k obscured Enelani, nolaila, he obscured noonoo maikai ana. obscured ha, oiai, ua like pu ia obscured e olelo nei, a pela no obscured Moolelo e waiho nei. obscured me ke kuapuu ohu obscured e ku nei, a o kou Eka obscured pepehi hoomainoino obscured obscured ma Ruena 23,000 obscured obscured huna obscured obscured au e h obscured obscured

Nolaila, imua obscured obscured loihi obscured obscured ia olua me kuu hoahewa i kekahi obscured obscured kahi, aka, i ka manao o obscured obscured ua hewa like no olua obscured o ka olua mau hana, a o oe obscured Kaimiola, ke keikik pahi bipi o Ulakoheo, ua obscured aku kou pono, ma ka olelo ana, a ua akahele hoi ma ka pane ana aku, nolaila, o ko'u manao ia olua e noi aku nei, e hoopa obscured mau hana, a e lulu lima ae olua, i mea e pau ai keia hoopaapaa ana me ka hue obscured o kekahi aoao hoomana i na mea a obscured hoomoe ia ma na buke moolelo hohonu o ke ao nei, aole no auanei oe i ike e B. Luakaha o ka hoomana au e obscured la, he hoomana no ia na ko ke ao nei obscured ai ia Iesu obscured pela no ko Enelani hoomana obscured Heneri VIII laua o Elikapeka i kukulu, a aole na Iesu mai, pela no o Ioane Kalavina obscured aole na Iesu i kukulu i neia mau hoomana obscured obscured Baibala. Pela obscured a me obscured i ko'u wahi manao pane obscured obscured keia kaona hoolailai. Me ka mahalo.

WILLIAM B. HELUHELU.

Alanui Alii, Honolulu, Nov 15, 1865.