Ke Alakai o Hawaii, Volume IX, Number 37, 24 December 1936 — E LOAA ANA KA MEA PEPEHI KANAKA [ARTICLE]

E LOAA ANA KA MEA PEPEHI KANAKA

MOUNT RANIER, Md.— Ke manao nei na oihana makai o ke kulanakanhale nei e loaa ana ia lakou ka mea pepehi ia Corinna Loring he wahine opio ui loa, i loaa aku kona kino ma kahi mehameha ma ke ahiahi i hoolala ia e mare oia i ke kane ua umiia oia a make. He meheu hou kai loaa aku i na makai a oia ka lakou nei e manao nei e alakoia ai lakou i kahi e pee nei o ka mea pekanaka.

Aole na makai i hai mai i ka lakou mea e hoohuoi nei, aka ua makaukau lakou e hopu aku iaia, aole he lokihi _loa.

Ua nininau pinepine aku ia o Richard Tear, nona na makahiki he 30 a o ke kane hoopalauhoi a Corinna imake e Lukanela o na Makai lokepa F. Itzel o Ba!timore.

Iloko o Nowemaba 1935, ua hoohiki o Tear e alana ka mea nana i pepehi aku i kana wahine hoopalau a make i kona ola.

"Imua ke Akua jte hoohiki nei au e hiki mai ana ka la a'u e hui pu aku ai me ka mea nana i lawe ae i ke ola o ka'u mea aloha t a i ko ole e iawe ae ana au i ko'u ola iho," wahi a Tear. I kekahi wa mamua aku, he limahana oia no haukipila.

I ke ano molehulehu ana o ka la i hoolala ai o Corinna ame Tear e mare laua, i kela manawa hookahi i kimopoia ai o Corinna, a me kona ike hou ole ia ana e ola ana, ua hele aku o Tear e hui pu me Corinna. No ka pane ole ia o kana kikeke pmsi ana mawaho o ka puka, kakau iho la oia he leta a hookau aku la ma ka poheoheo o ka puka komo. Ponei ua leta ala:

"Mea momona. Rora 9;15 keia, nolaila ua hiki mai ka manawa au' e hele ai i ka hana. E ike aku ana au i ka la apopo. Me ke aloha, — Likeke."

I ke kakahiaka ana ae, loaa aku la ke kino o Coriniia malalo o ke k«mu apala me he mea la ua umiia kona.kaniai.

E waiho ia aku ana na hoike hou imua o ke Aha Kiure ka noonoo ana i jia mea e hauaia aku aua. Aia ka ho pwi> ana o k& mea i hoohuoiia a maopopo pono na manao o na lala o ke kiure.

Mahope o ke kuka? manao ana me Tear opio ma Marhorer luna, haalele iho h\ o Lukanela Itzel ame Kakiaua Leo Gogelsaii£, no Ba!timore, no kekahi wahi a laua hoi i hahai ole maL

Huli hoi o Tear i kona home ma Wakinekona, ī). C., ao k« kali ana i kekahi kahea te!epona«