Ke Alakai o Hawaii, Volume X, Number 21, 3 June 1937 — AOHE WAIHONA HOOLAULEA I HOOKAAWALE IA NO DUKE P KAHANAMOKU [ARTICLE]

AOHE WAIHONA HOOLAULEA I HOOKAAWALE IA NO DUKE P KAHANAMOKU

Hoole o Meia Wright i ke noi a ka ahaolelo elike me ka lakou i hooholo ai ma ka lakou olelo hooholo like i apono ai, oia hoi e haawi oia I $500 o kona mahele hoolaulea elike me ka mea 1 uku ia naai iaia no Duke P» Kahanamoku i mea hoi e kokua ana iaia 110 ka hoolaulea ana aku i na malihini ame na makaika<i e hele mai ana i ko kakou mau lae kahakai a i ole ia i ko kakou kulanakauhale. Wahi a ka ahaolelo i hooholo ai oia hoi, i na wa apau a na makaikai I hoea mai ai i Honolulu nei a e ia e Duke P. Kahanamoku, o ka mea i ike ia e nanao mau ana oia ilalo iloko o kona mau pakeke no ka hoonanea ana aku i keia mau makaikai i hele mai e ike iaia, no ka mea he oia i ike nui ia a puni ke ao holookoa. O na makaikai no lakou ka manao aole o na makaikal ano hapa mai o ke koikoi aka, no na makaikai koikoi loa e manao ana e ike iaia. Aole i hiki ia*u ke haaWi wale aku i ke dala o ke kalana i kahi e me ke ku ote i ke kanawai, wahi a ka meia,. Aka, ina e haawi ana au i kekahi o keia dala ia Duke P. Kahanamoku, aole i nele ke no i mai o oa poo aupuni o ke kalana nei e hoohana ia aku pela no ko lakou mau pono. Aka, wahi ana e waiho aku ana au i keia olelo hooholo i hooholo ia e ka ahaolelo imua o ka papa luna-_ kiai no ka noonoo ana. *