Ke Alakai o Hawaii, Volume X, Number 6, 11 February 1937 — HE KANAWAI INISUA HOU KE HOOMAKAUKAU IA MAI NEI NO KA AHA OLELO [ARTICLE]

HE KANAWAI INISUA HOU KE HOOMAKAUKAU IA MAI NEI NO KA AHA OLELO

E hookomo ia aku ana iloko o ka Aha Olelo e noho mai ana, he kanawai hou, e haawi ana i ka puuku o ke Teritore he mana ma ke ano he inLsua komiki.na, no ka noonoo ana ia mai. Ua hoomakaukau ia keia kanawai e Ernest K. Kai, Lunahooia o ke Teritore, oiai oia e noho hope puuku ana, a ua waiho aku hoi imua o Samuela B. Kemp, Loio Kuhina o ke Teritore, no ke apohoia mai. Oiai aoīe keia kanawai e kukulu hou ana i keena kaawale no ke komikina ona inisua, ua laula maoli wahi a kekahi poe i kuhikuhi ae ai i keia la, ua lawa no ka hana a kekahi keeng kāawale ina e hookaawale ka Aha Olelo i haawina dala noia mea. Oiai ua noonoo ia ke kukulu ana i keena kaawale no kekahi manawa, ua hoomaopoopoo ia aole ke Kiaaina e hookomo mai ana i kanawai oia aho, ke noho mai ka Aha Olelo. Malalo ( o keia kanawai hou ua haawi ia ka mana i ka puuku i ka puunauwe ana ina pakeneka inisua mawaena ona loaa ame na hoolilo i uku iā, no ke k&upaona an&! i ke kupono a kupono ole o ka pakeneka e ku nei i keia manawa. Ina e hooholo ia keia kanawai alaila, e kono ia ana na akena inisua ame na poe kuai inisua e lawe ae i hoike no ko lakou makaukau a kupoho.