Ke Alakai o Hawaii, Volume IX, Number 36, 17 December 1936 — LAWE O KEOKI VI I KA HOOHIKI Kanikau o Enelani i ko Eduarda Haalele Ana Kaniuhu o Keoki VI i kaua mea o ke aloha ia Eduarda VIII [ARTICLE]

LAWE O KEOKI VI I KA HOOHIKI

Kanikau o Enelani i ko Eduarda Haalele Ana

Kaniuhu o Keoki VI i kaua mea o ke aloha ia Eduarda VIII

LONDON, Dekemaba 12 —-Hookanikani pihe ia o ko Enelani makaainana ma o ka lawe ana ae o Keoki VI I na olelo hoohiki i keia la a i kela manawa hookahi, luuluu ko lakou manao, kohu kanikau ala, no ka haalele ana o Eduarda VIIL i ka noho moi. Ma o kona lawe ana ae i ka olelo hoohiki, hooliloia o Keoki VI i moi no ko Enelani noho'na moi a pela nohoi kona mau teritore owaho, ma ke ano he Emperala. Oiai e malamaia ana na hana hoohiki, aole o Eduarda i hui pu aku ma laila, no ka mea ua haalele mua oia maluna o kekahi mokukaua po kahi e aole i maopopo i na makaainana. I ko Eduarda haalele ana i kona Piccadily home, e aahu ana oia i na lole piha o ke adimarala me na lihilihi gula e hulali ana ame na ribini balu o ka Puula o na Li Kakini, a na tausani o na tausani e hookanikani pihe ana oiai oia e helewawae ana ma ka uwapo. He 18 puali koa e kuku ana ma ke ala ana e hele ana. Malamaia na hana ponimoi ma ka pa alii o St. James.