Ke Alakai o Hawaii, Volume X, Number 10, 11 March 1937 — Pakele Mai Piholo Iloko Oke Kai, Lilo Kona Hanau Mua I Mea Hoopakele Lele Kona Hanau Mua Iloko Oke Kai No Ka Hoopakele Ana I Kona Pokii Ma Ala Moana [ARTICLE]

Pakele Mai Piholo Iloko Oke Kai, Lilo Kona Hanau Mua I Mea Hoopakele

Lele Kona Hanau Mua Iloko Oke Kai No Ka Hoopakele Ana I Kona Pokii Ma Ala Moana

Ua hoopakeleia ke ola o kekahi kaikamahine he 15 makahiki makahi auau kai ma kela Paka hou ma Ala Moana ma ke awakea o ka Poaono aku la i hala ina aole i lawe ae kona kajkuaana o Loke Rodrigues # he 18 makahiki i ke kulana koa awiwoole ma kona lele ana aku iloko o ke kai hohonu me kona lole no a i kona pokii Dora Rodrigues no ka aina maloo. Wahi a kona kaikuaana e paani ana keia kaikamahine me kona wahi muli iho me Mele makahi papau ai ka wa i holo aku ai ka laua kinipopo a haule makahi hohonu o ke kai ua hooao aku la o Dora e kii i ka laua kinippo aka ua kapeke aku la kona wawae a haule aku la oia iloko o kahi hohonu o ke kai. Ua ike maila hoi kona kaikuaana i keia pilikia i loaa i kona wahi pokii a kahea maila oia aka aoie he mea hiki i kona wahi pokii ke hana, nolaila, ua wehe koke aela oia i kona kamaa a holo aku la me kona lole no a lele aku la iloko o ke kai a huki maila i kona wahi pokii i maule. Me ke kukoa a kou wahi pokii uuku o Mele, he 14 makahiki, ua huki" maila laua ia Dora no ka aina maloo, no ka mea he kaumaha keia kaikamahine me ka maule pu. Ua holo aku la o Mele e kahea i mau kokua a loaa aku la h-oi he elua mau kanaka hana no loko o ka paka ana laua hoi i kahea i ke kaa mai. Ma ka hale mai ona poe ulia i pohala mai ai oia, a wahi ana kauka aole he wai i loaa maloko o 'kona opu ame kona ake mama. Ua manao na kauka ua maule oia mamuli o kona .hoikaika ana. Na kaikamahine keia a Hilario Rodrigues e noho nei ma ke alanui helu 1102 Kaimuki.